Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

ئه‌ندامی باڵای پارتیی سه‌نته‌ر ڕه‌خنه‌یان هه‌یه‌

بڵاو کرایه‌وه‌ måndag 23 februari 2009 kl 16.18

گه‌لێک ئه‌ندامی پارتیی سه‌نته‌ر ڕه‌خنه‌یان له‌و شێوازه‌ی پارتییه‌که‌یان هه‌یه‌، که‌ له‌ یه‌کلاکردنه‌وه‌ی پرسی وزه‌ی ئه‌تۆمدا هه‌فته‌یه‌ی ڕابردوو گرتییه‌ به‌ر. ئه‌مه‌ ڵێکۆڵینه‌وه‌یه‌ک دیاری خستووه‌ که‌ ڕادیۆی هه‌واڵه‌کانی سوێد ـ ئێکۆت ـ له‌ سه‌رانسه‌ری سوێددا ئه‌نجامی داوه‌ و ئه‌ندامی هه‌ره‌ به‌رچاوی سه‌نته‌ر به‌شدارییان لێیدا کردووه‌.

گه‌لێک ئه‌ندامی پارتیی سه‌نته‌ر ڕه‌خنه‌یان له‌و شێوازه‌ی پارتییه‌که‌یان هه‌یه‌، که‌ له‌ یه‌کلاکردنه‌وه‌ی پرسی وزه‌ی ئه‌تۆمدا هه‌فته‌یه‌ی ڕابردوو گرتییه‌ به‌ر. ئه‌مه‌ ڵێکۆڵینه‌وه‌یه‌ک دیاری خستووه‌ که‌ ڕادیۆی هه‌واڵه‌کانی سوێد ـ ئێکۆت ـ له‌ سه‌رانسه‌ری سوێددا ئه‌نجامی داوه‌ و ئه‌ندامی هه‌ره‌ به‌رچاوی سه‌نته‌ر به‌شدارییان لێیدا کردووه‌.

حه‌وت له‌ ده‌ی به‌شداران وه‌ڵامی پرسیاره‌کانیان داوه‌ته‌وه‌ که‌ نیوه‌یان له‌و باوه‌ڕه‌دان ساخکردنه‌وه‌ی پرسه‌که‌ له‌ لایه‌ن به‌ره‌ی هاوپه‌یمانه‌وه‌ جێی ته‌واوی خۆی له‌ پارتییه‌که‌دا نه‌گرتووه‌.

جێگری سه‌رۆکی سێنته‌ر له‌ شاری ڤێستێرۆس ـ فرێدریک ئینگێلس ـ ده‌ڵێت له‌ پرسه‌ گه‌وهه‌رییه‌کاندا ده‌بێت بڕیارێک بدرێت که‌ له‌نێو ئه‌ندامانی خوار ڕیزبه‌ندیی پارتییه‌که‌ ڕیشه‌ی داکوتابێت.

ئینگێلس سه‌نته‌ره‌که‌ی خۆی به‌ پارتییه‌کی ژینگه‌ ده‌زانێت که‌ له‌ بیرکردنه‌وه‌دا داهاتووی دوور ده‌گرێته‌ به‌رچاو.

سه‌رۆکی لقی ئودێڤالله‌ی پارتیی سه‌نته‌ر نینا ئاندێرشۆن له‌و باوه‌ڕه‌دایه‌ که‌ سه‌نته‌ر ده‌شیا ئه‌و بڕیاره‌ی نه‌دایه‌ و تا کۆبوونه‌وه‌ی سه‌ره‌کیی پارتییه‌که‌ چاوه‌ڕێی بکردایه‌، که‌ له‌ مانگی مایی داهاتوودا ده‌گیرێت. جا ئه‌وسا وتووێژی دیموکراتیمان له‌مه‌ڕ پرسه‌که بگێڕایه و ده‌نگیش به‌ هه‌ر لایه‌کدا بشکایه‌ته‌وه‌ ئه‌م لارییه‌ی ئێستای لێ نه‌ده‌بوو.

یه‌کلاکردنه‌وه‌ی پرسی وزه‌ی نێو پارتییه‌کانی به‌ره‌ی هاوپه‌یمان بریتی نوێی وزه‌ی ئێستا ده‌گرێته‌وه‌، به‌ڵام بواری ئه‌وه‌یشی ڕه‌خساندووه‌ که‌ له‌ داهاتوودا بنکه‌ی نوێی وزه‌ی ئه‌تۆم دابمه‌زرێنرین. ‌ئه‌م کاره‌ به‌لای پارتیی سه‌نته‌ره‌وه‌ بڕیارێکی مێژوویی بووه‌، که‌ بزووتنه‌وه‌که‌ی ڕاچه‌ناندووه‌، ته‌نانه‌ت مۆد ئولۆفسۆنی سه‌رۆکی سه‌نته‌ریش له‌ گۆتلاند که‌ ڕووبه‌ڕووی ئه‌ندامه‌کانی بووه‌وه‌، ورووژانه‌که‌ی به‌ ده‌نگه‌وه‌ دیار بوو.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".