Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

هه‌واڵه‌کانی ئه‌مڕۆ 29ی ئاگوستی

بڵاو کرایه‌وه‌ fredag 29 augusti 2008 kl 13.55

ڕیساکانی تایبه‌ت‌ به‌ دابینکردنی کۆمه‌ککار  personlig assistentبۆ سستئه‌ندامان توندوتیژتر ده‌بن.

لێکۆڵینه‌وه‌یه‌کی تایبه‌ت به‌ سستئه‌ندامان که‌ ئه‌مڕۆ کۆمیته‌ی LSS (Lag om stöd och service  ) یاسای کۆمه‌ک و خزمه‌تگوزاری،  پێشنیاری خۆیان پێشکه‌ش به‌ حکومه‌ت ئه‌که‌ن،یه‌کێک له‌و پێشنیارانه‌ داوا ی که‌مکردنه‌وه‌ی خه‌رجیی ساڵانه‌ی تایبه‌ته‌ به‌ کۆمه‌ککاری سستئه‌ندامان‌ به‌ ڕێژه‌ی  3 ملیار کرۆنه‌.  له‌ حاڵی حازردا نزیکه‌ی 20 ملیار کرۆن خه‌رجی ساڵانه‌ی تایبه‌ته‌ به‌ کۆمه‌ککارانی سست ئه‌ندامان.( Personlig assisten) ساڵانه‌ش ئه‌م ڕێژه‌یه‌ نزیکه‌ی 2 ملیار زیادده‌کات.

ئه‌م پێشنیاره‌ی کۆمیته‌ی LSS  له‌ناو ڕێکخراوه‌کانی سستئه‌نداماندا‌ نیگه‌رانی ناوه‌ته‌وه‌ و به‌رپرسی به‌شی پرسی کۆمه‌ککار له‌ یه‌کێتی سه‌راسه‌ی که‌مئه‌ندامان ڤێنکێ ڤیلومسێن (Wenche Willumsen)  ده‌ڵێ ئه‌م جۆره‌ پێشنیارانه‌ مافی سستئه‌ندامان له‌ قاڵب ده‌دات  له‌بری گونجاندنی یاساو ڕێساکان به‌پێێ پێویستیه‌ تاکمه‌ندیه‌کانی هه‌ر سستئه‌ندامێک .

پێشنیاری کۆمیته‌ی (Lag om stöd och service LSS  ) یاسای  کۆمه‌ک و خزمه‌تمه‌تگوزاری، ئه‌مڕۆ ڕۆژی هه‌ینی ده‌خرێته‌ به‌رده‌م‌ حکومه‌ت و گه‌ر لای ئه‌وانه‌وه‌ په‌سه‌ندبکرێت ئه‌وا یاسایه‌کی نوێ که‌ تێیدا خه‌رجی کۆمه‌ککاری سستئه‌ندامان که‌مده‌کرێته‌وه‌ له‌ ساڵی 2010دا ده‌خرێته‌ کار.

....................................

ئه‌وکا‌رگه‌و خاوه‌نکارانه‌ی که‌سانی بێمۆڵه‌ت  له‌سه‌ر کار داده‌مه‌زرێنن، سزا ده‌درێن

هه‌ڵمه‌تی دژ به‌ په‌ناخوازانی نایاسایی له‌ کاره‌ سه‌ره‌کیه‌کانی به‌رنامه‌ی کاری ئه‌م پایزه‌ی یه‌کێتی ئه‌وروپان ،  ده‌سته‌ی به‌ڕێوه‌به‌رایه‌تی یه‌کێتی ئه‌وروپا به‌نیازن یاسایه‌کی نوێ بێننه‌ کایه‌ که‌ ڕی له خراپ که‌ڵکوه‌رگرتن له‌ هێزی بازووی کرێکار له‌لایه‌ن‌ خاوه‌نکاران بگرن،  بۆ ئه‌مه‌ش پێشنیار کراوه‌ که‌ ئه‌و کارگه‌و خاوه‌نکارانه‌ی که‌ په‌ناخوازی بێمۆڵه‌ت و که‌سانی نایاسایی داده‌مه‌زرێنن به‌ پاره‌ سزا بدرێن.

هه‌روه‌ها ده‌بێت خاوه‌نکار جگه‌ له‌ حه‌قده‌ستی کار ده‌بێت خه‌رجی پرۆسه‌ی  ناردنه‌وه‌ ی په‌ناخوازی نایاسایی بگرنه‌ ئه‌ستۆ.  هه‌ر له‌ پێشنیاره‌که‌دا هاتووه‌ که ساڵانه‌ له‌سه‌دا پێنجی هه‌موو کارگه‌کان ده‌بێت بپشکنرێن. ‌ سوید یه‌کێکه‌ له‌وشه‌ش ووڵاتانه‌ی که‌ دژ به‌م پێشنیاره‌ی ده‌سته‌ی به‌ڕێوه‌به‌رایه‌تی یه‌کێتی ئه‌وروپان، سوید پێی وایه‌ ئه‌م پێشنیاره‌ له‌ واقعدا ناتوانرێت په‌یڕه‌و بکرێت، ئه‌م پێشنیاره‌ی یه‌کێتی ئه‌وروپا‌ له‌کاتێکدا و به‌پێچه‌وانه‌ی ڕه‌وتی سیاسه‌تی نوێێ په‌ناخوازی  دێت که‌ به‌وپێیه‌ سوید به‌نیازه‌ ڕێسای مافی مانه‌وه‌ بۆ که‌سانی بێمۆڵه‌ت  بخاته‌کار، گه‌رکه‌سی بێمۆڵه‌ت بتوانێ کاربۆخۆی دابینبکات.

.................................

پرۆژه‌ی به‌رگرتن له‌ تاوان له‌لایه‌ن پۆلیسه‌وه‌ وه‌لاخراوه‌.

پۆلیس و ده‌زگای خزمه‌تگوزاری کۆمه‌ڵایه‌تی (Socialtjänst) له‌ هاوکاریه‌کی به‌رفراوانی هه‌شت ساڵه‌دا بۆ به‌رگرتن له‌ تاوانکاری لاوان شکستیان هێناوه‌،له‌ به‌دواداچونێکدا که‌ به‌شی هه‌واڵ له‌ ڕادیۆی سوید ( Ekot ) ئه‌نجامی داوه‌، ده‌رکه‌وتووه‌ که‌ له‌ و 26 مێردمنداڵه‌ی که‌ له‌لیستی به‌دواداچونی پۆلیس و ده‌زگاخزمه‌تگوزاریه‌ کۆمه‌لایه‌تیه‌کاندا زۆرترین ڕێژه‌ی تاوانیان ئه‌نجام دابوو، نیوه‌یان تائێستا له‌ڕێچکه‌ی تاوان لایان نه‌داوه‌ و به‌ڵکه‌ تاوانی گه‌وره‌تریشیان ئه‌نجامداوه‌. به‌وپێیه‌و به‌ دانپێدانانی پۆلیس خۆیان ،که‌مته‌رخه‌می له‌ پرۆژه‌ی تا‌یبه‌ت به‌ چاک سازی ئه‌و 26 لاوه‌ که‌ له‌ گه‌ڕه‌که‌کانی یولستا (Hjulsta) و تێنستا (Tensta) هه‌روه‌ها ڕینکه‌بی (Rinkeby) ده‌ژین، کردووه‌.

nazanin.mahmod@sr.se

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".