Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

دیسانیش ئابڕووچوونێکی‌تر بۆ مۆدێراته‌کان

بڵاو کرایه‌وه‌ måndag 5 november 2007 kl 16.13

سکرتێری چاپه‌مه‌نیی پارتی مۆدێراتی سوید په‌ر شلینگمان داواکاری گفتوگۆته‌کی ناوخۆیی کراوه‌تره‌ ده‌رباره‌ی ئه‌خلاق و پرنسیپه ئه‌خلاقییه‌کانی ناو حیزبه‌که‌ی. ئه‌مه‌ پاش رووداوه‌کانی ئه‌م دواییه‌ که‌ تێیدا چه‌ندین که‌سایه‌تیی مۆدێراتبه‌ شیوه‌یه‌کی جیددی پێشێلی کێشه‌ ئه‌خلاقییه‌کانیان کردووه‌.

لیستی له‌قاودراونی ناو ئه‌م حیزبه‌ که‌ له‌ یاسا و ڕێساکان به‌ توندی لایانداوه له‌م هه‌فته‌یه‌ی دواییدا درێژتر بوو.

له‌‌وه‌ته‌ی هه‌ڵبژاردنی ساڵی ڕابردۆوه‌، چه‌ندین وه‌زیر دانیان به‌ پاره‌دانی به‌ڕه‌ش داهێناوه‌ و دوو له‌ وانه‌ ده‌ستیان له‌ کار کێشایه‌وه‌. له‌م ڕۆژانه‌ی رابردووشدا بینیمان که‌ سکرتێری سه‌رۆکوه‌زیر ده‌ستی له‌ کار به‌ردا، دواتر جێگرێک دانی به‌وه‌ داهێنا که‌ به‌ڕه‌ش‌ پاره‌ی داوه‌‌ و دوێنێش دوو سیاسه‌توانی به‌ناووده‌نگی مۆدێرات له‌ ستۆکهۆڵم که‌ دانی به‌وه‌ داهێنا که‌ بۆ ماوه‌ی سێزده‌ ساڵان به‌ پاره‌ی ڕه‌ش ماڵه‌که‌یان بۆ خاوێن کردوونه‌وه‌.

په‌ر شلینگمان پێی وایه‌ ئه‌وه‌ی تا ئێستا چه‌ندین که‌سایه‌تیی مۆدێراته‌کان  دانیان به‌ پاره‌دانی ڕه‌ش داهێناوه‌ ئه‌وا نیشان ده‌دا که‌ وه‌زع له‌ گشت وڵاتدا چۆنه‌.

ڕۆژی ڕابردوو سکرتێری سه‌رۆکوه‌زیری سوید فریدریک راینفێڵد، خانمی نیکۆلا کلاس، له‌ قاوی دا که‌ ئه‌و و مێرده‌که‌ی چۆن چه‌ند ساڵ له‌وه‌ پێش بۆ کاری پاقژیی ناو ماڵه‌که‌یان پاره‌یان به‌ ڕه‌ش داوه‌. ئه‌و بڕه‌ پاره‌یه‌ بۆ ساڵانی ٢٠٠٢ و ٢٠٠٣ سه‌رجه‌م به‌ ڕاده‌ی ٦٨ هه‌زار کرۆن بووه‌.

به‌محاڵه‌وه‌ نیکۆلا کلاس نایه‌وێ وه‌ڵامی ئه‌و پرسیاره‌ بداته‌وه‌ که‌ ئاخۆ بۆچی ئه‌و و مێرده‌که‌ی ویستوویانه‌ فێڵ له‌ حوکوومه‌ت بکه‌ن. هه‌روه‌ها وه‌ڵامێکی شیاویش ناده‌وه‌نه به‌و پرسه‌ که‌ ئه‌م کاره‌ نایاساییه‌ به‌ پێشنیاری کێ کراوه‌، ئه‌و و مێرده‌که‌ی یا کارکه‌ره‌کان؟

ئێستاش چه‌ندین سیمای ناسراو و به‌هێزی حیزبی مۆدێرات، له‌و حاڵه‌ و له‌و هه‌مووه‌ ئابڕووچوونه‌ یه‌کبه‌دوای یه‌کانه‌دا وه‌ڕه‌ز بوون. ئێکۆت، به‌شی ناوه‌ندیی ده‌نگوباسی ڕادیۆ سوید ته‌له‌فۆنی بۆ چه‌ند ناوچه‌ی ئه‌و حیزبه‌ کرد و بۆی ده‌رکه‌وت که‌ گه‌لێ که‌س نیگه‌رانی ئه‌وه‌ن که‌ نه‌کا جارێکی‌تریش له‌قاودانی وه‌ها بێته‌ پێش و مۆدێراتێکی دیکه‌ش ناوی بدرکێ که‌ کاری نایاسایی کردووه‌.‌

پێتر نووربه‌ری دۆکتۆرای ئێتیک و ئه‌خلاق له‌ فێرگه‌ی به‌رزی بازرگانی (Handelshögskola) له‌ ستۆکهۆڵم له‌ سه‌ر سیاسه‌تمه‌داره‌ له‌قاودراوه‌کان ده‌ڵێ ڕه‌نگه‌ هۆی ئه‌وه‌ی که‌سانی خاوه‌ن ده‌سه‌ڵات و په‌یوه‌ندیی کۆمه‌ڵایه‌تیی، کاری نایاسایی و پێشێلکاری ڕێساکان ده‌که‌ن، ئه‌وه‌ بێ که‌ ئه‌وان خوویان به‌وه‌ گرتووه‌ که به‌ که‌یفی خۆیان هه‌ر شتێکی ده‌یانه‌وێ بکه‌ن بێ ئه‌وه‌ی‌ نیگه‌رانی ئه‌وه‌ بن بدرکێ.

