Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

درێژه‌ی بشێوییه‌کان له‌ یۆنان

بڵاو کرایه‌وه‌ torsdag 11 december 2008 kl 14.41

له‌ حاڵێکدا که‌ سه‌ندیکا‌ کرێکارییه‌کانی یۆنان، بۆ نیشاندانی ناڕه‌زایی له‌ سه‌ر سیاسه‌ته‌ ئابوورییه‌کانی حوکوومه‌تی وڵاته‌که‌یان، مانیان گرتووه‌، هه‌زاران که‌س له‌ به‌رامبه‌ر په‌رله‌ماندا کۆبوونه‌وه.

هاتوچۆی فڕۆکه‌کان بۆ ئاتێنی پێته‌خت هه‌ڵوه‌شاوه‌ته‌وه‌ و ژیانی خه‌ڵک له‌ به‌ر شێواویی له‌ زێده‌به‌ده‌ری به‌رنامه‌ی هاتوچۆی قیتار و ئوتوبوس، به‌ ته‌واوی تێکچووه‌. هه‌رچه‌ند ئه‌و مانگرتنه‌، چه‌ند هه‌فته‌ له‌وه‌ پێش به‌رنامه‌ی بۆ داڕژابوو به‌ڵام له‌ کاتێکدا به‌ڕێوه‌ ده‌چێ که‌ چه‌ند ڕۆژێکه‌ ئاتێنی پێته‌خت و چه‌ند باژارێکی دیکه‌ی ئه‌م وڵاته‌ ده‌سته‌ملانی بشێوی و نائارامیی بووه‌.

وه‌بیر دێنمه‌وه‌ که‌ پاش کوژرانی کوڕێکی نه‌وجه‌وان له‌ لایه‌ن پۆلیسه‌وه‌، توند وتیژی له‌ شااره‌کانی یۆناندا سه‌ری هه‌ڵدا. سه‌رچاوه‌‌کانی دادی ئه‌م وڵاته‌ ده‌ڵێن که‌ گوللـه‌که به‌ دانسته‌ له‌م کوڕه‌ نه‌دراوه‌ به‌ڵکوو ‌پاش هه‌ڵبه‌زینه‌وه‌، وێیکه‌وتووه‌. به‌ڵام بڵاوبوونه‌وه‌ی فیلمێک له‌ سه‌ر تله‌فزیۆنی سه‌رانسه‌ریی ئه‌م وڵاته‌ که‌ تێیدا پۆلیس، به‌ دانسته‌ ئه‌و کوره‌ ده‌کوژێ، تووڕه‌یی خه‌ڵک، به‌ جارێکی بڵێسه‌‌ی سه‌ند.

ناسری سینا
nasser.sina@sr.se

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".