Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

مێژووی مانگرتن له‌ سوید

بڵاو کرایه‌وه‌ fredag 2 maj 2008 kl 16.02

ماوه‌یه‌که‌ مامان و په‌رستاران، مانگرتنی خۆیان ڕاگه‌یاندوه‌ بۆ ده‌ربڕینی ناڕه‌زاییان سه‌باره‌ت به‌ که‌می موچه‌کانیان، واتا داواکاریه‌کانیان بریتیه‌ له‌ زیادکردنی موچه‌ کانیان. له‌ڕوانگه‌ی مێژووی  مانگرتن وخۆپیشاندانه‌وه‌ له‌وجۆره‌ هه‌وڵانه بۆ ناره‌زایی ده‌ربڕین سه‌باره‌ت به‌ بازاڕی کار کۆمبۆته‌وه‌ به ‌به‌راورد له‌گه‌ڵ ٢٠ ساڵی رابردوودا. 

خۆپێشاندان ومانگرتنه‌ یاساییه‌کان به‌شێوه‌یه‌کی گشتی نزیکه‌ی ٥ تا ده‌ هه‌وڵی له‌و جۆره‌یه‌ له‌ ماوه‌ی ساڵێکدا به‌وپێیه‌ ژماره‌ی خۆپێشاندانه‌کان و مانگرتن که‌مبوونه‌ته‌وه‌. جگه‌ له‌ ساڵی ٢٠٠۳ که‌ به‌شێوه‌یه‌کی به‌رفراوان، شاره‌وانیه‌کان، خۆپیشاندان و مانگرتنیان ساز ده‌دا.

به‌ڵام ئه‌گه‌ر باس له‌ ساڵه‌کانی ٢٠٠٠ تا ٢٠٠٧ بکه‌ین، ژماره‌ی مانگرتنه‌کان له‌ هه‌موو بازاڕی کاردا تا ڕاده‌یه‌کی شه‌رمهێنه‌ر که‌م بوون، که‌ ساڵانه به‌ ‌ ٦٠٠٠ ڕۆژی مانگرتن مه‌زه‌نده‌ ده‌کرێت.

گه‌ر ئه‌مه‌ به‌راورد بکرێت به‌ ٥ ساڵی کۆتایی ٨٠ کان که‌ جگه‌ له‌ یه‌ک ساڵ، له‌ هه‌موو هه‌شتاکاندا ژماره‌ی ڕۆژی خۆپێشاندانه‌کان ده‌گه‌یشته‌‌ نیو ملیۆن ڕۆژ.

گۆڕانکارییه‌کی به‌رچاوی تر له‌ مێژووی مانگرتنه‌کاندا ئه‌وه‌یه‌ که‌ ژماره‌ی مانگرتنه‌ نایاساییه‌کان ئێجگار که‌مبوونه‌ته‌وه‌ و به‌ په‌نجه‌کانی ده‌ست ده‌ژمێردرێن. به‌ به‌راورد له‌گه‌ڵ ٢٠ ساڵی ڕابردوودا که‌ ژماره‌یان ده‌گه‌یشته ١٠٠ مانگرتن هه‌موو ساڵێک. سه‌باره‌ت به‌ ‌هۆکاره‌کانی که‌می ئه‌م ‌جۆره‌  مانگرتنانه.‌

کورت ئێریکسۆن، له‌ ئنستیتیوتی حوکوومی بۆ ناوبژیکارانی‌ بازاڕی کار (‌Statliga Medlingsinstitutet) له‌وباره‌یه‌وه‌ لێکدانه‌وه‌ی خۆی هه‌یه‌.

له‌گه‌ڵ قه‌یرانه‌ ئابوورییه‌کانی ساڵی نه‌وه‌ده‌کان، گۆڕانکاریی به‌رچاو له‌ بازاڕی کار و ئابوری سویدا ڕویاندا. بێکاری ئێجگار زیادی کردوو کارگه‌کان هێزی به‌رابه‌ریان که‌مبۆوه‌ و له‌ ئه‌نجامی ئه‌و بارودۆخه‌دا خه‌ڵکی چاوه‌ڕوانی ئه‌وه‌ بوون له‌ کاره‌کانیان ده‌ربکرێن به‌هۆی له‌کارکه‌وتنی کارگه‌کانیانه‌وه.

‌Kurt Eriksson  ده‌ڵێ به‌هۆی به‌رزبوونه‌وه‌ی ڕێژه‌ی بێکارییه‌‌وه‌‌ مانگرتن بۆ زیادکردنی موچه‌ شتێکی بێمانا ئه‌بوو.

یه‌کێک له‌و کارانه‌ی بۆ چاره‌سه‌رکردنی ئه‌و بارودۆخه‌ و ئاساییکردنه‌وه‌ی دژواری ناو بازاڕی کاری ئه‌و وه‌خته‌ کرا، ئه‌وه‌ بوو که‌ له‌ ساڵی 1997دا په‌یماننامه‌ی کارگه‌کان به ستران.

له‌و په‌یماننامه‌یه‌دا هاتووه‌ که‌ رێژه‌ی زیادکردنی مووچه‌ نابێت به‌و ڕاده‌یه ‌بێت که‌ هێزی به‌رابه‌ری له‌ نێوان کاره‌کاندا بمرێنێت، به‌و واتایه‌یه‌ که‌ ده‌بێت ڕێژه‌ی زیادکردنی مووچه‌، له‌ ئاستی باقی وڵاتانی ئه‌ورووپادا بێت.

کورت ئێریکسۆن ده‌ڵێت خاڵیکی تر له‌و په‌یمانامه‌یه‌ی کارگه‌کاندا، دیاریکردنی پلانی ڕێکه‌وتن و سه‌باره‌ت به‌وه‌ی که‌ سێ مانگ پێش به‌سه‌رچوونی په‌یماننامه‌ی کارکردنه‌ کۆنه‌کان دانیشتن بکرێت بۆ نوێککردنه‌وه‌ی په‌یماننامه‌ی کاری نوێ بۆ کرێکار‌. به‌و واتایه‌ی گه‌ر ماوه‌ی نێوان نوێکردنه‌وه‌ی په‌یماننامه‌کان زۆر بێت ئه‌وا ڕێگه‌ بۆ مانگرتن خۆش ده‌کرێت. ئه‌وه ‌بوو وای کرد که‌ له‌ ساڵانی نه‌وه‌ده‌کاندا، مانگرتن زۆرتر بوو به‌به‌راورد له‌ گه‌ڵ ساڵانی٢٠٠٠دا.

به‌شێکی تری ئه‌و په‌یماننامه‌یه‌، دانپێدانانه‌ به‌ ڕۆڵی کارگه‌کان له‌ دیاریکردنی ڕێژه‌ی مووچه،‌ به‌پێی ڕێژه‌ی باو له‌ شوێنه‌کانی تر، جگه‌ له‌ کارگه‌کان.

nazanin.sharif@sr.se

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".