Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

پۆلیس، سه‌دان کڕیاری ماده‌ی سه‌رخۆشکه‌ری گرت

بڵاو کرایه‌وه‌ fredag 13 mars 2009 kl 15.54

له‌ یه‌کێ له‌ گه‌وره‌ترین هێرشه‌کانی پۆلیسدا دژی ماده‌ سه‌رخۆشکه‌ره‌کان، ۴۴٧ که‌س له‌ کڕیارانی ئه‌و مادانه‌ له‌ ٢٠ ناوچه‌ی سوید ده‌ست به‌ سه‌ر کران. ئه‌م که‌سانه‌، کڕیارانی ماده‌ی سه‌رخۆشکه‌ر له‌ پیاوێک بوون که‌ له‌ ڕێی ئینترنێته‌وه‌ ئه‌و مادانه‌ی ده‌فرۆشت و هه‌ر به‌م هۆیه‌ش هه‌فته‌ی ڕابردوو، ده‌ ساڵ زیندانی بۆ بڕابۆوه‌.

ئاماده‌کاریی ئه‌م هێرشه‌ی پۆلیس که‌ به‌ گه‌وره‌ترین و به‌ربڵاوترین هێرشی سه‌رانسه‌ری هاوپه‌یوه‌ند له‌گه‌ڵ ماده‌ی سه‌رخۆشکه‌ر داده‌نرێ، دوو هه‌فته‌ له‌وه‌ پێش ده‌ستی پێکرد و تێیدا ۴۴٧ که‌س که‌ گومانی کڕینی ماده‌ی سه‌رخۆشکه‌ریان لێده‌کرا کاوتنه‌ به‌ر چاوه‌دێری و دواکه‌وتنی پۆلیسه‌وه‌. زۆربه‌ی ئه‌و که‌سانه‌، گه‌نجانی ١٦ تا ٢٥ ساڵن و هیچ مێژینه‌یه‌کی تاوانکاریشیان نییه‌.

پشکێنه‌ری تاوانکاری سێسیلیا فانت، به ئاکامی ئه‌و کاره‌ی پۆلیس ڕازییه‌ و ده‌ڵێ به‌ ده‌ستبه‌سه‌رکرانی ئه‌و که‌سانه‌، پۆلیس توانیویه‌تی زۆر که‌س له‌ ئالووده‌بوون به‌ ماده‌ی سه‌رخۆشکه‌ر بپارێزێ.

ئه‌و ماده‌یه‌ی که‌ ئه‌و که‌سانه‌ له‌ ڕێی ئینترنێته‌وه‌ له‌و کابرا فرۆشه‌ره‌ی ئێستا گیراوه‌ کڕێویانه‌، ناوی ترامادۆله‌ و ساڵێک ده‌بێ که‌وتۆته‌ ناو ڕیزی ماده‌ی سه‌رخۆشکه‌ره‌کانه‌وه‌. ماده‌که‌ له‌م دواییانه‌دا زۆر له‌ لای گه‌نجان خۆشه‌ویست بووه‌ و زۆرتر له‌ ڕێی ئینترنێته‌وه‌ ده‌کڕدڕێ.

ئێستا کڕین و فرۆشی ماده‌ی سه‌رخۆشکه‌ر له‌ ڕێی ئینترنێته‌وه‌ زۆر باوه‌ و سێسیلیا فانت، پشکێنه‌ری تاوانکاری، هیوای ئه‌وه‌ ده‌خوازێ که‌ به‌ وه‌ڵامدانه‌وه‌ به‌و کاغه‌زانه‌ی به‌ هاوکاریی پۆلیس و ئینستیتووتی له‌شساغیی گشتی (folkhälsoinstitutet) خراونه‌ته‌ به‌ر ده‌ست که‌سانی گومانلێکراوه‌وه‌، ڕێگه‌کانی ده‌ستڕاگه‌یشتن به‌ ماده‌ سه‌رخۆشکه‌ره‌کان له‌ ڕێی ئینترنێته‌وه‌ بکه‌ونه‌ به‌ر باسی جیددیی و چاره‌یه‌کییان بۆ بدۆزرێته‌وه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".