Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Ninkii wadey gaarigii dadka laayey oo danbi lagu soo oogey

La daabacay måndag 10 april kl 14.34
Booliska: gacantaan ku hayaan wadihii gaariga dadka lagu laayey
(1:49 min)
Dan Eliasson polischef.
Dan Eliasson taliyaha ciidamada booliiska dalkaan Sweden. sawir: Anders Wiklund/TT

Taliyaha  ciidamada booliiska dalkaan Sweden Dan Eliasson yaa shir jaraa’id oo uu qabtey ku sheegey in ninka loo qabtey in uu ka danbeeyey falkii gaariga ee jimcihii, ay ka hayaan caddeymo farsamo oo xoog leh iyo waliba in isagu uu qirtey in uu ahaa ninkii wadey gaarigaas dadka lagu laayey.

Taliya ciidamada booliiska dalkaan Sweden Dan Eliasson ayaa isagoo arrinkaas ka hadlaya waxa uu yiri:

- Markaan ka hadlo baaritaanadii aan sameyney, waxaan halkaan uga dhawaaqayaa in qofkaan heynaa uu yahay ninkii saxda ahaa ee wadey gaarigii dadka lagu laayey,taasna waa mid aan hubo,  ayuu yiri taliyaha ciidamada booliiska dalkaan Sweden Dan Eliasson.

Ninkaan loo hayo in uu gaari xamuul ah dad jiirsiiyey ayaa si rasmi ah waxaa maanta danbigaas loogu soo oogey, hadana booliisku waxay sheegeen in baaritaanka dhacdadaani ay guud ahaan qaadan karto muddo hal sano ah.

Ninkaan 39 jirka ah ayaa in danbigaas maanta lagu soo oogey waxaa cadeeyey ku xigeenka xeer ilaaliyha Hans Ihrman oo dacwada ninkaas maanta horgeeyey maxkamadda magaalada Stockholm.

Ciidamada booliiska ayaa sidoo kale sheegey in ay gacanta ku hayaan nin kale oo tuhunka laga qabaa yahay mid hooseeya, kaas oo ay booliisku ka gaabsadeen in warbixino dheeraad ah ka bixiyaan.

Ciidamada booliska ayaa sidoo kale shirkooda jaraa’id maanta ku sheegey in ay 600 oo wareysi la yeesheen dad kala duwan intii ay falkaan baarayeen, sidoo kalana ay baareen guryo badan oo kala duwan.

Ciidamada booliiska ayaa sidoo kale sheegey in ay isha ku hayaan dadka aaminsan awoodda dadka cadcad ”Vitmakt” oo laga yaabo in ay amniga dalkaan khalkhal galiyaan.

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".