Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

کاتتن، موسن، تیو تووسن

بڵاو کرایه‌وه‌ onsdag 30 april 2008 kl 10.26

کاتتن، موسن، تیو تووسن (katten, musen, tiotusen) ناوی ڕیزه‌ به‌رنامه‌یه‌کی تله‌فزیۆنییه‌ بۆ منداڵانی سێ تا پێنج ساڵه‌ بۆ فێرکردنی ماتماتیک له‌ ژیانی ڕۆژانه‌دا و به‌هێزکردنی فانتازیایان، مشکێکی بزۆز و کتکێکی ته‌وه‌زه‌ل له‌ کێبه‌رکێیه‌کی سه‌رنجڕاکێشدا: مشکه‌ بیر له‌ فۆرم و ڕه‌قه‌م‌ ده‌کاته‌وه‌ و پشیله‌ش حه‌زی لێیه‌ هه‌میشه‌ ڕاکه‌‌وێ‌. مشکه‌ هه‌موو جارێ مه‌ته‌ڵۆکێکی بیرکاری له‌ کتکه‌ دادێنێ و بینه‌رانی زارۆک، هه‌وڵ ده‌ده‌ن هه‌ڵی بێنن. دوایی کورته‌ چیرۆکێک یا کورته‌ بابه‌تێک بۆ یارمه‌تیدانی ئه‌و هه‌ڵێنانه‌ ده‌گێڕدرێته‌وه‌.

ئه‌م ڕیزه‌ به‌رنامه‌یه‌ ئێستا له‌ لایه‌ن تله‌فزیۆنی فێرکاریی سویده‌وه‌ کراوه‌ته‌ کوردی و بڕیاره‌ له‌ سه‌ره‌تای مانگی چواردا بڵاو ببنه‌وه‌. ئه‌م به‌یانییه‌ به‌ ته‌له‌فۆن به‌ڕێوه‌به‌ری ئه‌م پرۆژه‌یه‌م دواند.

یودیت فرێنکل ده‌ڵێ وه‌ک به‌رهه‌مهێنه‌ری فیلم و به‌رنامه‌تله‌فزیۆنیه‌کان به‌ زمانانی‌ جۆراوجۆر کار ده‌کا، واتا به‌ڕێوه‌به‌ری دوبلاژ له‌ تله‌فزیۆنی فێرکاریی سوید، ئوو ئه‌ر.

یودیت ده‌ڵێ کاتێ ئێمه به‌ وه‌رگه‌ڕاندنه‌وه‌ی ئه‌و ڕیزه‌ فیلمه‌ بۆ سه‌ر زمانی کوردی دوو ئامانجمان ده‌پێکا، یه‌کیان به‌شی بیرکاریی بوو واتا ماتماتیک، ئامانجه‌که‌ی تریش یارمه‌تیدانی فێربوونی زمانی کوردی به‌ منداڵان بوو به‌ شێوه‌ی یاری و‌ زمانێکی ساکار.

ئه‌م ڕیزه‌ به‌رنامه‌یه‌ به‌ چه‌ندین زمان وه‌رگێڕدراون: سپانیایی، فینلاندی، تورکی، کوردیی سۆرانی، و ساڵی ٢٠٠٨ به‌ عه‌ره‌بیش.

لێم پرسی بۆ ڕاست ئه‌و ڕیزه‌ فیلمه‌تان کرده‌ کوردی؟ یودیت فرێنکل له‌ وه‌ڵامدا ده‌ڵێ ئه‌و سریاڵه‌ زۆر سه‌رکه‌وتوو بوو و که‌ووتبووه‌ به‌ر دڵی منداڵانی سویدی و ڕاهێنه‌رانی منداڵانیش. دواتر سه‌رۆکه‌که‌مان پێشنیاری کرد که‌ با ئه‌و ڕێزه‌ به‌رنامه‌یه‌ وه‌رگێڕینه‌ سه‌ر زمانه‌کاانی دیکه‌ش.

به‌ گوێره‌ی قسه‌کانی یودیت فرێنکل ئه‌و که‌سانه‌ی ده‌توانن ئه‌و ڕیزه‌ فیلمانه‌ به‌ کار بێنن و بۆ کاره‌که‌یان به‌ سوودیان بێت مامۆستایانی زمانی زگماکین، هه‌موو مه‌کته‌به‌کان چونکه‌ ئێمه‌ به‌ ڕۆژ و له‌ کاتی ده‌رسی فێرگه‌کاندا بڵاویان ده‌که‌ینه‌وه‌، ئه‌وانیش ده‌توانن به‌ شێوه‌ی ڕاسته‌وخۆ واتا ئه‌و کاته‌ی که‌ بڵاو ده‌بێته‌وه‌ له‌ پۆله‌که‌یاندا سه‌یری بکه‌ن. هه‌روه‌ها ده‌کرێ به‌ کاسێتیش به‌ کرێی بگرن.

ئه‌م ڕیزه‌ به‌رنامه‌یه‌ که‌ بریتییه‌ له‌ ده‌ کورته‌ فیلمی ده‌ ده‌قیقه‌یی له‌ هه‌فته‌ی چارده‌وه‌، واتا هه‌فته‌ی یه‌که‌می مانگی چوار له‌ که‌ناڵی یه‌کی تله‌فزیۆنی سوید بڵاو ده‌بێته‌وه‌، سه‌عات یه‌زده‌ و چاره‌گێکی به‌یانی و هه‌موو پێنجشه‌ممه‌یه‌ک.

به‌ڕێوه‌به‌ری پرۆژه‌ی دوبلاژ له‌ تله‌فزیۆنی فێرکاریی سوید، ئوو ئه‌ر، یودیت فرێنکل

یه‌کێ له‌ به‌شدا‌رانی ئه‌و پرۆژه‌یه‌ به‌ کوردی، شاگوڵ عومه‌ر ئه‌که‌ری شانۆ و فیلمه‌ نیشته‌جێی ستۆکهۆڵم.

semire.zarei@sr.se

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".