Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

ڕێسا پزیشکییه‌کان ده‌بێت چاویان پێدا بخشێنرێته‌وه‌

بڵاو کرایه‌وه‌ måndag 9 mars 2009 kl 11.43
نه‌خۆشخانه‌ی ئاسترید لیندگرێن

سه‌رۆکایه‌تی کاروباره‌ کۆمه‌ڵایه‌تییه‌کان به‌نیازه‌ به‌دواداچونێک سه‌باره‌ت به‌ ڕووداوی ئه‌و ساوایه‌ی ساڵی پار له‌ نه‌خۆشخانه‌ی ئاسترید لیندگرێن مرد، ئه‌نجام بدات. ڕۆژی هه‌ینی ڕابوردوو بوو پزیشکێک به‌گوومانی کوشتنی بێ مه‌به‌ستی ئه‌و ساوایه‌ ده‌ستگیرکرا. به‌ڕای پارێزه‌ری گشتی پاڵنه‌ری ئه‌نجامدانی ئه‌و کاره‌ هۆکاری به‌زه‌یی له‌پشته‌. 

ئه‌و ساوایه‌ پێش لابردنی ئامێری هه‌ناسه‌دانه‌که‌ی، دۆسێک مۆرفین و ماده‌ی هێورکه‌ره‌وه‌ی له‌لایه‌ن پزیشکه‌که‌وه‌ دراوه‌تێ، که‌ گوایه‌ هه‌رئه‌وه‌ش بۆ‌ته‌ هۆی مردنی.

ئه‌م ڕووداوه‌ تائێستا ده‌ستگاکانی یاسا و پۆلیس لێی کۆڵیونه‌ته‌وه‌، کارێک که‌ جێی سه‌رسووڕمانی کۆمه‌ڵه‌ی‌ پزیشکان و سه‌رۆکایه‌تی کاروباره‌ کۆمه‌ڵایه‌تیه‌کانه‌، سۆسیالستیره‌لسێن.

هه‌ر له‌دوای ئه‌م ڕووداوه‌وه‌ چه‌ندین لایه‌نی سیاسی داوای پێداچوونه‌وه‌ به‌ ڕێسا پزیشکییه‌کاندا ده‌که‌ن، به‌تایبه‌ت ئه‌و ڕێسایانه‌ی تایبه‌تن به‌ ساته‌کانی کۆتایی ژیانی نه‌خۆش. له‌ پارتی سه‌نته‌ره‌وه‌ ستافان دانیالسۆن پێێ وایه‌ که‌ ئه‌و ڕێسایانه ده‌بێت په‌رله‌مان لێی بکۆڵێته‌وه‌. له‌پارتی سۆسیالدیموکراته‌کانیشه‌وه‌ و له‌زاری قسه‌که‌ری گشتیانه‌وه‌ ئیلڤا یوهانسۆن، ئه‌م پرسه‌ شایه‌نی لێکۆڵینه‌وه‌یه‌. به‌ڵام وه‌زیری کاروباره‌ کۆمه‌ڵایه‌تییه‌کان یۆران هێگلوند، پێی وانیه‌ پێویست به‌ گۆرانکاری له‌و ڕێسایانه‌دا بکرێت که‌ له‌حاڵی حازردا کاریان پێده‌کرێت.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".