Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/

ده‌زگایه‌کی ده‌وڵه‌تیی نوێ بۆ کارو باری خانه‌نشینی داده‌مه‌زرێ

بڵاو کرایه‌وه‌ onsdag 28 januari 2009 kl 16.24

وه‌زیری بیمه‌ کۆمه‌ڵایه‌تییه‌کانی سوید خاتوو کریستینا هوسمارک په‌رشۆن، به‌ ته‌مایه‌ ده‌زگایه‌کی حوکوومه‌تیی نوێ له‌ تێکه‌ڵکردنه‌وه‌ی به‌ڕێوه‌به‌رایه‌تیی بیمه‌ (Försäkringskassan) و ده‌زگای پاشه‌که‌وتی خانه‌نشینی (Premiepensionsmyndigheten) به‌رپا بکات که‌ چاوه‌دێری به‌ سه‌ر نرخی ئه‌و پاره‌ پاشه‌که‌وتکراوانه‌ی خانه‌نشینی بکات که‌ گشت خه‌ڵک، مافی وه‌رگرتنی هه‌یه‌. ئه‌م ده‌زگا نوێیه‌ بڕیاره‌ له‌ ساڵی ٢٠١٠دا چالاکیی خۆی ده‌ست پێبکات. هوسمارک په‌رشۆن ده‌ڵێ بۆ ئه‌وه‌ی بتوانین خانه‌نشینان به‌ باشی قه‌ره‌بوو بکه‌ین ده‌بێ شێوه‌گه‌لی دیکه‌ بۆ ئه‌م کاره‌، گفتوگۆی له‌ سه‌ر بکرێت بۆ نموونه‌ داشکاندنی باج.

به‌ پێی قسه‌کانی خاتوو هوسمارک وه‌زیری بیمه‌ کۆمه‌ڵایه‌تییه‌کان، قه‌یرانه‌ ئابوورییه‌که‌ وای کردووه‌ که‌ پاره‌ی خانه‌نشینیمان به‌ ڕاده‌ی زیادتر له‌ دووسه‌د میلیارد کرۆنه‌وه‌ بکه‌وێته‌ مه‌ترسیی که‌مبوونه‌وه‌ی نرخه‌وه‌. ئه‌و ده‌ڵێ سه‌رۆکوه‌زیریش هه‌ر گوتوویه‌تی که‌ خانه‌نشینان ده‌بێ به‌ جۆرێک قه‌ره‌بوو بکرێنه‌وه‌.

جێگری سه‌رۆکی حیزبی سوسیالدیمۆکراته‌کان له‌ په‌رله‌مانیش، ڤێرۆنیکا پالم، ئه‌م بڕیاره‌ وا لێکده‌داته‌وه‌ که‌ حوکوومه‌ت گوێی داوه‌ته‌ ئه‌و ڕه‌خنانه‌ی مه‌رجی خانه‌نشینانی به‌ره‌و بارێکی ناهه‌موار بردووه‌. ئه‌و خۆشحالیی خۆی ده‌ربڕی له‌وه‌ی که‌ حوکوومه‌ت ئێستا ده‌یه‌وێ ئه‌و مه‌ودایه‌ی خۆی له‌ نێوان مووچه‌وه‌رگران و خانه‌نشینان دروستی کردبوو، که‌م بکاته‌وه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".