Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

له‌ مێرمنداڵیان پاوان کردووه‌ به‌ زمانی دی قسه‌ بکه‌ن

بڵاو کرایه‌وه‌ onsdag 25 februari 2009 kl 10.00
وشه‌نامه‌ی ئه‌کادێمیای سوێد

ئه‌و مێرمنداڵانه‌ی سه‌ردانی دوو باخچه‌ ئازادکاته‌که‌ی سه‌ر به‌ شاره‌وانیی روسێنگۆردی مالموێ ده‌که‌ن، نابێ به‌ زمانی جیا له‌ سوێدی قسه‌ بکه‌ن. ئه‌ویان که‌ ئه‌م ڕێسایه‌ پێشێل بکا، مه‌ترسیی ئه‌وه‌ی دێته‌ ڕێ ئه‌و جێیه‌ی لێ بگیرێ، یان دایکوباوکی جا به‌ تاک یاخود پێکه‌وه‌ بۆ لێدوان بانگی بۆ ده‌برێ. سا قسه‌ی گه‌وره‌ی ئه‌و باخچه‌یه‌ به‌ ڕاست بگرین دیار ده‌که‌وێ، ئه‌و ڕێسایه‌ بۆ ئه‌وه‌ به‌رپایه‌ نه‌کا گێچه‌ڵ به‌ منداڵه‌کان بکرێ، یان که‌سیان په‌راوێز بخرێ ئه‌گه‌ر به‌م ئاوایه‌ نه‌بێ و، زیاد له‌ زمانێکی لێ بئاخێورێ. ”به‌خوا رێسایه‌کی گه‌وجه‌”، یه‌کێکی مێرمنداڵه‌کانی ئه‌وێ ده‌ڵێ.

پاولا ئه‌ره‌سێنه‌ که‌ تا دوو مانگی له‌مه‌وبه‌ر له‌و باخچه‌ ئازادکاتانه‌دا کاری ده‌کرد، ده‌ڵێ ”له‌ نوڤێمبه‌ری پاره‌وه‌ ده‌رگه‌ له‌و مێرمندداڵانه‌ داخرا که‌ به‌ زمانی نه‌سوێدی ده‌هاتنه‌ گۆ، کارمه‌ندیش به‌و نێوه‌دا ده‌هات و ده‌چوو، هاتنه‌گۆی نه‌سوێدیی پاوان ده‌کرد و ده‌یگو، ده‌بێ‌ هه‌ر به‌ سوێدی بدوێن. که‌سێکیش به‌و ئاوایه‌ی نه‌یکردایه، جارێ گوڕه‌ و گه‌فی لێ ده‌کرا، دواجار له‌ باخچه‌ وه‌ ده‌رده‌نرا”.

پێیا ئیبارره‌ی هاوکاری ئه‌وسای پاولا ده‌ڵێ ”ڕۆژێ داوام لێ کرا، کاری منیش به‌و جۆره‌ بێ، نه‌مکرد و، گوتم نابێ کاری ئێمه‌ وا بێ.”

پاولا ئارسێیه‌، سه‌ری له‌م کاره‌ سووڕ ماوه‌ و، ده‌ڵێ مه‌ ده‌زانین که‌ زمان و پێناسه‌ ته‌بان و به‌ندی توندیان له‌ نیواندایه.‌ جڵه‌وکردنی زاری منداڵیش زه‌نگی یه‌کجار خراپی له‌مه‌ڕ پێناسه‌ له‌گه‌ڵدایه‌.

ساڵانێکی زۆره‌ له‌ باخچه‌ ئازدکاته‌کانی ڕۆسێنگۆرد ئه‌وه‌ ڕه‌چاو کراوه‌، که‌ به‌ ”ڕێسای ئاسووده‌یی” ناو نراوه‌.

سا ڕێسای ناوبراو به‌ دیواره‌کانی ساختمانی ئه‌و شوێنه‌وه‌ هه‌ڵواسراوه‌ و، پێنجه‌میان ده‌ڵێ: ”له‌ پێناو ئاسووده‌یی هه‌موو لایه‌کماندا به‌ سوێدی ده‌دو‌ێین”. هه‌رچی به‌ڕێوه‌به‌ری ئه‌و جێیه‌یشه‌ ـ نه‌بی سالمی ـ جه‌ختی ده‌کاته‌وه‌ که‌ ڕێسا بۆ ئه‌وه‌ داهێنراوه‌ ڕێ له جوداکاری و هه‌ڵاوێری بگرێ و، ده‌ڵێ ده‌بێ بزانین منداڵ گێچه‌ڵ به‌ منداڵی دی ناکا و، به‌ری کارمه‌ندان به‌ڕه‌ڵایه‌، که‌ ده‌ستیان به‌سه‌ر باره‌که‌وه‌ بێ. ئه‌م کاره‌یشمان دیاره‌ بۆ هه‌ڵناسووڕێ، ئه‌گه‌ر له‌و باخچه‌یه‌دا به‌ ده‌ ـ پانزه‌ زمان قسه‌ بکرێ.”

