Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

دادگا: پێترشۆن بێتاوانه‌

بڵاو کرایه‌وه‌ torsdag 20 december 2007 kl 13.45
تۆرگنی ڤێتتربه‌ری، پارێزه‌ری پێترشۆن

سه‌رۆکی پێشووی شه‌ریکه‌ی بیمه‌ی سکاندیا لارش ئێریک پێترشۆن له‌ دادگای پێداچوونه‌وه‌ی سڤییاوه‌ ، له‌و کێشه‌یه‌دا که‌ بنمیچی به‌رنامه‌ی بونووسی (Wealthbuilder)ی به‌رز کردۆته‌وه‌ به‌ بێتاوان ناسرا.

لارش ئێریک پێترشۆن له‌ مانگی شه‌ش، یوونیی 2006 دا له‌ لایه‌ن دادگای سه‌ره‌تایی ستۆکهۆڵمه‌وه‌ بۆ وێنه‌ له‌ به‌ر تاوان و ساخته‌کاریی گه‌لێ زۆر له‌ باجدا و به‌کارهێنانی پاره‌ی شه‌ریکه‌ بۆ ژیانی خۆی به‌ دوو ساڵ زیندان مه‌حکووم کرا. ئه‌مه‌ له‌ حاڵێکدا بوو که‌ یه‌کێ له‌ ئه‌ندامانی بڕیارده‌ری دادگا پێی وا بوو که‌ ده‌بێ به‌ بێتاوان بناسرێ.

به‌ گوێره‌ی حوکمی دادگای به‌رایی ستۆکهۆڵم پێترشۆن له‌ به‌ر سوودی تاکه‌که‌سیی خۆی بنمیچی به‌رنامه‌ی بوونووسی شه‌ریکه‌ی سکاندیای به‌رز کرده‌وه‌ به‌ جۆرێک که‌ هه‌ندێ له‌ سه‌رۆکان و له‌ سه‌رووی هه‌مووانه‌وه‌ شه‌ریکه‌ کلکه‌کانی سکاندیا له‌ ئه‌مریکا و به‌ریتانیا به‌ ئیمزایه‌ک ١٥٦ میلیۆن کرۆنی زێده‌ وه‌ربگرن.

پیترشۆن خۆی له‌ به‌رنامه‌ی بۆنووسی (Wealthbuilder) دا به‌شدار نه‌بوو. سکاندیا ساڵی ڕابردوو له‌ هه‌وڵدان بۆ وه‌رگرتنی قه‌ره‌بوویه‌کی ١٧٢ میلیۆن کرۆنیدا بۆ شێوه‌ ڕافتاری پێترشۆن له‌ کێشه‌ی (Wealthbuilder) دا سه‌رکه‌وتوو نه‌بوو.

مه‌حکه‌مه‌ پێترشۆنی له‌ هه‌ر چه‌شنه‌ به‌رپرسییه‌ک به‌ دوور زانی و به‌ جێگه‌ی ده‌سته‌ی به‌ڕێوه‌به‌رایه‌تیی شه‌ریکه‌ی سکاندیا به‌ خه‌تابار دانا.

گوننار ئێک به‌رپرسی چاوه‌دێریی‌ له‌ شه‌ریکه‌ی (Aktiespararna)دا ده‌ڵێ ئه‌وه‌ی له‌ ڕوانگه‌ی منه‌وه‌ خۆی کێشه‌یه‌که‌ که‌ که‌س وه‌ک به‌رپرسیاری ئه‌و ناوزڕاوی و ڕیسواییه‌ نه‌ناسێنراوه‌.

گوننار ئێک ده‌ڵێ ئه‌مه‌ وه‌زعێکی زۆر ناخۆشه‌. پاره‌ی گه‌لێ گه‌لێ زۆر به‌ شێوه‌ی بونووس به‌رنامه‌ی هانده‌ر و پاڵپیوه‌نه‌ر دراوه‌ که‌چی هیچکه‌س به‌رپرسی ئه‌و ڕیسواییه‌ نییه‌. ئێمه‌ ناتوانین ئه‌مه ‌قه‌بووڵ بکه‌ین و ده‌بێ لێمان ڕوون بێته‌وه‌ که‌ کێ به‌رپرسی ئه‌و کاره‌ساته‌یه‌.

به‌ڵام ئاخۆ بێتوو سه‌رۆکی شه‌ریکه‌که‌ به‌رپرسی ئه‌و ڕیسواییه‌ نه‌بێ ئه‌دی ده‌بێ کێ بێ؟ گونننار ئێک وه‌ڵام ده‌داته‌وه‌:

له‌ سه‌رووی سه‌رۆکه‌وه‌، دوو ئاستی تریش هه‌ن: ده‌سته‌ی به‌ڕێوه‌به‌ریی (styrelsen) و خاوه‌ن ئاکسیه‌کان (aktieägarna) به‌ڵام خاوه‌ن ئاکسییه‌کان له‌ کۆبوونه‌وه‌ی ساڵانه‌ی شه‌ریکه‌که‌دا وه‌ها بڕیارێکیان نه‌داوه‌.

تۆرگنی ڤێتتربه‌ری (Torgny Wetterberg) پارێزه‌ری پێترشۆن، ده‌ڵێ حوکمه‌که‌ زۆر ڕوون و ئاشکرا بوو. ئه‌و هه‌روه‌ها ڕه‌خنه‌ی له‌ دادستان و خاوه‌نکاری پێشووی پێترشۆن، واتا شه‌ریکه‌ی سکاندیا، هه‌یه‌.‌

ڤێتتربه‌ری ده‌ڵێ: چوون له‌ ده‌ره‌وه‌ قسه‌یان کردووه‌ و گوتوویانه‌ که‌ لارش ئێریک پێترشۆن له‌م ڕاپۆرته‌ شیکارییه‌دا مرۆڤێکی خراپ بوو و له‌ پشته‌وه‌ خۆی حه‌شار دابوو و ئه‌مه‌ کارێکی باش نییه‌. دواتر ڕادیۆ و تله‌فزیۆنی سوید و چاپه‌مه‌نییه‌کان بڵاویان کرده‌وه‌ که‌ لارش ئێریک پێترشۆن مرۆڤێکی خراپ و تاوانکار بووه‌. که‌چی ئه‌و شته‌ وا نه‌بووه‌ و ئه‌و بێتاوانه‌. بێگومان ئه‌وه‌ داوه‌رییه‌کی نه‌ڕاست بووه‌ که‌ کراوه‌.

ئه‌و پرسیاره‌ له‌ ڤێتتربه‌ریش کرا که‌ ئاخۆ بێتوو سه‌رۆکی شه‌ریکه‌که‌ به‌رپرسی ئه‌و ڕیسواییه‌ نه‌بێ ئه‌دی ده‌بێ کێ بێ؟

ئه‌و ده‌ڵێ هه‌میشه‌ گوتوومانه‌ که‌ ئه‌وه‌ ده‌سته‌ی به‌ڕێوه‌به‌ریی بوو که‌ ئه‌و بنمیچه‌ی لابرد و حوکمی دادگای پێداچوونه‌وه‌ش هه‌ر ئه‌وه‌ بوو.

nasser.sina@sr.se

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".