Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

بوونه‌ هاووڵاتیی سوید، دژوارتر ده‌بێت

بڵاو کرایه‌وه‌ onsdag 12 mars 2008 kl 14.29

سه‌رۆکایه‌تیی حیزبی لیبرالی گه‌ل، فۆلکپارتیێت، مه‌رجێکی نوێی بۆ بوونه‌ هاووڵاتیی بیانیان له‌ سوید هێناوه‌ته‌ گۆڕێ. جگه‌ له‌ زانینی زمانی سویدی، ده‌بێ ئه‌و که‌سه‌ چووبێته‌ خولی زانیاریش له‌ سه‌ر هاووڵاتیبوون، ناسراو به‌ (medborgarskapskurs). نیامکۆ سابوونی وه‌زیری هاوگونجی سوید (integrationsminister):

سابوونی ده‌ڵێ ئه‌مه‌ باسی پره‌نسیپه‌ بنچینه‌ییه‌کانه‌ که‌ کۆڵه‌که‌ی جڤاتی ئێمه‌یه‌. ئێمه‌ ده‌بێ به‌رپرسی و ئه‌رکه‌کانی خۆمان بزانین، ره‌فتارمان له‌گه‌ڵ خه‌ڵک، وه‌ک یه‌ک بێ، له‌ کێشه‌ی یه‌کسانی بگه‌ین، له‌ ڕوانگه‌ی کۆمه‌ڵگای سوید ده‌رباره‌ی په‌روه‌رده‌ی منداڵ  و بابه‌تی دیکه‌ بزانین. ئه‌م جۆره‌ زانیارییانه‌یه‌ که‌ پێشتر له‌ چوارچێوه‌ی زمانی سویدی بۆ بیانیان (SFI) دا ده‌ست ده‌که‌وتن که‌چی دواتر کاتێ SFI به‌س بوو به‌ کۆرسی خوێندنی زمانی سویدی لابران.

به‌ڵام سوودی ئه‌م جۆره‌ خوله‌ په‌روه‌رده‌ییانه‌ له‌ چی دایه‌؟ نیامکۆ سابوونی وه‌ڵام ده‌داته‌وه‌:

یه‌کێ له‌ سووده‌کانی ئه‌مه‌یه‌ که‌ خه‌ڵک ده‌زانن چ مافێکگه‌لێکیان هه‌یه‌. لێره‌دا من زیاتر بیر له‌ ژنان و منداڵان ده‌که‌مه‌وه‌. له‌ لایه‌کی تره‌وه‌ کاتێ مرۆڤ ئاگاداری شتێک نییه‌ و کارێکی نه‌شیاو ده‌کات خۆ ناتوانی ڕه‌خنه‌شی لێبگریت. 

به‌ گوێره‌ی پێشنیاره‌که‌ که‌ ئێستا دراوه‌ته‌ ڕێکخستنه‌کانی حیزبی لیبرالی گه‌ل، به‌شداری له‌ کۆرسه‌کانی هاووڵاتێتی (medborgarskapskursen) به‌ دڵخوازه‌ به‌ڵام هاوکات مه‌رجێکیشه‌ بۆ ئه‌وه‌ی بیانییه‌ک بتوانێ ببێته‌ هاووڵاتیی سوید و جینسییه‌ی ئه‌م وڵاته‌ی بدرێتێ. نیامکۆ سابوونی وه‌زیری هاوگونجی (integrationsministern) لێدانی منداڵ به‌ نموونه‌‌ی ئه‌م خوله‌ په‌روه‌رده‌یه‌ دێنێته‌وه‌.

زوربه‌ی هه‌ره‌ زۆری وڵاتانی دنیادا بڕوایان وایه‌ که‌ ده‌کرێ به‌ لێدان، منداڵ په‌روه‌ده‌ بکه‌یت و تێیبگه‌یێنیت. ئێمه‌ له‌ سویددا ئه‌و شته‌مان قه‌بووڵ نییه‌. بۆیه‌ پێم وایه‌ زۆر گرنگه‌ که‌ ئه‌و زانیارییه‌ بده‌ین که‌ ئێمه‌ له‌ سویددا مندال به‌ لێداان په‌روه‌رده‌ ناکه‌ین.

سابوونی پێی وا نییه‌ که‌ فۆلکپارتی به‌ مه‌رجدانان بۆ هاووڵاتیبوون و وه‌رگرتنی جینسیه‌ی سویدی، هه‌وڵ بۆ تواندنه‌وه‌ی بیانیان (att försöka assimilera invandrarna) ده‌دات.

ئه‌و ده‌ڵێ که‌وابێ ناکرێ ئه‌و جیاوازییه‌ی له‌و نێوان کولتووری سوید و بایه‌خه باوه‌‌کان له‌ وڵاتانی دیکه‌ی جیهاندا هه‌یه‌ بناسیته‌وه‌. ده‌مه‌وێ بڵێم که‌ من هیچ به‌لامه‌وه‌ گرنگ نییه‌ که‌ چه‌ند که‌س په‌ناده‌به‌نه‌ به‌ر کولتووری سویدییه‌وه‌ به‌ڵام ناتوانم گرنگی نه‌ده‌مه‌ ئه‌وه‌ی که‌ خه‌ڵکی وا هه‌ن ده‌یانه‌وێ ڕه‌چاوی ئه‌و بایخانه‌ بکه‌ن که‌ به‌لامه‌وه‌ گرنگن، بۆ نموونه‌ یه‌کسانی و ره‌فتاری یه‌کشێوه‌. بۆیه‌ ئه‌مه‌ دوو شتی جیاوازه‌، که‌چی له‌م موناقه‌شه‌یه‌دا ڕوانگه‌یه‌ک هه‌یه‌ که‌ ئه‌م دوو شته‌ تێکه‌ڵ ده‌کات واتا بایه‌خه‌ باوه‌ جیهانییه‌کان و کولتووری سویدی. له‌م کاته‌دا گرنگه‌ که‌ مرۆڤ ئه‌م دووانه‌ لێک جودا بکاته‌وه‌.

nasser.sina@sr.se

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".