Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

پارتی ناسراو به‌ دژه‌بێگانه‌ له‌ نه‌رویج هاتنه‌ ڕوسه‌نگۆرد

بڵاو کرایه‌وه‌ fredag 13 mars 2009 kl 16.06
Per Sandberg

پارتی فرێمسکریت، که‌ له‌ نه‌رویج به‌ پارتێکی دژه‌ ‌بێگانه‌ ناسراوه‌، دوێنێ نوێنه‌رایه‌تییه‌کیان له‌ ئاستێکی به‌رزی پارته‌که‌دا سه‌ردانی گه‌ڕه‌کی ڕۆسه‌نگۆردی شاری مالمیۆیان کرد، ئه‌م سه‌ردانه‌ له‌دوای ته‌نگژه‌کانی ئه‌م دواییه‌ی ڕۆسه‌نگۆردو له‌سه‌ر بانگهێشتی سه‌رۆکایه‌تی کۆمۆنی ڕۆسه‌نگۆرد ئه‌نجام درا.

پۆلیس، کارمه‌ندانی تیمی ئاگرکوژێنه‌وه‌، خوێندکاران هه‌روه‌ها سیاسه‌تمه‌داران ئه‌مه‌ جگه‌ له‌ چه‌ند ڕێکخراوێکی گه‌ڕه‌کی ڕۆسه‌نگۆرد، ئه‌و شوێن و که‌سایه‌تییانه‌بوون که‌ 

نوێنه‌رانی پله‌ به‌رزی پارتی فرێمسکریتی نه‌رویجی چاوی پێیان که‌وت. له‌ نێوان هه‌شت ئه‌ندامی پله‌به‌رزی ئه‌و حیزبه‌دا جێگری سه‌رۆکی حیزبه‌که‌ش (Per Sandberg)له‌ سه‌ردانه‌که‌ی دوێنێیاندا بۆ گه‌ڕه‌کی ڕۆسه‌نگۆرد له‌ مالمیۆ ئاماده‌بوو.

ئه‌وه‌ی ئێمه‌ دیومانه‌ له‌ ڕۆسه‌نگۆرد شتێکی بچوکه,‌ واتا فریای بینینی ناوچه‌که‌و کێشه‌کانی به‌ته‌واوی نه‌که‌وتووین، جێگری سه‌رۆکی پارتی فرێمسکریتی نه‌رویجی پار ساندباری ده‌ڵێت به‌ڵام ئه‌و که‌س و شوێنانه‌ی چاومان پێیان که‌وت و ئه‌و گفتوگۆیانه‌ی له‌گه‌ڵیاندا تائێستا ئه‌نجامدراوه‌ پۆسه‌تیڤ و دروسته‌که‌رانه‌یه‌.  

له‌قسه‌کانی بۆ مێدیای سویدی و نه‌رویجی پار ساندباری ئاماژه‌ی به‌ گرنگی هاوگوونجی کردوو ووتی سه‌برو حه‌وسه‌ڵه‌ی نه‌رویج به‌به‌ریه‌وه‌ نه‌ماوه‌و هه‌ربۆیه‌ ده‌بێت له‌ئاستی سیاسیداو کاریگه‌رانه‌تر کار بۆ پرسی هاوگوونجی په‌نابه‌ران بکرێت.

جێی باسه‌ ئه‌م سه‌ردانه‌ی نوێنه‌رایه‌تی پارتی فرێمسکریتی نه‌رویجی په‌یوه‌ندیه‌کی ڕاسته‌وخۆی به‌ ته‌نگژه‌کانی ئه‌م دواییهی‌ گه‌ڕه‌کی ڕۆسه‌نگۆرده‌وه‌ هه‌یه‌ که‌ به‌هۆی داخستنی لۆکاڵێک که‌وه‌ک مزگه‌وت به‌کارده‌هێنرا، گه‌نجانی ناوچه‌که‌ له‌گه‌ڵ پۆلیسدا به‌یه‌کدا هاتن و چه‌ند ڕۆژێک ئه‌و باره‌ به‌ سوتاندنی سه‌یاره‌و به‌ردبارانکردنی پۆلیس به‌رده‌وام بوو. هه‌روه‌ها ئه‌م سه‌ردانه‌ په‌یوه‌ندی ڕاسته‌وخۆشی به‌و توێژینه‌وه‌ زانستییه‌‌وه‌ هه‌یه‌ که‌ خوێندنگای باڵای هێزی به‌رگری سویدی ئه‌نجامی داو ‌ده‌رئه‌نجامه‌کانی ئه‌و توێژینه‌وه‌یه‌ ئاماژه‌یان به‌ به‌رفراوانبوونی هێزو ده‌سه‌ڵاتی ئیسلامی توندڕه‌وکردبوو.

هه‌رئه‌و کاته‌و له‌ڕوانگه‌ی ئه‌و توێژینه‌وه‌یه‌وه‌ بوو سه‌رۆکی ئه‌و حیزبه‌ (Siv Jensen) له‌ ووتارێکیدا ئاگاداری دایه‌ نه‌رویج که‌ په‌تای ئیسلامی توندڕه‌و له‌نه‌رویج دوورنییه‌. هه‌روه‌ها گوایا یاساکانی شه‌ریعه‌تی ئیسلام ڕۆسه‌نگۆرد به‌ڕێوه‌ده‌بات. له‌پاش ئه‌م ووتارو قسانه‌ی سه‌رۆکی پارتی فرێمسکریتی نه‌رویجی سه‌رۆکایه‌تی کۆمۆنی رۆسه‌نگۆرد هه‌ڵوێسته‌یان گرت و ( Ilmar Reepalu) داوه‌تنامه‌یه‌کی بۆ ناردن تا بێن به‌چاوی خۆیان ڕۆسه‌نگۆردببینن تا بزانن ئه‌و وێنه‌یه‌ی ئه‌و پارته‌ له‌ ووتاره‌کانیاندا بۆ ڕۆسه‌نگۆردیان کێشاوه‌، دوورن له‌ ڕاستییه‌وه‌.

