Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

فره‌لایه‌نی له‌ کۆمۆنی ئۆرێبروو له‌به‌رچاو ناگیرێ

بڵاو کرایه‌وه‌ söndag 14 oktober 2007 kl 01.47

سه‌ره‌ڕای به‌رنامه‌یه‌کی فره‌لایه‌نه‌ (mångfald) بۆ دامه‌زراندنی خه‌ڵک، کۆمۆنی ئۆرێبروو نه‌یتوانیوه‌ به‌‌و ئامانجه‌ی خۆی بگات. لێنا شێلستروێم (Lena Källström) به‌ڕیوه‌به‌ری کۆمۆن (Kommundirektör) ده‌ڵێ سه‌رۆکایه‌تیی کۆمۆن له‌ دۆزینه‌وه‌ی که‌سانی سه‌ره‌کی و به‌رپرس بۆ هه‌ڵبژاردن و دامه‌زراندنی خه‌ڵکدا سه‌رنه‌که‌وتووه‌.

شێلستروێم ده‌ڵێ تێگه‌یشتنی وا هه‌یه‌ ڕه‌نگه‌ بتوانم بێژم پێشداوه‌ریی وه‌هاش که‌ ئاستی زانیارییی بیانییه‌کان تێریی کار لێره‌ ناکا و به‌جۆرێک له‌ جۆره‌کان له‌ گه‌ڵ ئێمه‌ نایه‌ته‌وه‌. ئه‌م بۆچوونه‌ش شێکی باش نییه‌ و ئێمه‌ بۆ نه‌هێشتنی خه‌بات ده‌که‌ین که‌ له‌ قۆناغی یه‌که‌مدا له‌گه‌ڵ سه‌رۆکه‌کان که‌ به‌رپرسی ئه‌وه‌ن هاوکاری نوێ هه‌ڵبژێرن و بناسێنن.

گه‌لێ جار کاره‌کانی کۆمۆن پێویستیان به‌ خوێنده‌واریی له‌ ئاستی زانکۆدا هه‌یه‌ که‌ بیانیانی نیشته‌جێی ئۆرێبروو به‌ شێوه‌یه‌کی گشتی له‌ چاو بیانیان له‌ شاره‌کانی‌تردا که‌متر هه‌یانه‌. هۆیه‌کی‌تر ئه‌وه‌یه‌ که‌ کۆمۆنه‌که‌ له‌ ساڵانی‌ ڕابردوودا که‌سانێکی زۆری له‌ سه‌ر کار دانه‌مه‌زراندووه‌ هه‌رچه‌ند ساڵی ڕابردوو، ١٢ له‌سه‌دی ئه‌و که‌سانه‌ی له‌ کۆمۆنی ئۆرێبروو کاریان ده‌ست که‌وت، ئه‌و که‌سانه‌ بوون که‌ له‌ ده‌ره‌وه‌ی وڵات له‌دایک بوون.

لێنا شێلستروێم (Lena Källström) به‌ڕێوه‌به‌ری کۆمۆن (Kommundirektör) ده‌ڵێ من به‌ سه‌رۆکه‌کانی ژێرده‌ستی خۆمم گوتووه‌ که هه‌موو ساڵێ بۆ دیاریکردنی مووچه‌ له‌گه‌ڵتان داده‌نیشم. بێتوو به‌رنامه‌ی فره‌لایه‌نی ()تان ئه‌نجام دابێ ئه‌وا مووچه‌ی باشتان ده‌درێتێ چونکه‌ ئه‌وه‌ له‌ ڕوانگه‌ی منه‌وه‌ مه‌رجێکه‌ بۆ ئاستی مووچه‌بڕینه‌وه‌ی سه‌رۆکه‌کان.

پارێزگا به‌ڵێنی ده‌دا که‌ له‌ دامه‌زراندن و ته‌عیینکردنی بیانیاندا باشتر بێ و ئه‌م ره‌خنه‌یه‌ قه‌بووڵ ده‌کا که‌ نه‌یتوانیوه‌ ئه‌و به‌ڕه‌گه‌زبیانیانه‌ی ئۆرێبروو که‌ له‌ بواری نه‌خۆشه‌وانیدا خوێندوویانه‌ و ئێستا بێکارن، بباته‌ سه‌رکار. ماریا ئاندرشۆن سه‌رۆکی په‌رسۆناڵی پارێزگا ده‌ڵێ ئێمه‌ ده‌بێ له‌په‌یوه‌ندیماندا له‌گه‌ڵ دایره‌ی کاردۆزینه‌وه‌‌دا (arbetsförmedlingen) چالاکتر بین. ئاندرشۆن ده‌ڵێ مرۆڤ زۆرجار ئه‌و که‌س و شتانه‌ی زۆر له‌ نزیکییه‌وه‌ن نابینێ چونکه‌ وه‌ک کوێر بێ وایه‌.

