Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

سه‌ندیکا له‌ وه‌ڵامی تایبه‌ت به‌ پرسی بێکارییه‌وه‌ ڕه‌نجاوه‌

بڵاو کرایه‌وه‌ tisdag 17 mars 2009 kl 16.55
سه‌رۆکی یه‌کێتیی سه‌ندیکاکانی سوێد

یه‌کێتیی سه‌ندیکاکان و ڕێکخراوی خاوه‌کارانی سوێد دوای کۆبوونه‌وه‌ی دوێنێیان له‌گه‌ڵ سه‌رۆکوه‌زیران ـ فرێدریک راینفێلد ـ ئومێدیان بڕا کاتێک بۆیان یه‌کلا بووه‌وه‌ که‌ حوکوومه‌ت به‌و نیازه‌وه‌ نییه‌ قه‌ره‌بووی بێکاری زیاد بکات. سه‌رۆکی ڕێکخراوی خاوه‌نکارانی سوێد ستورێ نوردیش ده‌ڵێت سه‌رۆکوه‌زیران وه‌ڵامی باشی له‌مه‌ڕ چاککردنی قه‌ره‌بووی بێکاری پێ نه‌بوو که‌ هه‌م له‌ سوێد و وڵاته‌ ئه‌رووپاییه‌کانه‌وه‌ له‌ ئاستێکی نزمدایه‌.

سه‌رۆکی یه‌کێتیی سه‌ندیکاکانی سوێدی ـ ڤانیه‌ لوندبی ڤێدین ڕه‌خنه‌ی له‌ ڕووی فرێدیرک راینفێلد هه‌یه‌ و ده‌ڵێت پێ ده‌چێت سه‌رۆکوه‌زیران بیمه‌ی ئێستای بێکاری به‌لاوه‌ باش بێت و لای وا بێت که‌ پارێزه‌ی بنه‌ڕه‌تی بۆ بێکاران دابین ده‌کات. به‌لای منه‌وه‌ ـ ڤێدین ده‌ڵێت ـ بۆچوونی ئه‌و شێوه‌یه‌کی ته‌واوی نوێی سه‌رنجدانی بیمه‌ و قه‌ره‌بووی بێکارانه‌، که‌ دژ به‌و شتانه‌ ده‌وه‌ستێت زووتر ڕامانگه‌یاندوون.

ڤێدینی یه‌كێتیی سه‌ندیکاکانی سوێد وه‌ڵامه‌که‌ی سه‌رۆکوه‌زیرانی به‌لاوه‌ کێشه‌داره‌، چون ئاماژه‌ ده‌دات حوکوومه‌ت ئاماده‌ نییه‌ له‌م ماوه‌یه‌ی حومڕانییدا هیچێک بۆ بیمه‌ی بێکاری بکات. به‌تایبه‌تی که‌ راینفێلد ڕایگه‌یاند بیمه‌ و قه‌ره‌بووی بێکاری ده‌بێته‌ پرسێک له‌ سه‌روکاتی هه‌ڵبژاردنه‌کاندا چاره‌ی ده‌که‌ن. ئاشکرایه‌ که‌ حوکوومه‌تی ئێستای سوێد ئه‌م قه‌ره‌بووه‌ی ئێستای بیکاری په‌سه‌نده‌، به‌ڵام کێشه‌ی بێکاری ـ به‌لای ڤێدینه‌وه‌ ـ تا دێت قووڵتر ده‌بێت، ئه‌گه‌ر هێچێکی بۆ نه‌کرێت.

به‌ڵام سه‌رۆکوه‌زیران ـ فرێدریک راینفێلد ـ به‌ پێویستی ده‌گرێت که‌ حوکوومه‌ت به‌ته‌نگ پاره‌ی ده‌وڵه‌ته‌وه‌ بێت.

راینفێلد ده‌ڵێت ئه‌و مه‌ترسییه‌ی که‌ ڕووی لێم ناوه‌ و پێ ده‌چێت که‌سانی تری لێ ئاگا نه‌بن، ئه‌وه‌یه‌ که‌ من نابێت سامانی فه‌رمیی سوێد له‌ هه‌ش بنێم. ئه‌گینا باج زیاد ده‌کات و خۆشگوزه‌رانییه‌که‌ی سوێد که‌م. من له‌ ئێستاوه ده‌زانم که‌ ئابووریی وڵاتانی ئه‌ورووپا به‌م زووانه‌ بۆیان ده‌رده‌که‌وێت که‌ ئه‌و ڕێبازه‌ سیاسییه‌ی له‌ بواری ئابووریدا ڕه‌چاومان کردووه‌، گه‌یشتووه‌ته‌ کۆتایی ڕێ و، ده‌بێت ستراتیژیای وای به‌دواوه‌ بیت که‌ سامانی گشتی بگێڕێته‌وه‌ سه‌ر ئه‌و شێوازه‌ی هاوسه‌نگی که‌ له‌ سوێد به‌رپایه‌.

ڕێکخراوی خاوه‌نکارانی سوێد و یه‌کێتیی سه‌ندیکاکانی، له‌م بارودۆخه‌ قه‌یراناوییه‌دا ده‌یانه‌وێت سندوق و قه‌ره‌بووی بێکاری به‌هێز بکرێت. به‌ڵام سه‌رۆکوه‌زیرانی سوێد راینفێلد به‌و نیازه‌وه‌یه‌ کرۆکی خۆشگوزه‌رانییه‌که‌ بپارێزێت

راینفێلد ده‌یه‌وێت سه‌رچاوه‌ی ئابووری فێرگه‌ و خوێندکاران دابین بکات، په‌رستیار مووچه‌یان لێ نه‌بڕێت و چاودێریی پیرانیش له‌ ئاستێکی تایبه‌تدا بێت. هه‌ر داوایه‌کیش ـ راینفێلد ده‌ڵێت ـ بکه‌وێته‌ ده‌ره‌وه‌ی ئه‌مه‌وه‌، به‌لای داشکانی کرۆکی خۆشگوزه‌رانییه‌که‌ی سوێده‌وه‌مان ده‌بات.

په‌یامنێری کاروباری ناخۆی سوێد ماری فۆرشبلاد  که‌ ئاگاداری ته‌واوی کۆبوونه‌وه‌کانه‌ ده‌ڵێت هه‌ردوو ڕێکخراوه‌که‌ چاو له‌وه‌ بوون فرێدریک راینفێلد ده‌سته‌واره‌ی چاره‌سازی قه‌یران یان بڕی پاره‌ بۆ شاره‌وانی دیاری بکات و قه‌ره‌بووی بێکران زیاد بکات. به‌ڵام سیگنال و هێمای ئه‌وه‌ی که‌ سه‌رده‌می ده‌سته‌واره‌ی چاره‌سازی قه‌یران به‌سه‌ر چووه‌ و کاتی ئه‌وه‌یه‌ که‌ ده‌ست به‌ بوججه‌وه‌ بگیرێت شتێک نه‌بوو لایه‌نه‌کان به‌ ته‌مای بیستنیه‌و بن، هه‌ر دیدی حوکوومه‌ته‌ له‌مه‌ڕ قه‌ره‌بووی بیکاری که‌ هه‌ردوو ڕێکخاوه‌که‌ی ناڕه‌حه‌ت کردووه‌.  

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".