Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

فێرگه‌ئازاده‌کانی سوید هه‌ر دێ و زیاد ده‌بن

بڵاو کرایه‌وه‌ måndag 8 oktober 2007 kl 01.44

داخوازیینامه‌کی یه‌کجار زۆر بۆ دامه‌زراندنی فێرگه‌ی ئازاد (friskolor) گه‌یشتۆته‌ ده‌زگای نه‌ته‌وه‌یی کاروباری فێرگه‌کانی سوید (Skolverket). ئه‌م ژماره‌ داخوازیینامه‌یه‌ هیچ کات ئه‌وه‌نده‌ زۆر نه‌بووه‌. هه‌ر ئه‌وه‌ش بۆته‌ هۆی نیگه‌رانیی گه‌لێ کۆمۆنی وڵات که‌ ژماره‌ی فێرگه‌ ئازاده‌کان زیاتر له‌ قوتابیانی داواکار بێت. به‌تایبه‌ت که‌ مه‌زه‌نده‌ ده‌کرێ هه‌ژماری قوتابیانی فێرگه‌ئازاده‌کان (friskolor) له‌ که‌میی بدات.

ئومیۆ یه‌کێ له‌و کۆمۆنانه‌یه‌ که‌ هه‌ست به‌ مه‌ترسیی زێده‌‌تربوونی فێرگه‌ئازاده‌کان و واڵابوونی فێرگه‌ ئاساییه‌کانی مامناوه‌ندی له‌ چه‌ند ساڵی داهاتوودا ده‌کا.

هانس لیندبه‌ری (Hans Lindberg) سه‌رۆکی  کومیته‌ی خوێندنی گه‌وره‌ساڵان و مامناوه‌ندیی (gymnasie- och vuxenutbildningsnämnden) له‌ باژاری ئۆمیۆ که‌ سه‌ر به‌ حیزبی سوسیال دیمۆکراته‌ ده‌ڵێ ئێمه نزیکه‌ی ٧٧٠٠ جێگه‌ی خوندنمان ده‌بێ ته‌نیا بۆ چوار هه‌زار که‌س.

ئه‌و ده‌ڵێ ئه‌م زێده‌بوونه‌ هیچ شتێک له‌ وه‌ی تا ئێستا هه‌بووه‌ زیاده‌ ناکا ته‌نیا ئه‌وه‌ نه‌بێ هه‌ر هه‌مان به‌رنامه‌ جارێکی‌تر داده‌نرێته‌وه‌ ئه‌مه‌ هه‌رچه‌ند هه‌ژماری قوتابیان که‌متریش ده‌بێته‌وه‌.‌

کۆمۆنی ئومیۆ جگه‌ له‌و پێنج فێرگه‌ مامناوه‌ندییه‌ ئازادانه‌ی ئێستا هه‌یه‌تی، داخوازینانه‌ی پێنجی تریشی بۆ هاتووه‌. دوو فێرگه‌‌ی هه‌یی ده‌یانه‌وێ چالاکییه‌کانیان به‌ربلاوتریش بکه‌ن، به‌محاڵه‌وه‌ ئه‌مه‌ وا ده‌گه‌یێنێ که‌ نزیکه‌ی ٣٧٠٠ جێگه‌ زیاد دێته‌وه‌.

کۆمۆنی ئومیۆش وه‌ک چه‌ندین کۆمۆنی‌تری وڵات له‌ نامه‌ی خۆیدا بۆ ده‌زگای نه‌ته‌وه‌یی کاروباری فێرگه‌کان (Skolverket) ئاماژه‌ ده‌کاته‌ ئه‌وه‌ که‌ زۆربوونی فێرگه‌ ئازاده‌کان کێشه‌ بۆ نیزا‌می فێرگه‌ی کۆمۆنه‌کان ده‌خوڵقێنێ.

به‌رپرسانی‌ خوێندکاریی ئومیۆ پێیان وایه‌ که‌ بناغه‌ی قوتابیان بۆ به‌رنامه‌کانی فێرگه‌ی مامناوه‌ندی وه‌ها وێران ده‌بێ که‌ ئیدی کۆمۆن ناتوانێ ئه‌و به‌رنامه‌ سه‌رانسه‌رییانه‌ی له‌ گشت وڵاتدا ده‌درێن، پێشکه‌شیان بکات.