ئۆرێبروو له‌ ناو گشت کۆمۆنه‌کانی سویددا زۆرترین ڕێژه‌ی بێکاری له‌ناو بیانیاندا هه‌یه‌، گه‌لێ زیاتر له‌ کۆمۆنی وه‌ک ئێسکیلستونا، لینشۆپینگ یا سوێدرتێلیێ: 13.3 له‌سه‌د. هۆی ئه‌م ڕێژه‌ زۆره‌، گه‌له‌کن. بۆ نموونه بیانیانی نیشته‌جێی کۆمۆنی ئۆرێبروو خوێنده‌وارییان که‌متره‌‌ له‌ هی کۆمۆنه‌کانی‌تر. هه‌روه‌ها ئه‌و جۆره‌ کارانه‌ی خوێنده‌واریی به‌رزیان پێویست نییه‌ که‌مترن. به‌ گوێره‌ی قسه‌کانی ڕیکارد ڤه‌پپێلین (Richard Vappelin) سه‌رۆکی کومیته‌ی بازاڕی کار (arbetsmarknadsnämndens ordförande) ئه‌مه‌ په‌یوه‌ندیی به‌وه‌وه‌ هه‌یه‌ که‌ کۆمۆنه‌که‌ له‌ ماوه‌یه‌کی به‌رچاودا ڕێژه‌یه‌کی زۆری په‌نابه‌ری وه‌رگرتووه‌.

شۆرای پارێزگای ئۆرێبروو هێزێکی زۆری به‌کار هێناوه‌ که‌ پزیشک له‌ ده‌ره‌وه‌ی وڵاته‌وه‌ په‌یدا بکات هه‌رچه‌ند له‌ ناو خودی شاره‌که‌دا پزیشکی بێکار هه‌‌بوون. ئێستا ئه‌نجومه‌نی پاڕێزگای یۆتله‌ند‌ی ڕۆژهه‌ڵات (Östergötland) وه‌پێش که‌وتووه‌ و ده‌ستی به‌ دۆزینه‌وه‌ی پزیشکانی نیشته‌جێی ئۆرێبروو کردووه‌ بۆ ئه‌وه‌ی بۆ کار کردن ڕایانکێشێته‌ لینشۆپینگ. مارییا ئۆکێسۆن (Maria Åkesson) به‌ڕێوه‌به‌ری کارمه‌ندان له‌ ئۆرێبروو له‌م‌ بابه‌ته‌وه‌ ڕه‌خنه‌ له‌ خۆی ده‌گرێ.

مارییا ئۆکێسۆن ده‌ڵێ ئه‌نجومه‌نی پارێزگای ئۆرێبروو زۆر له‌وه‌دا که‌ نه‌کا داواکارانی به‌ڕه‌گه‌ز بیانیی هه‌ڵاواردرێن به‌ سه‌رنجه‌وه‌ ره‌فتاری کردووه‌. هیچ جیاوازییه‌ک له‌ نێوان که‌سێکی وه‌ک ئه‌حمه‌د له‌گه‌ڵ کاللێدا دانه‌نراوه‌. به‌ڵام به‌م حاڵه‌شه‌وه له‌ دۆزینه‌وه‌ی بیانیانی خوێنده‌وار له‌ بواری نه‌خۆشه‌وانیدا چالاک نه‌بووه‌ تا بۆ کارکردن له‌و پۆستانه‌دا که‌ پێویستییان پێیه‌تی ئـاماده‌یان بکات. ‌ئێستا مارییا ئۆکێسۆن داواکاری ئه‌وه‌یه‌ که‌ ئه‌نجومه‌نی پارێزگا له‌ په‌یداکردنی که‌سانی شیاو و لێزان له‌ بواری نه‌خۆشه‌وانیدا (vård) که‌ له‌به‌ر ده‌می خۆیانن باشتر ببێ. هه‌روه‌ها په‌یوه‌ندییه‌کی باشتریش ده‌بێ له‌ گه‌ڵ دایه‌ری دۆزینه‌وه‌ی کار (Arbetsförmedlingen) و ئه‌نجوومه‌نی پاریزگادا (landstinget) دروست ببێ وئه‌م ئه‌نجومه‌ن له‌ بواری چۆنه‌تیی په‌یداکردنی کار بۆ ئه‌و که‌سانه‌ی بۆوێنه‌ خوێنده‌واریی پزیشکییان هه‌یه‌ و ئێستا خه‌ریکی فێربوونی زمانی سویدیین له‌ واری نه‌خۆشه‌وانیدا بکه‌وێته‌ ناو وتووێژێکی ناوخۆییه‌‌وه‌. ئه‌وه‌ی له‌ لینشۆپینگ کراوه‌ ئه‌وه‌یه‌ که‌ ده‌ستیان کردووه‌ به‌ دانانی خولێکی په‌روه‌رده‌ی به‌رده‌وامیی خوێندن بۆ ئه‌و پزیشکه‌ بیانییانه‌ی‌ تازه‌ هاتوونه‌ته‌ سوید. له‌ ماوه‌ی شه‌ش ساڵدا 50 که‌س پێناسه‌ی پزیشکیی سویدیان وه‌رگرتووه‌ که‌ هه‌شتا له‌سه‌دیان پاش وه‌رگرتنی کار، له‌ پارێزگا‌ی یۆتله‌ندی ڕۆژهه‌ڵاتدا (Östergötland) ماونه‌ته‌وه‌.

nasser.sina@sr.se

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".