Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

ئه‌و کاته‌ باش گوێگرانی هێژا

بڵاو کرایه‌وه‌ onsdag 26 december 2007 kl 00.01

ئه‌مڕۆ چوارشه‌ممه‌ ۲۶ی دیسه‌مبه‌ری ۲۰۰۷ ڕۆژێک دوای جێژنی پاک، واتا کریسمه‌سه‌ که‌ له‌ سویددا به‌ (annandag jul) به‌ ناوبانگه‌.‌ به‌شی یه‌که‌می به‌رنامه‌ی ئه‌مڕۆ ته‌رخان دراوه‌ به‌ وتووێژ له‌گه‌ڵ هاکار ڕه‌سووڵ، په‌ناخوازێکی گه‌نجی کورد که‌ سێ مانگ زیاتر له‌ هاتنی بۆ سوید تێناپه‌ڕێ و چاوه‌ڕێی وه‌ڵام له‌ ده‌زگای کۆچ ده‌کا. چه‌ند ڕۆژ له‌وه‌ پێش له‌ قاوه‌خانه‌یه‌ک له‌ ناوه‌ندی ستۆکهۆڵم چاوم به‌م گه‌نجه‌ که‌وت.

که‌وته‌ بیرم که‌ من خۆم له‌ داویین ڕۆژه‌کانی ساڵی ۱۹۹۳ هاتمه‌ سوید و داوای ئیقامه‌تم کرد و نزیکه‌ی دوو ساڵ و نیو چاوه‌ڕێی وه‌ڵام مامه‌وه‌. له‌ یه‌کێ له‌و بابه‌تانه‌ی‌ له‌ سه‌ر ماڵپه‌ڕی زایه‌ڵه‌ش بڵاوم کردۆته‌وه‌ باسی ئه‌وه‌م کردووه‌ که‌ له‌ ماوه‌ی دوور و درێژی چاوه‌ڕوانیم‌دا بۆ وه‌رگرتنی ئیزنی مانه‌وه، له‌ ڕادیۆیه‌کی ناوچه‌یی، نه‌ررادیۆ، به‌ ناوی په‌نجه‌ره‌ له‌ ستۆکهۆڵم کارم ده‌کرد که‌ هه‌فته‌ی پازده‌ سه‌عات وه‌شانی ده‌کرد و یه‌کێ له‌ هاوکارانم ڕۆژنامه‌وان و سیمای ناسراوی تله‌فزیۆنیی بارزان شاسوار بوو. سه‌عات نۆی هه‌موو شه‌وێک‌، به‌شێک له‌ زنجیره‌ ته‌نزێکی ڕادیۆییم ئاماده‌ و پێشکه‌ش ده‌کرد به‌ ناوی حاڵم ببینه‌ و وازم لێبینه‌، که‌ تێیدا ده‌وری پیره‌مێردێکی خه‌ڵکی شنۆ و لاجانێم ده‌گێڕا به‌ ناوی مام وسوو که‌ به‌سه‌رهاته‌کانی ڕۆژانه‌ی خۆی و بووچوونه‌کانی له‌ بواری جۆراوجۆردا ده‌گێڕایه‌وه‌.

له‌م به‌رنامه‌یه‌دا یه‌کێ له‌و ته‌نزانه‌ ده‌بیسن که‌ ڕۆژی ۱۳ی دیسه‌مبه‌ری ۱۹۹۴ له‌م ڕادیۆیه‌ بڵاوم کردۆته‌وه‌ و بیانوه‌که‌شی به‌ڕێوه‌چوونی ریفراندۆمی گشتیی وڵات بوو بۆ به‌شداربوون یا نه‌بوونی سوید له‌ یه‌کێتیی ئه‌ورووپادا.

nasser.sina@sr.se

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".