Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

شۆڕش ڕه‌حیم خه‌ڵاتی ئاشتیی سه‌رهه‌ڵداوانی وه‌رگرت

بڵاو کرایه‌وه‌ måndag 17 december 2007 kl 13.48
شۆڕش ڕه‌حیم و یۆسێفین لیندبه‌ری / وێنه‌: Lasse Lychnell و ماڵپه‌ڕی ڕێکخراوه‌که‌

ڕۆژی هه‌ینیی ڕابردوو گه‌نجێکی کوردی به‌ ڕه‌گه‌ز که‌رکووکی به‌ ناوی شۆڕش ڕه‌حیم که‌ به‌رپرسی پرۆژه‌یه‌کی گه‌نجانی کورده‌ له‌ زیدی خۆی، خه‌ڵاتی شۆڕشگێڕ، یا سه‌رهه‌ڵداوی له‌ بواری ئاشتیدا وه‌رگرت. به‌رپرسی ئه‌و ڕێکخراوه‌یه‌ یۆسفین لیندبه‌ری که هه‌ر خۆی له‌ ساڵی ٢٠٠٥دا بناغه‌دانه‌ری ئه‌و خه‌ڵاته‌ بووه‌ ده‌ڵێ خه‌ڵاته‌که‌ له‌ ڕۆژی نۆبێلدا پێشکه‌ش ده‌کرێ و به‌ جۆرێک له‌ جۆره‌کان ئالترناتیڤی خه‌ڵاتی ئاشتیی نۆبێله‌ و ده‌درێ به‌ که‌سێک که‌ به‌شێوه‌یه‌کی سه‌رهه‌ڵداوانه‌ بۆ ئاشتی و ئارامی له‌ جیهاندا تێده‌کۆشێ.

پاڵێوراوان له‌ ماوه‌ی دوو مانگی نۆ و ده‌ی هه‌ر ساڵدا له ‌لایه‌ن خه‌ڵکه‌وه‌ پێشنیار ده‌کرێن و هۆی ئه‌و نامزه‌دبوونه‌یان دیاری ده‌کرێ. دوایی له‌ لایه‌ن ئێمه‌وه‌ ده‌سته‌یه‌کی داوه‌ری که‌سی شیاو هه‌ڵده‌بژێرێ له‌و سێ به‌شه‌ی هه‌مانه‌.

به‌شه‌کان ئه‌مانه‌ن:

خه‌ڵاتی ئاشتی بۆ سه‌رهه‌ڵداوێک (Rebells fredspris)، خه‌ڵاتی ئارامیی ناوه‌وه (Inre fridspriset)‌، هه‌روه‌ها خه‌ڵاتی سه‌رهه‌ڵداوێکی هونه‌رمه‌ند (Rebells artistpris).

وه‌به‌ڵام شۆڕش ڕه‌حیم بۆ ئه‌و خه‌ڵاته‌ی وه‌رگرت؟ یۆسفین لیندبه‌ری وه‌ها پێناسه‌ی خه‌ڵاتوه‌رگری کرد:

شۆڕش ڕه‌حیم له ‌ته‌مه‌نی شه‌ش ساڵیدا له‌ شه‌ڕی عیراق ڕایکرد. بیست و پێنج ساڵ دواتر داوای پاره‌ ده‌کات بۆ ئه‌وه‌ی ناوه‌ندێکی چالاک له‌ که‌رکووکی عیراق دامه‌زرێنێ که‌ تێیدا منداڵانی شه‌ڕ له‌ که‌شێکی ئارامدا یه‌کتر ببینن. له‌ خه‌باتێکی سه‌ختدا بۆ وه‌رگرتنی پاره‌ی یارمه‌تیی سوید‌ و وریاییدانی وه‌زاره‌تی ده‌ره‌وه‌، شۆڕش چالاکیی خۆی له‌ بوارێکی دیکه‌دا ده‌ست پێکرد و ڕێکخستنێکی ‌تری دامه‌زراند که‌ سه‌نته‌رێکه‌ بۆ چاوپێکه‌وتنی گشت نه‌ته‌وه‌کان و پێکهاته‌‌ جۆراوجۆره‌کانی ئه‌م باژاره‌، له‌ که‌شێکی پڕ له‌ ئارامی و ته‌ناهیدا. سه‌نته‌رێک که‌ هیچ شه‌ڕ و دژبه‌ری و گرفتێکی یارمه‌تیوه‌رگرتن نه‌توانێ له‌ چالاکیی بخات. کاراکته‌ری به‌هێز و که‌سێتیی ناسراوه‌ی شۆڕش ڕه‌حیم له‌ لای هه‌موو کورده‌کانی جیهان و چالاکبوونی له‌ بواری کێشه‌ جۆراوجۆره‌کاندا به‌ڕێگه‌ی کاریسمایه‌کی نائاسایی و هێزێکی له‌ بنه‌نه‌هاتووی هه‌ڵقوڵاو له‌ سه‌رهه‌ڵدان ئه‌و له‌ که‌سانی‌تر جودا ده‌کاته‌وه‌. خه‌ڵاتی ئاشتیی سه‌ر‌هه‌ڵداوی ئه‌مساڵ بێ هیچ ڕامان و دڕدۆنگییه‌ک ده‌درێ به ‌شۆڕش ڕه‌حیم.

nasser.sina@sr.se

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".