Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

هه‌ڕاجی کتێب ده‌ستی پێکرد

بڵاو کرایه‌وه‌ tisdag 24 februari 2009 kl 17.52
Bokrea

هه‌ڕاجی کتێب، بوکڕیا (Bokrea)، له سوید له‌‌ بیسته‌کانی سه‌ده‌ی ڕابوردوه‌وه‌ دیارده‌یه‌کی به‌رفراوانبووه. ئه‌و کتێبانه‌ی که‌ نه‌ده‌فرۆشران، هه‌ڕاج ده‌کران. پێشتر ڕۆژ و به‌روارێکی تایبه‌ت بۆ ئه‌و کاره‌ نه‌بووه‌، به‌ڵام ته‌نها ئه‌و کتێبانه‌ هه‌ڕاج ده‌کران که‌ پێنج ساڵبوو نه‌فرۆشرابوون.

هه‌ڕاجی کتێب، بوکڕیا (Bokrea)، له سوید له‌‌ بیسته‌کانی سه‌ده‌ی ڕابوردوه‌وه‌ دیارده‌یه‌کی به‌رفراوانبووه. ئه‌و کتێبانه‌ی که‌ نه‌ده‌فرۆشران، هه‌ڕاج ده‌کران. پێشتر ڕۆژ و به‌روارێکی تایبه‌ت بۆ ئه‌و کاره‌ نه‌بووه‌، به‌ڵام ته‌نها ئه‌و کتێبانه‌ هه‌ڕاج ده‌کران که‌ پێنج ساڵبوو نه‌فرۆشرابوون. له‌ ساڵانی سیه‌کاندا ناوه‌ڕاستی مانگی فێبرواری ورده‌ورده‌ بووه‌ ڕۆژی فرۆشتنی کتێب، له‌ چله‌کانیشدا چاپخانه‌کان که‌وتنه‌ ئاماده‌کردنی که‌ته‌لۆگێک به‌ 900 ناونیشانی کتێبی هه‌رزانکراو و 420 هه‌زار نموونه‌ی لێ بڵاوده‌کرایه‌وه‌. ورده‌ورده‌ هه‌ڕاجکردنی کتێب بوه‌ ترادیشون و کتێبخانه‌کان جمه‌یان ده‌هات.

په‌نجاو شه‌سته‌کانی سه‌ده‌ی ڕابوردوو به‌ سه‌رده‌می زێڕینی فرۆشتنی کتێبی هه‌ڕاجکراو له‌ سوید ده‌ژمێردرێت، به‌ پێچه‌وانه‌ی حه‌فتاکانه‌وه‌ که‌ ئیتر نرخی کتێبه‌کان زیاتر به‌رز‌بوونه‌وه‌و چاپی تایبه‌ت به‌ هه‌ڕاج له‌ کتێبه‌کان ده‌گیرانه‌وه‌، ئه‌مشیان دیارده‌یه‌که‌ تائێستا به‌رده‌وامه‌.

له‌هه‌شتاکاندا بارودۆخی هه‌ڕاجی کتێب باشتر بۆوه‌ ودیسان نرخه‌کان دابه‌زینه‌وه‌، له‌ نه‌وه‌ته‌کانیشدا، چاپخانه‌و کتێبخانه‌کان بۆ ڕاکێشانی ژماره‌یه‌کی زیاتر له‌ کڕیار، به‌شێوه‌ی تایبه‌ت خۆیان به‌ کڕیاری کتێبه‌ هه‌ڕاجکراوه‌کان ده‌ناساند. له‌حاڵی حازریشدا چه‌ندین ناوی زه‌به‌لاح له‌بازاڕی چاپ و کتێب فرۆشیدا هاتونه‌ته‌ مه‌یدان و له‌سه‌ر فرۆشتنی زیاتری کتێبه‌ هه‌رزانکراوه‌کانیان کێبه‌ڕکێیانه.

به‌ڵام به‌رابه‌ریکاری هه‌موویان ئینته‌رنێته‌، که‌ پابه‌ندی ڕۆژێکی تایبه‌ت به‌ هه‌ڕاج نیه‌وه‌ چه‌ندین جار له‌ ساڵێکدا نرخی کتێبه‌کان داده‌به‌زێنێت، کارێک که هه‌ڕه‌شه‌ له‌‌ بازاڕی کتێبفرۆشه‌‌ ئاساییه‌کانی ده‌کات. ‌دیسان به‌ڵامێکی تر، سه‌رباری به‌رفراوانی کتێبفرۆشی ئه‌له‌کترۆنی، کتێبفرۆشه‌کان و ترادیشونی ڕۆژی کتێبفرۆشتن هه‌ربه‌رده‌وامه‌.

سه‌باره‌ت به‌ ڕۆژی هه‌ڕاجی کتێب و چه‌ند پرسێکی تایبه‌ت به‌ کتێبفرۆشی له‌سوید، زایه‌ڵه‌ گفتوگۆیه‌کی  له‌گه‌ڵ نیعمه‌ت عه‌لی موراد خاوه‌نی چاپخانه‌ی کتێبی هه‌رزان ئه‌نجامدا.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".