Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

سوید کۆمپانیایه‌کی گه‌وره‌ی به‌رهه‌می وزه‌، له‌ هۆڵند ده‌کڕێته‌وه‌

بڵاو کرایه‌وه‌ tisdag 24 februari 2009 kl 13.59

کۆمپانیای مه‌زنی ده‌وڵه‌تیی ڤاتتنڤال، بۆ وزه‌، له‌گه‌ڵ کۆمپانیای نوۆنی هۆڵندا یه‌کده‌گرن. به‌م واتایه‌ی که‌ ڤاتتنفال، شیرکه‌تی نوۆن به‌ نرخی ٩٥ میلیارد کرۆنی سوید ده‌کڕێ.‌ نیۆن شه‌ریکه‌یه‌کی سه‌ر ئینترنێتشی هه‌یه‌ به‌ ناوی ئالیاندر، به‌ڵام ڕێککه‌وتننه‌ بازرگانییه، ئه‌م شیرکه‌ته‌ ناگرێته‌وه‌. ئه‌مه‌ به‌ گه‌وره‌ترین ڕێککه‌وتنی بازرگانیی سوید داده‌نرێ له‌ دیرۆکی چالاکییه‌ ئابوورییه‌کانی وڵاتدا.

نوۆن کۆمپانیایه‌کی گه‌وره‌یه‌ که‌ خاوه‌نی سێ میلیۆن مشته‌رییه‌ و ده‌ هزار کارمه‌ندی له‌ به‌لژیک، ئه‌ڵمان و هۆڵه‌ند هه‌یه‌.

ڤاتتنفال وه‌ک ده‌سپێک، ۴٩ له‌ سه‌دی سه‌همه‌کانی نوۆن ده‌کڕێ ‌و باقی به‌شه‌کان، له‌ ماوه‌ی شه‌ش ساڵی داهاتوودا.

به‌ڕێوه‌به‌ری کۆمپانیای وزه‌ی ڤاتتنفال، لارش گێ یۆسفسۆن، ده‌ڵێ هه‌ر دوک لایه‌ن، زۆر به‌ خۆشحاڵییه‌وه‌ له‌م‌ ڕێککه‌وتنه‌ بازرگانییه‌ ده‌ڕوانن و ڤاتتنفال به‌ ته‌مایه‌ له‌ داهاتوودا سه‌رمایه‌یه‌کی زۆر بۆ نووژه‌نکردنه‌وه‌ی بواری وزه‌ له‌ هۆڵند ته‌رخان کات. ئه‌مه‌ش به‌شێکه‌ له‌ ستراتیژیی نێونه‌ته‌وه‌یی کۆمپنیای وزه‌ی سوید، ڤاتتنفال.

په‌ر بوولوند (Per Bolund)، قسه‌بێژی کاروباری وزه‌، له‌ حیزبی ژینگه‌ی سوید دژی ئه‌م ڕێککه‌وتنه‌ ده‌ڵێ ده‌بێ یه‌که‌م هه‌وڵی کۆمپانیای ڤاتتنفال ئه‌مه‌ بێت که‌ وزه‌ی نووژه‌ن به‌ کار بێنێ و ڕێژه‌ی ئه‌و پیساییه‌ی زۆره‌ی ده‌یخاته‌ ناو ژینگه‌وه‌، که‌م کاته‌وه‌ به‌ڵام ئه‌وان ڕێک به‌ پێچه‌وانه‌ ده‌که‌ن. ڤاتتنفال چۆته‌ ناو چالاکییه‌کی ده‌یکه‌وه‌ که‌ زۆر به‌ فوسیله‌وه‌ گرێ دراوه‌. ٩٥ له‌ سه‌دی ئه‌و کاره‌بایه‌ی کۆمپانیه‌که‌ به‌رهه‌می دێنێ له‌ سووته‌مه‌نیی فوسیله‌وه‌ دێن و ته‌نیا پێنج له‌ سه‌دی، له‌ سوتماکی دیکه‌‌وه‌یه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".