له‌ ستۆکهۆڵم کۆمۆنه‌کان باس له‌وه‌ ده‌که‌ن که‌ چه‌ند فێرگه‌ی ئازاد له‌ په‌راوێزی شار (förorten) ده‌کرێ لێکبدرێن و به‌شێکی زۆری ئه‌و ناوچانه‌ له‌ داهاتوویه‌کی نزیکدا خاوه‌نی هیچ قوتابخانه‌یه‌کی مامناوه‌ندی نابن.

به‌ڵام به‌رله‌ هه‌موو شت چه‌ندین کۆمۆنی وڵات له‌ سه‌ر ئه‌م بڕوایه‌ن که‌ کاتێ کۆمۆن به‌ پێی یاسا بیه‌وێ بۆ هه‌موو قوتابییه‌ک جێیه‌کی خوێندن بپارێزێ ئه‌وا مونافه‌سه‌‌یه‌کی گه‌وره‌ له‌ نێوان فێرگه‌ ئازاده‌کان و فێرگه‌ ڕه‌سمییه‌کان دێته‌ گۆڕێ.

هانس لیندبه‌ری سه‌رۆکی  کومیته‌ی خوێندنی گه‌وره‌ساڵان و مامناوه‌ندیی له‌ باژاری ئۆمیۆ ده‌ڵێ یاسا له‌ سه‌ر ئه‌م خاڵه‌ نه‌دواوه‌.

ئه‌و ده‌ڵێ له‌ ئومئۆ چه‌ند فێرگه‌یه‌کی ئازاد‌ له‌ لایه‌ن ده‌زگای نه‌ته‌وه‌یی کاروباری فێرگه‌کانه‌وه‌(Skolverket) ئیزنیان پێدراوه‌‌ به‌رنامه‌‌کانی فێرکاریی خۆیان ده‌ست پێبکه‌ن به‌ڵام هێشتا ئه‌و کاره‌یان نه‌کردوه‌. که‌وابێ ئه‌وه‌ ئه‌رکی کۆمۆنه‌ ئیمکاناتی خوێندن پێشکه‌ش بکات. له‌م ڕوانگه‌یه‌وه‌ ده‌بێ کۆمۆن ئاماده‌یی خۆی له‌مباره‌وه‌ هه‌بێ چونکه‌ به‌ پێی یاسا ده‌بێ ئێمه‌ ئیمکاناتی خوێندن له‌ ئیختیار خوێندکاران بنێین. ئه‌مه‌ش له‌ سه‌ر ماڵیاتده‌ران پاره‌یه‌کی زۆر ده‌کات.

بڕیاردان له‌ سه‌ر ئه‌و ٣٠٢ داواکارییه‌ی بۆ دامه‌زراندنی فێرگه‌ی ئازاد له‌ ئاستی مامناوه‌ندیدا پێشکه‌شکراوه‌، ئێستا به‌ده‌ست ده‌زگای نه‌ته‌وه‌یی کاروباری فێرگه‌کانی سوید (Skolverket)ه‌ که‌ وای داناوه‌ تا کۆتایی ئه‌مساڵ وه‌ڵامیان بداته‌وه‌. که‌چی به‌ گوێره‌ی قسه‌کانی په‌ر ئارنێ هۆکانسۆن (Per-Arne Håkansson)ی سوسیالدیمۆکرات و سه‌رۆکی کومیته‌ی فێرکاری له‌ کۆمۆنی ئۆستۆرپ (Åstorps) بڕیار له‌مباره‌وه‌ ده‌بێ له‌ لایه‌ن کۆمۆنه‌‌کانه‌وه‌ بدرێ نه‌ک سکولڤه‌رکێت.

هۆکانسۆن ده‌ڵێ چونکه‌ ئه‌وه‌ کۆمۆنه‌کانن له‌‌م جۆره‌ چالاکییه‌و دابینکردنی خه‌رجی جێگه‌ی خوێندن به‌رپرسن که‌وابێ ده‌بێ هه‌ر خۆشیان ده‌رباره‌ی ئه‌گه‌ری دامه‌زراندنی ئه‌م فێرگانه‌ بڕیارده‌ر بن.

nasser.sina@sr.se

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".