Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

په‌روه‌ه‌نده‌ی پزیشکیی منداڵه‌ کوژراوه‌که‌، با بڵاو بێته‌وه‌

بڵاو کرایه‌وه‌ onsdag 11 mars 2009 kl 16.17

هاوپه‌یوه‌ند له‌گه‌ڵ ئه‌و دوکتۆره‌ ژنه‌ی به‌ گومانی کوشتنی بێمه‌به‌ستی ساوایه‌ک که‌ نه‌خۆشخانه‌ی منداڵانی ئاسترید لینگرێن له‌ ستۆکهۆڵم له‌ ژێر لێپرسینه‌وه‌ دایه‌، ئێستا پارێزه‌ری دایکوباوکی ئه‌و منداڵه‌ داوا ده‌که‌ن که‌ په‌روه‌نده‌ی پزیشکیی ئه‌و کچه‌ ساوایه‌ بخرێته‌ به‌ر ده ست تا پێشی هه‌رچه‌شنه‌ قسه‌ و قسه‌ڵۆكی دیکه‌ بگیرێت.

پارێزه‌ری گشتی ده‌ڵێ ئه‌و ڕاده‌ مۆرفینه‌ی له‌ له‌شی ئه‌و منداڵه‌دا بووه‌ زۆر له‌وه‌ی له‌ په‌روه‌نده‌که‌ی دا نووسرابوو زیاتر بووه‌. Erika Lejnefors جێگری پارێزه‌ری گشتی هه‌روه‌ها ده‌ڵێ په‌روه‌نده‌که‌ هه‌ر هیچ باسی ئه‌و و تیۆپێنتاڵه‌یان نه‌کردووه‌ که‌ له‌ له‌شی منداڵه‌که‌دا هه‌بووه‌.

هه‌رچه‌ند په‌روه‌نده‌‌ی نه‌خۆشیی منداڵه‌که‌ پێشتر له‌ به‌ر ده‌ستی سه‌رۆکی نه‌خۆشخانه‌‌ی منداڵانی ئاسترید لیندگرێن دا دانرابوو تا له‌ چۆنه‌تیی ده‌رماندرانی منداڵه‌که‌ بکۆڵێته‌وه‌، به‌ڵام هیچ هه‌ڵه‌یه‌کی تێدا نه‌دۆزرابۆوه‌.

ڕاسته مۆرفین و تیۆپێنتال بۆ ئاسانکردنه‌وه‌ی مه‌رگ ده‌درێته‌ نه‌خۆشانی له‌حاڵی مردندا به‌ڵام ئه‌و ڕاده‌ زۆری له‌ له‌شی منداڵه‌که‌دا هه‌بووه‌، به‌ هیچ جۆرێک له‌ په‌روه‌نده‌که‌دا باسی لێنه‌کراوه‌.

پێتر ئالتین پارێزه‌ری بنه‌ماڵه‌ی منداڵه‌که‌ ده‌ڵێ ئه‌مه‌ نیشان ده‌دات که‌ ئه‌وانه‌ی په‌روه‌نده‌که‌یان دیوه‌ دیاره‌ هیچ ئاگادارییه‌کی ڕوون و ئاشکرایان له‌وه‌ی که‌ چ کراوه‌ نه‌بووه‌. بۆیه‌ پێویست ناکا هه‌ر که‌سه‌ و له‌ جێی خۆیه‌وه‌ قسه‌یه‌ک بکا بێ ئه‌وه‌ی گشت په‌روه‌نده‌ و به‌ڵگه‌نامه‌کانی دیکه‌ی له‌ به‌ر ده‌ست دا نه‌بێت.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".