خه‌ڵکێکی زۆری گه‌ڕه‌کی ڕۆسه‌نگۆرد موسوڵمانن، به‌ڵام ئه‌وه‌ مانای ئه‌وه‌ نییه‌ که‌ هه‌موویان له‌ ئیسلامییه‌ توندڕه‌وه‌کان بن، یاخود شه‌ریعه‌تی ئیسلامی له‌ ڕۆسه‌نگۆرد با‌ڵا ده‌ست بێت. ئێمه‌ ئه‌م تێگه‌یشتنه‌ هه‌ڵه‌یه‌ سه‌باره‌ت به‌ رۆسه‌نگۆرد قبووڵ ناکه‌ین. به‌ڕێوه‌به‌ری نوێنه‌رایه‌تی گه‌ڕه‌کی ڕۆسه‌نگۆرد (Andreas Konstantinides)، هه‌روه‌ها ده‌ڵێت ڕه‌نگه‌ چه‌ند که‌سێکی توندڕه‌و و ڕادیکاڵی ئیسلامی هه‌بن به‌ڵام ژماریان ناگا‌ته‌ گروپ و قه‌باره‌یان له‌ خۆیان گه‌وره‌تر کراوه‌.

له‌لایه‌کی تره‌وه‌ و هه‌رسه‌باره‌ت به‌م باسه‌  به‌ڕێوه‌به‌ری یه‌کێک له‌ ڕێکخراوه‌کانی ژنان له‌ ڕوسه‌نگۆرد، (ژیلا مورادی) جه‌خت له‌سه‌ر هه‌بوونی ئه‌و هێزه‌ ڕادیکاڵه‌ ئیسلامییان له‌ ڕۆسه‌نگۆرد ده‌کاته‌وه‌و ده‌ڵێت، ماوه‌یه‌کی زۆر و به‌چه‌ندین شێوه‌ گروپێکی ئیسلامی هه‌ڕه‌شه‌یان له‌ ڕێکخراوه‌کانی ژنان ده‌کردو ڕێیان له‌کاره‌کانمان ده‌گرت، پێش چه‌ند ساڵێک، بۆ به‌رگرتن له‌ کاره‌کانمان ته‌نانه‌ت لۆکاڵی رێکخروه‌که‌مانیان سووتاند.

به‌ڕێوه‌به‌ری نوێنه‌رایه‌تی گه‌ڕه‌کی ڕۆسه‌نگۆرد ئه‌ندریاس کۆسته‌نتیندێس، کێشه‌کانی ڕۆسه‌نگۆرد به‌شێوه‌یه‌کی جیاواز له‌ تێگه‌یشتنه‌که‌ی ژیلا مورادی و پارتی فرێمسکریتی نه‌رویجی ده‌بینێت، ئه‌و ده‌ڵێت کێشه‌کانی ڕۆسه‌نگۆرد په‌یوه‌ندیان به‌ ئیسلام و ئایینه‌وه‌ نییه‌ به‌ڵکو کێشه‌کان له‌ بێکاری و بێماڵی و په‌ڕاوێزییه‌وه‌ سه‌رچاوه‌یان گرتووه‌.

جێی باسه‌ که‌ پارتی فرێمسکریت له‌ نه‌رویج له‌لایه‌ن پارت و لایه‌نه‌ نه‌یاره‌کانیانه‌وه‌ وه‌ک پارتێکی دژه‌ بێگانه‌ وه‌سف ده‌کرێن به‌تایبه‌ت دژ به‌ موسوڵمانان. ئه‌مه‌ له‌کاتێکدا پارتی فرێمسکریت سیاسه‌تی پارته‌که‌ی وه‌ک مامناوه‌ندێکی تا ئه‌وپه‌ڕ لیبراڵ ده‌ناسێنێت، که‌ گوایا کار بۆبه‌رفراوانبوونی ده‌سه‌ڵاتی تاک به‌رامبه‌ر به‌ حکوومه‌ت ده‌کات.

شایه‌نی باسه‌ هه‌رچه‌نده‌ ئه‌م پارته‌ به‌ ئاشکراو به‌تووندی دژ به‌ سیاسه‌تی پێشوازییه‌ له‌په‌نابه‌رن له‌هه‌مانکاتدا بانگه‌شه‌ی سیاسه‌تی ئازادی په‌ناخوازی ده‌کات و ده‌ڵێن ڕێگر له‌به‌رده‌م سیاسه‌تی ئازادی په‌ناخوازیدا پارتی سۆسیالدیموکراته‌کانن نه‌ک ئێمه‌.

جێی سه‌رنجه‌ که‌ ئه‌م پارته‌ ده‌مێکه‌ که‌وتۆته‌ به‌ر گفتوگۆو سه‌رنج ، ئێستاش به‌پێی ئاماره‌ نوێکان له‌ نه‌رویج ئه‌و پارته‌ نزیکه‌ی له‌سه‌دا 30 ده‌نگی هاووڵاتیانیان له‌گه‌ڵدایه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".