Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

شازاده‌ ڤیکتوریا، ماره‌بڕینێتی

بڵاو کرایه‌وه‌ tisdag 24 februari 2009 kl 12.52

له‌ دانیشتنی دوا نیوه‌ڕۆی ئه‌مڕۆی حوکوومه‌تی سوید له‌ کۆشکی ستۆکهۆڵمدا، ئه‌ندامانی کابینه‌ له‌وه‌ ئاگادار کرانه‌وه‌ که‌ شازاده‌ ڤیکتوریا و دانیه‌ل ڤێستلینگ، به‌مزوانه‌ جه‌ژنی نیشانه‌کردن‌، وه‌ به‌ واتای خۆمان ماره‌بڕینیانه‌.

بڕیاره‌ زه‌ماوه‌ندکردنی ئه‌م جووته‌ به‌خته‌وه‌ره‌ هاوینی‌ ساڵی داهاتوو ٢٠١٠ بێت. فرێدریک ڕاینفێڵد سه‌رۆکوه‌زیری سوید له‌ حیزبی موحافه‌زه‌کاری مۆدێرات، پێشتر له‌ لایه‌ن شای سوید، کارل گوستاڤی شانزده‌هه‌مه‌وه‌، له‌م هه‌واڵه‌ ئاگادار کرابۆوه‌. ده‌ربار ئه‌م به‌یانییه‌ نه‌یده‌ویست هیچ زانیارییه‌ک له‌م باره‌وه‌ بدات هه‌رچه‌ند‌ حه‌زی ڕۆژنامه‌وانانی سویدی و بیانی بۆ زانینی ورده‌کاریی هه‌واڵه‌که‌ یه‌کجار زۆره بوو.

سه‌عات دووی نیوه‌ڕۆ، هه‌واڵه‌که‌ به‌ ره‌سمی ڕاگه‌یه‌نرا و که‌سانێکی زۆر له‌ لایه‌نگرانی ده‌ربار له‌ کۆشکی پاشا کۆبوونه‌وه‌ و خۆشحاڵیی خۆیان له‌م هه‌واڵه‌ ده‌ربڕی. هه‌ندێکیش له‌ خۆشیان ده‌گریان.

حه‌وت ساڵ بوو باسی خۆشه‌ویستیی ڤیکتوریای شازاده‌ و کوڕه‌ گه‌نجێکی زۆر ئاسایی دانیه‌ل ڤێستلینگ ده‌کرا به‌ڵام ئیدی هه‌موو قسه‌ پاشمله‌کان ئه‌مڕۆ ته‌واو بوون. پاش زه‌ماوه‌ندیش دانیه‌ل ناو و له‌قه‌بی تایبه‌تیی ”شازاده”‌، وه‌رده‌گرێ‌.

سه‌عات پێنجی ئه‌م ئێواره‌یه‌، کۆنفرانسێکی گه‌وره‌ی چاپه‌مه‌نی له‌ لایه‌ن ده‌رباری پاشاوه‌، بۆ ڕاگه‌یاندنی وردینه‌ی هه‌واڵی ئه‌و نیشانکرانه‌، له‌ کۆشکی شا به‌ڕێوه ده‌چێ و تێیدا گه‌لێ ده‌زگای گه‌وره‌ی چاپه‌مه‌نیی جیهانی به‌شدارن بۆ وێنه‌ رۆیترز، فرانس پرێس، ئاسۆشێتدپرێس‌، دێ پێ ئای ئه‌ڵمانی، NTBی نه‌رویژی، Ritzaus ی دانمارکی و چه‌ند میدیایه‌کی دیکه‌ش. تله‌فزیۆنی سوید و که‌ناڵی چواریش له‌ سه‌ر ناوی تله‌فزیۆنی ئه‌ورووپایی (Eurovisionen) و (European News Exchange). ئه‌م جڤینه‌ چاپه‌مه‌نییه‌، زۆرتر به‌ره‌و ڕووی میدیا و خه‌ڵکی جیهان ده‌کرێته‌وه‌ تا خودی سوید.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".