دان رۆسلوند که‌ کارمه‌ندی ئه‌و جێیه‌یه و هاوڕای کارگێڕه‌که‌یه‌تی‌‌، ڕای ئه‌ویش هه‌ر وایه‌ و ده‌ڵێ، ڕێساکان هه‌ر بۆ ئاسانکردنی کاره‌کانمان دانه‌هێنراون، بۆ ئه‌وه‌یشن، منداڵ که‌ ڕوو له‌ باخچه‌ی ئازادکات ده‌کا، هه‌ست بکه‌ن که‌ ڕێسا له‌پێناو ئه‌وانیشن.

وه‌رحاڵ ئه‌و مێرمنداڵ یان منداڵه‌ی ڕێسا بشکینێ، جارێ په‌نجه‌ی لێ هه‌ڵده‌شه‌قێنرێ، جارێ بۆ ماوه‌ی چاره‌گێ لێی ده‌رده‌کرێ، جاری دوایی بۆ سی خوله‌کێ، ئه‌مانه‌ گه‌ر که‌ڵکیان نه‌بێ، کارمه‌ندان به‌و بانگێشته‌وه‌ ئاوڕ له‌ دایک و باوک یان یه‌کێکیان ده‌ده‌نه‌وه‌، بۆ لێوه‌دووان باخچه‌که‌ به‌سه‌ر که‌نه‌وه‌.

رابی ئیسمایلات که‌ 15 ساڵی ته‌مه‌نه‌ و‌ سه‌ردانی بێنێوانی ‌ئه‌و جێی ئازادکاته‌ ده‌کا، گه‌لێک جار به‌ گوێیدا دراوه‌، که‌ جیا له‌ سوێدی، به‌ زمانی دی، نه‌ئاخێوێ و ئه‌و جێیه‌ زمانی دی لێ بڕاوه‌.

هه‌ر ئه‌م رابییه‌ 15 ساڵانه‌یه‌یشه‌ که‌ ڕه‌سم و ڕێسای باخچه‌ی ئازادکاتی روسنگۆردی به‌لاوه، گه‌وجانه‌یه‌ و ناته‌واوه‌. ‌ 

ئاخاوتن به‌ هه‌ر زمانێ مرۆ خۆشی بێ پێی بدوێ، پرسێکه‌ نێوانی خۆشی به‌ ئازادیی ڕاده‌بڕینه‌وه‌‌یه‌. ئازادیی ڕاده‌بڕینیش به‌شێکی بنه‌ڕه‌تیی ئه‌و یاسایه‌یه‌، له‌ ده‌ستووری سوێددا بنچێنه‌یه‌، ئه‌و به‌شه‌یشی نێوانی به‌م پرسه‌وه‌یه‌، له‌ بڕگه‌یاسای شێوازی حوکمڕانیدا زه‌ق و زۆپ په‌یدا و به‌رپایه‌.... پرۆفیسۆری ئه‌م بواره‌ ده‌ڵێ

توماس بوللی زانستگه‌ی ئوپسالایه‌ که‌ ده‌ڵێ، ڕێک له‌و بڕگه‌یه‌دا هاتووه‌، که‌ ئازادیی ڕاده‌ربڕین ـ وه‌ک مافی خۆده‌ربڕین جا چ زاره‌کی بێ، نووسینه‌کی بێ، یان وێنه‌کی بۆ هه‌موو که‌سێکی ئه‌م وڵاته‌ مسۆگه‌ر کراوه‌ و له‌وه به‌ولاوه‌‌ یاساناسی ئوپسالا لای وایه‌ که‌ ئه‌م پرسه‌ به‌شێکی ئازادیی ڕاده‌ربڕێن پێکه‌وه‌ ده‌نێ، توماس بوللی ده‌ڵێ که‌ به‌لای که‌مه‌وه‌ له‌گه‌ڵ هاوه‌ڵی خۆت و له‌ جێی گشتیدا به‌ هه‌ر زمانێ خۆشت دێت، بدوێ و لێت پاوان نه‌کرێ

توماس بوللی زانستگه‌ی ئوپسالا له‌ باره‌ی باخچه‌ی ئازادکاتی روسنگۆردیشه‌وه‌ ده‌ڵێ ئه‌گه‌ر ئه‌و باخچه‌یه‌ گشتی بێ و ده‌رووی له‌ ڕووی گشت که‌سێکدا هه‌م ‌تاک و هه‌م بێبه‌رگری بێ، ده‌بێ ڕێنوێنی و شتی وای لێ که‌م نه‌بێ، به‌ڵامه‌کێ زمانی جیا له‌ سوێدی له‌ خه‌ڵک پاوان بکرێ، سه‌یره‌ و، منیش سه‌یرم پێی دێ.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".