Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

ڕێکه‌وتنه‌که‌ی IF Metall که‌وته‌ به‌ر ڕه‌خنه‌

بڵاو کرایه‌وه‌ tisdag 3 mars 2009 kl 16.18

به‌پێی ڕێکه‌وتنێکی سه‌ندیکای کرێکارانی پیشه‌سازی کانزاکان IF Metall له‌گه‌ڵ خاوه‌ن کارگه‌کاندا، له‌بری ده‌رکردن و ئاگاداری ده‌رکردن بۆ کرێکاران و کارمه‌ندانی کارگه‌کانی به‌رهه‌مهێنانی ماشێن و میکانیکی وبه‌رهه‌مهێنانی پۆڵا هه‌روه‌ها کارگه‌کانی کاندۆزی، جگه‌ له‌ که‌مکردنه‌وه‌ی ماوه‌ی کار، بڕیاره‌ مووچه‌کانیشیان که‌مبکرێته‌وه‌.

ئه‌مه‌ کارڕاییه‌که‌ بۆ وه‌ستانه‌وه‌ به‌ گژ قه‌یرانه‌ ئابووریه‌که‌دا. به‌ڵام ئه‌م رێکه‌وتنه‌ توشی ڕه‌خنه‌ هاتووه‌و به‌شێکی زۆری سه‌ندیکاکان دژی وه‌ستاونه‌ته‌وه‌.

سه‌رۆکی ڕێکه‌وتنه‌کان له‌ سه‌ندیکای کرێکارانی کاره‌باچیه‌کانی سوید، ڕۆنی وێنگرێن ده‌ڵێت، ئه‌م شێوازه‌ رێکه‌وتنانه‌ جێی باس نیه‌ لای ئێمه‌، چونکه‌ ئه‌مه‌ شتێک نیه‌ ئه‌ندامانی سه‌ندیکاکه‌مان پێێ ڕازی بن، ڕای ئه‌ندامانمان بۆ ئێمه‌ له‌ پێش هه‌موو شتێکی دیه‌وه‌یه‌.

به‌پێی ڕێکه‌وتنه‌که‌ی سه‌ندیکای کرێکارانی پیشه‌سازی کانزاکان IF metall له‌گه‌ڵ خاوه‌ن کارگه‌کاندا، کارمه‌ندان و کرێکاران، نزیکه‌ی ته‌نها له‌سه‌دا هه‌شتای مووچه‌ی ئێستایان وه‌رده‌گرن. به‌پێی ڕێکه‌وتنه‌که‌ ئه‌مه‌ ڕێگه‌ چاره‌یه‌که‌ بۆ ڕاگرتنی ئاستی به‌رهه‌مهێنان وله‌هه‌مان کاتدا له‌ده‌ستنه‌دانی کارمه‌ند وکرێکاران.

به‌ڵام ئه‌م کارڕاییه‌ و ڕازیبوونی سه‌ندیکای کرێکارانی پێشه‌سازی کانزاکان بۆته‌ جێی سه‌رسوڕمانی گه‌لێک لایه‌ن و سه‌ندیکای تر که‌ پێیان وایه‌ که‌مکردنه‌وه‌ی مووچه‌ به‌و بیانووه‌ی تا بارودۆخه‌که‌ ئاسایی ده‌بێته‌وه‌ په‌سه‌ند نیه‌، ئه‌مه‌ له‌کاتێکدا که‌ گه‌ره‌نتی مانه‌وه‌ی ئه‌و کارمه‌ندو کرێکارانه‌ نه‌دراوه‌‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".