Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

دابه‌زاندنی موزیک و فیلم، له‌ سوید قه‌ده‌غه‌ کرا

بڵاو کرایه‌وه‌ fredag 27 februari 2009 kl 09.53

په‌رله‌مانی سوید دوێنێ بڕیاری دا که‌ له‌ مانگی چواری ئه‌مساڵه‌وه‌ یاسای قه‌ده‌غه‌بوونی دابه‌زاندنی موزیک، فیلم و په‌ڕگه‌ی کۆمپیوتێریی مافپارێزراو، له‌ ته‌واوی وڵاتدا جێبه‌جێ بکات. به‌م مانه‌یه‌ که‌ خاوه‌نبه‌رهه‌م بۆی هه‌یه‌ له‌مه‌و لا، له‌ ڕێی ژماره‌ی تایبه‌تیی کۆمپیوتێره‌وه‌، ئه‌و کاته‌ی به‌ ئینترنێته‌وه‌ ده‌لکێ، بزانێ چ که‌سانێک به‌رهه‌مه‌کانی، به‌ شێوه‌ی نایاسایی ده‌خه‌نه‌ سه‌ر ئینترنێت، یا خود دایده‌به‌زێنن.

حیزبه‌ بورژواییه‌کان و سوسیالدیمۆکراته‌کان پشتی ئه‌و یاسایه‌یان گرت، که‌چی دوو حیزبی چه‌پ و ژینگه، سه‌وزه‌کان‌، دژ ده‌رکه‌وتن و رایانگه‌یاند که‌ یاساکه‌ وه‌ک فه‌رمانی گشتگری وڵاتانی یه‌کێتیی ئه‌ورووپا، له‌ لایه‌ن کۆمپانیا زله‌‌کانه‌وه‌ داسه‌پێنراوه‌.

لاگێ رام (Lage Rahm) ی ئه‌ندامی حیزبی سه‌وز بۆ وێنه‌ گوتی: گرفته‌که‌ له‌وه‌ دایه‌ که‌ ناتوانی مرۆڤه‌کان له‌ به‌ر شێوه‌ی به‌کارهێنانی تاکه‌که‌سیی په‌ڕگه‌کانیان، به‌ تاوانکار بزانیت.

لاگێ رام پێی وایه‌ ئه‌م یاسایه‌، له‌ باری حقووقیشه‌وه‌ هه‌ندێ خاڵی لاوازیشی تێدایه‌. بۆ وێنه‌ چۆن ده‌توانرێ بزانی که‌ ئاخۆ ئه‌وه‌ خاوه‌نی کۆمپیوتێره‌که‌ خۆیه‌تی که‌ موزیک و فیلمی دابه‌زاندوه‌‌ یا که‌سێکی دی له‌ سه‌ر ناوی ئه‌م ژماره کۆمپیوتێره‌وه ئه‌م کاره‌ی کردووه‌. جا چ که‌سێکی دیکه‌ی بنه‌ماڵه‌، یا خود که‌سێک که‌ خۆی ترنجاندۆته‌ ناو تۆڕی بێسیمی ئینترنێته‌وه‌.‌‌

پێشتر ئه‌وه ‌پۆلیس بوو که‌ ئه‌و مافه‌ی ده‌درایێ ژماره‌ی ئای پیی کۆمپیوتێره‌که‌ ده‌رخات و کێشه‌که‌ بخاته‌ ناو ڕه‌وتی داده‌وه‌، که‌چی ئێستا ئه‌وه‌ ڕێکخستنه‌کانی به‌رژه‌وه‌ندیپارێزی به‌رهه‌مه‌ هونه‌رییه‌کانن ‌که‌ ئیزنی ئه‌م کاره‌یان دراوه‌تێ و ته‌نانه‌ت بردنه‌‌ به‌رده‌م مه‌حکه‌مه‌ی یاساشکێنان.‌

کێنت په‌رشۆن (Kent Persson)ی حیزبی چه‌پ ده‌ڵێ ئه‌م یاسایه‌ ڕێگه‌ هه‌موار ده‌کات بۆ جه‌ریمه‌ی ده‌یان هه‌زار کرۆنی و له‌ وڵاتانی دیکه‌شدا که‌ یاسای قه‌ده‌غه‌بوونی دابه‌زاندنی په‌ڕگه‌ ئینترنێتییه‌کانیان جێبه‌جێ کردووه‌، هه‌روا بووه‌. ئه‌مه‌ش ڕه‌وتێکی زۆر نادڵنیای حقووقی دێنێته‌ پێشه‌وه‌ و مه‌ترسیداره‌.

دیاره‌ سوسیالدیمۆکراته‌کان له‌گه‌ڵ ئه‌م یاسا په‌سندکراوه‌ بوون به‌ڵام مه‌رجیشیان ئه‌وه‌ بوو که‌ کۆمیسیۆنی کۆپیڕایت، چاوه‌دێری به‌ سه‌ر چۆنه‌تیی به‌کارهێنرانی ئه‌و یاسایه‌دا بکات. بۆ وێنه‌ ئه‌وه‌ی که‌ دیاری بکات، چه‌ند جار دابه‌زاندنی فیلم و موزیک ده‌بێته‌ هۆی به‌ تاوانکارناسران.

وه‌زیری دادی سوید بیاتریس ئاسک، مه‌رجی هاتنه‌ گۆڕی ئه‌و کۆمیسیۆنه‌ ڕه‌ت ده‌کاته‌وه‌ و ده‌ڵێ توێژینه‌وه‌یه‌ک له‌ سه‌ر ئه‌م بابه‌ته‌، ده‌توانێ چۆنه‌تیی جێبه‌جێکرانی یاساکه‌، شرۆڤه‌ بکات. ئه‌ویش ڕێک هاوکات له‌گه‌ڵ جیبه‌جێکرانی یاساکه‌.

ئاسۆ نادری پسپۆڕی بواری زانیاریی ته‌کنیکی، له‌ په‌سندکرانی ئه‌و یاسایه‌دا، هه‌ر دووک لایه‌نی باش و خراپ پێکه‌وه‌ ده‌بینێت.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".