‌  ‌

با به‌ کورتی چاوێک به‌و گرفته‌ گه‌ورانه‌ دا بگێڕین که‌ بۆ حوکوومه‌تی ڕاینفێڵد هاتوونه‌ته‌ پێشێ:

  • ٢ی نۆڤه‌مبه‌ری ٢٠٠٧: نیکۆلا کلاس سکرتێری سه‌رۆکوه‌زیر (Statssekreterare) درکاندی که‌ چل هه‌زار کرۆنی داوه‌ به‌ وه‌ستایه‌کی کاری ده‌ستی.
  • ١ی نۆڤه‌مبه‌ری ٢٠٠٧: ئولریکا شێنستروێم سکرتێری ده‌وڵه‌ت له‌ دیوانی سه‌رۆکوه‌زیریی (statsrådsberedningen) ده‌ستی له‌ کار کێشایه‌وه‌ له‌به‌ر ئه‌وه‌ی له‌گه‌ڵ ڕۆژنامه‌وانێکی که‌ناڵی چواری تله‌فزیۆنی سوید، شه‌رابی خواردبۆوه‌.
  • ١٣ی سێپتامبری ٢٠٠٧: وه‌زیری بازرگانی ئێڤا بیۆرلینگ، تێگه‌یشتنی ته‌واو هه‌ڵه‌ی له‌ ئیجازه‌نامه‌ی دروستکردنی خانوه‌که‌ی خۆی هه‌بوو و به‌رپرسانی پارێزگا دواتر پێیان هه‌ڵوه‌شانه‌وه‌.
  • ٥ی سێپتامبری ٢٠٠٧: وه‌زیری به‌رگری میکائیل ئوودێنبه‌ری له‌ به‌ر ڕه‌خنه‌ له‌ که‌مبوونه‌وه‌ی بودجه‌ی وه‌زاره‌تخانه‌که‌ی ده‌ستی له‌ کار کێشایه‌وه‌.
  • ٣ی سێپتامبری ٢٠٠٧: ئوربان فونێرێد، سکرتێری ده‌وڵه‌ت له‌ لای وه‌زیری دارایی بازاڕ ماتس ئودێل، پاش ره‌خنه‌ له‌ شه‌ریکه‌یه‌کی هاوکاری حوکوومه‌ت به‌ ناوی کارنێگێ (Carnegie) ده‌ستی له‌ کار کێشایه‌وه‌.
  • یه‌کی سێپتامبری ٢٠٠٧: کارین فۆشێکێ پۆستی پۆسپۆڕی حوکوومه‌ت له‌ کاروباری فرۆشتنی شه‌ریکه‌کانی به‌ جێهێشت.
  • ١٤ی ئۆکتۆبه‌ری ٢٠٠٦: وه‌زیری بازرگانی مارییا بوریلیووس پاش ئه‌وه‌ی ده‌رکه‌وت که‌ بۆ ئاگاداریی منداڵاکه‌ی که‌سێکی به‌ ڕه‌ش دامه‌زراندبوو و خاوه‌نی شیرکه‌تێکه‌ که‌ باجی له‌ سه‌ر نادات ده‌ستی له‌ کار کێشایه‌وه‌.
  • ١٧ی ئوکتۆبه‌ری ٢٠٠٦: وه‌زیری دارایی ئاندێرش بۆری درکاندی که‌ هه‌م به‌ ڕه‌ش ماڵه‌که‌یان بۆ خاوێن کردۆته‌وه‌ و هه‌م به‌ ڕه‌ش ئاگادار منداڵه‌که‌ی بوون.
  • ١١ی ئوکتۆبه‌ری ٢٠٠٦: وه‌زیری کولتوور سێسیلیا ستێگوێ کیلوو دانی به‌وه‌ داهێنا که‌ بۆ ماوه‌ی شانزاده‌ ساڵان پاره‌ی خاوه‌نێتیی ڕادیۆ و تله‌فزیۆنی نه‌داوه‌. پێنج ڕۆژ دواتر ده‌ستی له‌ کار کێشایه‌وه‌. هه‌روه‌ها مارییا بووریلیوس وه‌زیری بازرگانی و توبییاس بیلستروێم وه‌زیری کۆچیش پاره‌ی خاوه‌نێتیی ڕادیۆ و تله‌فزیۆنیان نه‌دابوو.
  • ٧ی ئۆکتۆبه‌ری ٢٠٠٦: مارییا بووریلیوس وه‌زیری بازرگانی و سێسیلیا ستێگوێ کیلوو وه‌زیری کولتوور هه‌ر دوو ڕایانگه‌یاند که‌ به‌ ڕه‌ش کارمه‌ندیان بۆ ئاگاداری له‌ منداڵه‌کانیان ڕاگرتووه‌.

nasser.sina@sr.se

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".