Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

سیاسه‌تی وزه‌ی سوید، چه‌تی تێکه‌وت

بڵاو کرایه‌وه‌ fredag 27 februari 2009 kl 16.09

دانوستاندنی نێوان حیزبه‌کانی ده‌سه‌ڵاتدار و ئوپۆزیسیۆن له‌ سه‌ر پرسی وزه‌ نه‌گه‌یشته‌ ئه‌نجام. هۆیه‌که‌ی ئه‌وه‌ بوو که‌ دوو لایه‌ن نه‌یانتوانی ده‌رباره‌ی کێشه‌ی وزه‌ی ئه‌تۆمی، ڕێک که‌ون.

جڤینه‌که‌ی شه‌وی ڕابردوو بۆ پێکگه‌یشتن، سێ سه‌عاتی خایاند به‌ڵام پاشان خاتوو مۆد ئۆلۆفسۆن وه‌زیری وزه‌ له‌ حیزبی سه‌نته‌ر، ده‌رکه‌وت و ڕایگه‌یاند که‌ گفتوگۆکان، هه‌ڵوه‌شاونه‌ته‌وه‌. مۆد ئولۆفسۆن گوتی: ئێمه پێمان وایه‌ درێژه‌دان به‌ وه‌ها دانوستاندنێک زۆر بێمانایه‌.

مۆد ئۆلۆفسۆن بوو که‌ گوتی بێگومان کێشه‌ی نووژه‌نکردنه‌وه‌ی وزه‌ی ئوتۆمی له‌ ناوه‌ندی باسه‌که‌ دایه‌ و ئه‌مه‌ به‌ سه‌رنجدان به‌ بواری ئابووری گرنگه و ده‌بێ ئێستا و هه‌ر لێره‌ش وه‌ڵامده‌ره‌وه‌ی بین. به‌ڵام دیاره‌ ئاماده‌یی ئه‌وه‌مان نه‌بوو که‌ ئێستا وه‌ڵام بده‌ینه‌وه‌.

ئه‌م جڤینه‌ی شه‌وی ڕابردوو، پێنجه‌مین دانیشتنی نێوان پارتییه‌کانی ناو حوکوومه‌ت و حیزبه‌ نه‌یاره‌کانی ده‌ره‌وه‌ بوو له‌ سه‌ر ئه‌م کێشه‌یه‌ که‌ هه‌ر وه‌کی گوتمان به‌ ئاکام نه‌گه‌یشت. بۆیه‌ حوکوومه‌ت لێبڕاو ده‌بێت له‌ سه‌ر هێڵی ناوخۆیی حیزبه‌ ڕاسته‌کان لێبخوڕێت.

‌پێتر ئێریکسۆن قسه‌بێژی حیزبی ژینگه‌، سه‌وزه‌کان هۆی شکستهێنانی ئه‌م گفتوگۆیانه‌ بۆ مه‌رجێکی تایبه‌ت ده‌گه‌ڕێنه‌ته‌وه‌ که‌ حیزبه‌کانی ناو حوکوومه‌ت ده‌یانه‌وێ دایسه‌پێنن:

پێتر ئێریکسسۆن‌ گوتی: حوکوومه‌ت ڕێککه‌وتنێکی کردووه‌ که‌ نۆ ده‌ رئاکتۆری نوێی وزه‌ی ئه‌تۆمی چێبکات. ئولتیماتومیان بۆ داناوین که‌ ده‌بێ ئێمه‌ش ئه‌و شته‌ قه‌بووڵ بکه‌ین. دیاره‌ بێگومان هیچ حه‌زێکمان له‌و شته‌ نییه‌.

له په‌یوه‌ندیی ئه‌م باسه‌دا ئه‌وه‌ش ده‌بێ بگوترێ که‌ حیزبی سوسیالددیمۆکرات هێشتا وه‌ڵامی ئه‌و پرسیاره‌ی نه‌داوه‌ته‌وه‌ که‌ ئاخۆ ڕازییه‌ ریاکتۆره‌ ئه‌تۆمییه‌ کۆنه‌کانی وڵات، به‌ هی نوێ بگۆڕدرێن یان نا. سێ حیزبه‌که‌ی ئۆپۆزیسیۆن واتا ژینگه‌، چه‌پ و سوسیالدیمۆکرات‌ ده‌ڵێن ئه‌وه‌ پارتییه‌کانی ناو حوکوومه‌ت بوون که‌ ئه‌و جڤینانه‌یان تێکدا و نه‌یانهێشت گفتوگۆکان سه‌ر بگرن.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".