Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

هه‌ینی‌ ٢٥ی ئاپریلی ٢٠٠٨

بڵاو کرایه‌وه‌ fredag 25 april 2008 kl 16.41

وه‌زاره‌تی کاروباری کۆمه‌ڵایه‌تی سوید (Socialdepartementet) خه‌ریکی ئاماده‌کردنی لیسته‌یه‌که‌ له سه‌ر‌ نرخی خزمه‌ته‌ جۆراوجۆره‌کانی ددانپزیشکی. به‌م پێیه‌ دوکتۆری ددانپزیشک ده‌بێ له‌ داهاتوودا نرخی دیاریکراو (referenspriset) له‌ سه‌ر ئه‌و (kvittot) واتا وه‌سڵه‌ی ده‌یده‌نه‌ نه‌خۆشه‌که‌ بنووسن.


پارله‌مانی سوید ڕۆژی ڕابردوو، شێوه‌کاره‌ی بۆ به‌ربه‌ره‌کانی له‌گه‌ڵ توندوتیژیی پیاوان له‌ هه‌مبه‌ر ژنان، به‌کارهێنانی زه‌بر به‌ پاساوی شه‌ره‌ف و توندئاژۆیی له‌ به‌رامبه‌ر په‌یوه‌ندیی جینسیی هاوڕه‌گه‌زان دێنه‌ گۆڕێ، په‌سند کرد. شێوه‌کاره‌که‌ ٥٦ خاڵ ده‌گرێته‌ خۆی.


زنجیره‌ ڕاپۆرته‌کانی ئێمه‌ ده‌رباره‌ی ڕه‌گه‌زپه‌رستی له‌ فێرگه‌کانی سویددا به‌رده‌وامه‌. چاوه‌دێری حقووقیی حوکوومه‌ت، یۆران لامبرێرتز، له‌ بڕیاری خۆیدا ڕه‌خنه‌ی له‌ فێرگه‌یه‌کی باژاری شۆپینگ گرت که‌ ڕێگه‌ی پارتی نه‌ته‌وه‌په‌رستی دیمۆکراتیان نه‌داوه‌ که‌ به‌ دژایه‌تیی له‌گه‌ڵ بیانیان به‌ناوبانگن.

لامبێرتز ده‌ڵێ گشت ڕێکخراو و حیزبێک، مافی ده‌ربڕینی بۆچوونی هه‌یه‌ و که‌س ناتوانێ ئه‌م مافه‌ پێشێل بکات.


ده‌زگای کۆچی سوید، بڕیاری ناردنه‌وه‌ی منداڵانی په‌ناخواز و خێزانه‌کانیان ده‌دات. ئه‌مه‌ له‌ کاتێکدایه‌ که‌ زۆرینه‌ی ئه‌و په‌ناخوازانه‌ له‌ عێراقه‌وه‌ هاتوون و باری نائارامی ئه‌و وڵاته‌، بڕیاری ناردنه‌وه‌یان ده‌خاته‌ ژێر پرسیاره‌وه‌. ئه‌م بڕیاره‌ی ده‌زگای کۆچ، بۆته‌ جێی نیگه‌رانیی ئه‌و خیزانا‌نه‌ی تا ئێستا ئیزنی مانه‌وه‌ (ئیقامه)‌یان وه‌رنه‌گرتوه‌ و که‌وتۆته‌ به‌ر ڕه‌خنه‌ی خه‌ڵکی مرۆڤدۆست و سیاسه‌تمه‌دارانیش.

nasser.sina@sr.se

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".