Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

ئاگری قوڵه‌چوارشه‌ممه‌‌ی ستۆکهۆڵم، له‌ ریسنێ‌ ده‌کرێته‌وه‌

بڵاو کرایه‌وه‌ tisdag 17 mars 2009 kl 14.32

چه‌ند ده‌قیقه‌یه‌ک پاش نیوه‌شه‌وی ڕابردوو، واتا دووشه‌ممه‌ له‌ سه‌ر سێشه‌ممه‌، ته‌قینه‌وه‌یه‌کی گه‌وره‌ له‌ سه‌ر شانوی کونگسترێدگۆردن، هه‌ڵکه‌وتوو له‌ ناوه‌ندی شاری ستۆکهۆڵم، ئاگرێکی گه‌وره‌ی هاو کات له‌ دوو شوێن لێکه‌وته‌وه‌.

خاتوو بریت لوندن، له‌ پۆلیسی ستۆکهۆڵم گوتی کابرایه‌ک که‌ گومانی ئه‌و ته‌قینه‌وه‌یه‌ی لێده‌کرێ له‌و شوێنه‌ دۆزراوه‌ که‌ ڕایکردووه‌ و سه‌گه‌کانی پۆلیس به‌دوایه‌وه‌ن. ئه‌و که‌سه‌، کوڕێکی به‌خۆوه‌ی ته‌مه‌ن ٢٥ ساڵه‌ بووه‌، به‌ باڵای ١٧٥ سانتیمه‌تر. سه‌کڵاوه‌یه‌کی ڕوونڕه‌نگی له‌ سه‌ر بووه‌، چاکه‌تێکی ڕه‌نگروون و پاتۆڵی ڕه‌ش.

ته‌واوی شه‌قامه‌کانی ده‌وروبه‌ری شوێنی ته‌قینه‌وه‌که‌، پاش ئه‌و ئاگره‌ زۆره‌، چه‌قه‌ دووكه‌ڵ دایگرتوون و له‌ لایه‌ن پۆلیسه‌وه‌ داخراون. نزیکه‌ی بیست که‌س له‌ هێزه‌کانی ئاگرکوژێنه‌وه‌ش که‌ له‌ سێ ئیزگه‌ی جۆراوجۆری فریاکه‌وتنه‌وه‌ به‌ڕێکرابوونه‌ ئه‌و شوێنه‌، له‌ سه‌عات سێ و نیودا ئاگره‌که‌یان کوژانده‌وه‌ و قسه‌بێژی ناوه‌ندی فریا که‌وتن، ئه‌م ئاگره‌ی، به‌ زۆر گه‌وره‌ و گران، ناودێر کرد. پۆلیسێش، ئه‌و ڕووداوه‌ی وه‌ک ”ئاگرکه‌وتنه‌وه‌یه‌کی به‌ دانسته‌”، له‌ قه‌ڵه‌م داوه‌.

تۆرد تانن به‌ری، سه‌رۆکی پارکی کونگسترێد گۆردن و شیرکه‌تی (Evenemang AB) که‌ بۆ نموونه‌ ته‌خته‌ شانۆی ئه‌م پارکه‌ بۆ به‌ڕێوه‌بردنی چالاکیی جۆربه‌جۆر به‌ کرێ ده‌دا، له‌وه‌ی که‌ ئاگره‌که‌ زیانی گه‌وره‌ی به‌ تایبه‌ت گیانی، به‌دواوه‌ نه‌بووه‌ زۆر خۆشحاڵه‌. هه‌روه‌ها ئه‌وه‌ی که‌ ته‌خته‌ی شانۆکه‌ش زیانێکی زۆری وێنه‌که‌وتووه‌.

تۆرد تانن به‌ری، سه‌رۆکی پارکی کونگسترێد گۆردن ده‌ڵێ ناکرێ بێژی که‌ که‌ی ئه‌و ته‌خته‌ شانۆیه‌ به‌ناوبانگه‌ی پارکی کۆنگس تڕیدگۆردن، ئاماده‌‌ی چالاکییه‌کان ده‌کرێته‌وه‌ به‌ڵام هیچ نه‌بێ چه‌ند هه‌فته‌یه‌ک ده‌خایێنێ.

تاننبه‌ری ده‌ڵێ له‌و کاته‌ی ساڵدا چالاکییه‌کی زۆر، له‌و شوێنه‌ به‌ڕێوه‌ ناچێ و ئه‌مه‌ش به‌ختی باشی ئێمه‌یه‌.

شانۆی کۆنسێرته‌که‌ بڕیار بوو ئه‌م ئێواره‌یه‌ بۆ به‌ڕێوه‌چووونی ڕێوڕه‌سمی قوڵه‌ چوارشه‌ممه‌، یا چوارشه‌ممه‌ سووریی ئێرانییه‌کان به‌کاری بهێنرێت. به‌ڵام پاش ئه‌و ڕووداوه‌، دیاره‌ ئیمکانی به‌ڕێوه‌ چوونی نییه‌. ئه‌حه‌د ئیرانی، یه‌کێ له‌ به‌رپرسانی ئه‌م ڕێوڕه‌سمه‌:

ئه‌حه‌د ئیرانی، په‌ژاره‌ی خۆی له‌ وه‌ها ڕووداوێک ده‌رده‌بڕێ و ده‌ڵێ نازانم بۆ وه‌ها کارێک ڕێک له‌و وه‌خته‌دا کراوه‌‌، ئه‌ویش به‌ سه‌رنجدان به‌وه‌ی که‌ پێشتر هیچ هه‌ڕه‌شه‌یه‌ک له‌ سه‌ر ئێمه‌ بۆ به‌ڕێوه‌چوونی ئه‌م چالاکییه‌ نه‌بووه‌.

به‌ڕێوه‌به‌رانی کۆڕه‌که‌ ڕایانگه‌یاندووه‌ که‌ ڕێوره‌سمه‌که‌ با وه‌ک ساڵانی ڕابردوو، هه‌ر له‌ ریسنێ بگیرێت.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".