Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

کێشه‌ی نێوان وه‌زیری دارایی و ڕێکخراوی خاوه‌نکاران درێژه‌ ده‌کێشێت

بڵاو کرایه‌وه‌ måndag 16 mars 2009 kl 15.50
سیگنیلد هانسێن

ڕێکخراوی خاوه‌نکارنای سوێد ئه‌مڕۆ دژه‌هه‌ڵمه‌تی بۆ وه‌زیری دارایی ئاندێرش بۆری دوای ئه‌و قسانه‌ی برد، که‌ له‌ وتووێژێکی ڕادیۆیی و شه‌ممه‌ی ڕابردوودا به‌ ڕێکخراوه‌که‌ کردی. سه‌رۆکی ڕێکخراوی خاوه‌نکاران سینگیلد ئارنێگۆرد هانسن، لای وایه‌ وه‌زیری دارایی نازانێت باسی چی ده‌کات و ده‌ڵێت حوکوومه‌ت یه‌کلاکردنه‌وه‌ی ڕێککه‌وتنی نێوان ڕێکخراوی خاوه‌نکاران و سه‌ندیکای کارگه‌رانی بۆ لایه‌نه‌ پێوه‌ندیداره‌کان جی هێشتووه‌.

بڕیار بوو هه‌فته‌ی ڕابردوو ڕێکخراوی خاوه‌نکارانی سوێد له‌گه‌ڵ سه‌ندیکادا درێژه‌ به‌ لێدوانه‌کانی له‌مه‌ڕ رێککه‌وتنێکی نوێی سه‌ره‌کی بدات، به‌ڵام به‌و ئاوایه‌ ته‌واو نه‌بوو، چون ده‌یویست ڕێی خاوه‌نکاران بدرێت بڕیاری ئه‌وه‌ بده‌ن که‌ کامانه‌ کارگه‌ر دوای ئاگادارکردنه‌وه‌یان له‌ کار لا بدرێن. هه‌ر به‌م هۆیه‌وه‌ بوو که‌ وه‌زیری دارایی ئاندێرش بۆری شه‌ممه‌ی ڕابردوو ده‌نگی لێ هه‌ڵهێنان.

بۆری ڕێکخراوی خاوه‌نکارانی به‌ لایه‌نێک دانا که‌ له‌ به‌رژه‌وه‌ندیی که‌سانی ده‌وڵه‌مه‌ندا بێت و به‌ پیی به‌رژه‌وه‌ندی که‌سانی وا کار ئه‌نجام ده‌دات.

به‌ڵام سیگنیلد ئارنێگۆرد هانسێن لای وایه‌ که‌ وه‌زیری دارایی به‌ هه‌ڵه‌دا چووه‌ و، ده‌ڵێت ته‌نژه‌ ئابوورییه‌که‌ لێی به‌ پێویست گرتووین ڕێساکان بگۆڕین و، ئێستایش له‌و سه‌خته‌نگانه‌ ده‌کۆڵینه‌وه‌ که‌ پێشی کارگه‌کان ده‌گرن. سه‌خته‌نگی سه‌ره‌کیشێ به‌لاوه‌ ئه‌وه‌یه‌ که‌ لێوه‌شاوه‌یی کارگه‌ره‌ ئاگادارکراوه‌کان بپارێزرێت. ئه‌گه‌ر له‌ کارلابردنه‌کان به‌پێی ڕێزبه‌ندی جاران ڕه‌چاو بکرێت، کارگه‌ری گه‌نج له‌ کار لا ده‌برێن و که‌سانی کۆنه‌کار ده‌مێننه‌وه‌ که‌ بۆ داهاتووی کارگه‌کان به‌لای هانسێنه‌وه‌ کارێکی باش نییه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".