Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

ئه‌یدز: پرۆژه‌یه‌کی نوێ و هه‌ندێ زانیاریی

بڵاو کرایه‌وه‌ fredag 30 november 2007 kl 13.39

له‌م ڕۆژانه‌دا پرۆژه‌یه‌ک به‌ بۆچوونێکی نوێوه‌ بۆ ڕزگارکردنی گه‌نجانی ئه‌فریقای باشوور له‌ نه‌خۆشیی کوشنده‌ی ئه‌یدز له‌ ستۆکهۆڵم پێشکه‌ش کرا. ده‌ستپێشخه‌ری ئه‌م پرۆژه‌یه‌ دان ئولوفسۆن، سه‌رۆکی شه‌ریکه‌یه‌کی زانیاریی ته‌کنیکی.

ئه‌م کاره‌ ساڵی ٢٠٠٥ له‌ ژێر ناوی (Star School-projekt) ده‌ستی پێکرد و له‌ سه‌ر بیرۆکه‌ی ڤاکسینکردنی ده‌روونی ساز بوو که‌ تێیدا قوتابیانی ۴۳ فێرگه‌ی ئه‌فریقای باشوور و نامیبیا هه‌وڵ بۆ به‌هێزکردنی هه‌سته‌کانی ده‌روونیان ده‌ده‌ن و شێوه‌ هه‌ڵوێستێکی نوێ له‌ به‌رامبه‌ر هه‌سته‌ جینسییه‌کانیان ده‌گرن.

به‌شێکی پاره‌ی ئه‌و پرۆژه‌یه‌ له‌ ڕێی یارمه‌تیی ڕێکخراوه‌ مرۆییه‌کان و که‌سانی دڵاوا و به‌شێکیشی له‌ یارمه‌تیی هه‌رێمی ناتال له‌ ئه‌فریقای باشوور دابین کراوه. خاوه‌نانی پرۆژه‌که‌ ‌به‌ته‌مان داوای یارمه‌تیی له‌ ڕێکخراویی یارمه‌تیگه‌یێنی سیدای سویدیش بکه‌ن.

وه‌ک به‌شێکی پرۆژه‌که‌ کتێبێکیش به‌ ناوی بای هیوا له‌ دۆڵی مه‌رگدا (Hoppets vind i dödens dal) بڵاوبۆوه‌ ده‌رباره‌ی مالباتێکی ئه‌فریقای باشوور که‌ تێیدا باپیره‌یه‌کی ١٠٢ ساڵی به‌ مووچه‌ی خانه‌نشینیی خۆی یازده‌ نه‌تیجه‌ به‌خێو ده‌کا ئه‌ویش پاش ئه‌وه‌ی حه‌وت گه‌وره‌ساڵی ئه‌و ماڵباته‌ به‌ نه‌خۆشیی ئه‌یدز مردوون. کتێبه‌که‌ له‌ لایه‌ن ڕۆژنامه‌وان به‌رتیل ئۆکرلوند (Berthil Åkerlund) و وێنه‌گر توله‌یف سڤێنسۆن (Torleif Svensson) ه‌وه‌ ئاماده‌ کراوه‌.‌ به‌ڵام ئاخۆ ئه‌مه‌ یارمه‌تیی پرۆژه‌که‌ ده‌دا؟ دان ئولوفسۆن به‌رپرسی پرۆژه‌ی (Star School-projekt)  له‌ وتووێژێک له‌گه‌ڵ ڕادیۆی نێونه‌ته‌وه‌یی سوید

وه‌به‌ڵام نه‌خۆشیی ئه‌یدز چییه‌، چۆن په‌یدا ده‌بێ و بۆ ئه‌وه‌نده‌ مه‌ترسیهێنه‌ره‌؟ زایه‌ڵه‌، ئه‌و پرسیارانه‌ی‌ له‌ گه‌ڵ دوکتور ئالان فتووحی هێناوه‌ته‌ گۆڕێ.

nasser.sina@sr.se

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".