Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
ئاگاداری! لە ناوچەی کرونوئۆسەن ئاگرێکی بەهێز کەوتۆتەوە

سه‌رۆکان: مووچه‌ی کارمه‌ندان با که‌م بێته‌وه‌ به‌ڵام هی ئێمه‌ نا

بڵاو کرایه‌وه‌ onsdag 4 mars 2009 kl 15.48

سه‌رۆکان و به‌ڕێوه‌به‌رانی کۆمپانیا پیشه‌ییه‌کانی سوید پێیان وایه‌‌ ئه‌و ڕێککه‌وتنه‌ی له‌گه‌ڵ یه‌کێتیی کرێکارانی ناودێر به‌ ئی ئێف مێتاڵ، کردوویانه‌ و به‌ پێی، سه‌عاتی کار که‌م ده‌بێته‌وه‌ و مووچه‌ی کرێکارانیش داده‌به‌زێ‌، شتێکی زۆر باشه‌ به‌ڵام حازر نین به‌ هیچ جۆرێ مووچه‌ی یه‌کجار به‌رزی خۆیان، شتێکی لێ که‌م بێته‌وه‌.

مووچه‌کان بڕیاره‌ تا بیست له‌ سه‌د که‌م بکرێنه‌وه‌ به‌ڵام به‌ پێی ئه‌و گفتوگۆیانه‌‌ی سڤێنسکا داگبلادێت له‌ ته‌ک به‌ڕێوه‌به‌رانی ئه‌و شه‌ریکانه‌ کردوویه‌تی بۆ نموونه‌

سه‌رۆکی ئێس ئێس ئابێ، ئۆلۆف فاکساندر ساڵی پار، مووجه‌ی خۆی حه‌فتا له‌ سه‌د زیاد کرد و به‌ ساڵێک ١١ میلیۆن و ٦٠٠ هه‌زار کرۆنی وه‌رگرت.

شه‌رۆکی ئالفالاڤا، لارش ڕێنستروێم ساڵی ٢٠٠٧ نزیکه‌ی شه‌ش و نیو میلیۆن کرۆنی وه‌رگرت و سێ میلیۆنیش پاداشت. به‌ گشتی مووچه‌که‌ی یه‌ک میلیون کرۆن زیاد کرا.

کۆمپانیاکانی دیکه‌ ئێلێکترولوکس، ساندڤیک و بوولیدن، مووچه‌ی سه‌رۆکانیان له‌و ئاسته‌دا ڕاگرتووه‌ به‌ڵام به‌ ته‌ما نین نزمی که‌نه‌وه‌. شه‌ریکه‌ی کامیۆنه‌کانی ڤۆلڤۆ سه‌ره‌ڕای گرفتی گه‌وره‌ی دارایی و ئه‌و قه‌یرانه‌ی تێی که‌وتووه و نیوه‌ی کارمه‌ندانیان وه‌ده‌ر نا‌‌، به‌م حاڵه‌وه‌ ئاستی پاداشتی سه‌رۆکانی به‌رز کرد و ئه‌مه‌ یه‌کێتیی کرێکارانی زۆر ناره‌حه‌ت کردووه‌ و نامه‌یه‌کی ڕه‌خنه‌گرانه‌ی دژی ئه‌م بڕیاره‌ نووسیوه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".