Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

راینفێلدی خۆپارێز ڕووبه‌ڕووی سالین کرا

بڵاو کرایه‌وه‌ onsdag 18 mars 2009 kl 16.55
راینفێلد و سالین له‌ لێوه‌دوانی ته‌له‌ڤزیۆندا

که‌ سه‌رۆکوه‌زیرانی سوێد فرێدریک راینفێلد و سه‌رۆکی به‌ره‌ی نه‌یاری حوکوومه‌ت مۆنا سالین دوێنێ شه‌و له‌ به‌رنامه‌ی ڕێکوڕاستی کۆ گێ بێریستریۆم ”راکت پۆ مێد کۆ گێ بێریستریۆم” ـی ته‌له‌فزیۆنی سوێددا ڕووبه‌ڕووی یه‌کتر بوونه‌وه، راینفێلد گوژمی ئه‌و کۆمه‌که‌ ئابووریانه‌ی که‌مه‌وه‌ کرد، که ده‌بوو له‌ بودجه‌ی به‌هاردا بۆ شاره‌وانییه‌کان دابین بکرێت.‌ راینفێلد گوتی بواری ئه‌و کۆمه‌که‌مان له‌ سامانه‌ گشتیه‌که‌ی سویدا که‌مه.

ئه‌گه‌رچی وه‌زیری دارایی و وه‌زیری دیکه‌ی حوکوومه‌ته‌که‌ی راینفێلد ئاماژه‌یان داوه‌، که‌ له‌ بودجه‌ی به‌هاردا پاره‌ بۆ بواری وا دابین ده‌کرێت، به‌ڵام راینفێلد گه‌لێک به‌پارێزه‌وه‌ بوو

راینفێلد گوتی ده‌بێت وریای ئه‌وه‌ بین که‌ ئه‌م ته‌نگژه‌یه‌ چه‌ند ڕۆ ده‌چیت و به‌ دنیایشدا چه‌ند په‌لی ‌هاوێشتووه‌. ‌‌

ئه‌م پارێزکردن و وریاییه‌ی سه‌رۆکوه‌زیران له‌ ڕووبه‌ڕووبوونه‌وه‌که‌ی دوێنێدا درێژه‌ کێشا. به‌ڵام سه‌رۆکی پارتیی سۆسیالدیموکراته‌کان به‌ پێچه‌وانه‌ی سه‌رۆکوه‌زیرانه‌وه‌ ده‌یه‌وێت پاره‌ی زیاتری ده‌وڵه‌ت بۆ بواری ئۆتۆمبیلسازی ته‌رخان بکات و بانکه‌کانیش ناچار بکات وام و قه‌رز به‌ کارگه‌کان دابین بکاته‌وه‌ و به‌ ته‌نگ که‌ش و ژینگی سوێد‌ بچێت له‌ بریتی ئه‌و مایه‌گوزارییانه‌ی که‌ له‌م بواره‌دا سوێد له‌ ده‌ره‌وه‌ی وڵات ده‌یکات.

مۆنا سالین دژی زیادکردنی ئه‌و باجه‌یش بوو که‌ خراوه‌ته‌ ئه‌و دیزل و گازوایله‌ی به‌ جووتیاره‌کان ده‌درێت.

سالین له‌و باوه‌ڕه‌دایه‌ که‌ حوکوومه‌تی له‌ جووتیارانی سوێدی سه‌خت گرتووه‌.

له‌م ڕه‌خنه‌یه‌ی سالینه‌وه‌ ڕاینفێلد وا تێگه‌یی که‌ هه‌رکه‌ حوکوومه‌ت پێشنیازێک ده‌خاته‌ ڕوو که‌ که‌ڵکی لێ ده‌که‌وێته‌وه‌ سۆسیالدیموکراته‌کان دژ ده‌وێستن و پاشانیش ناوی به‌ سیاسه‌تی کۆمه‌کی ده‌وڵه‌تی ده‌که‌وێته‌وه‌ و چاپی دراویش ده‌گه‌ڕێت بۆ ئه‌وه‌ی پاره‌ی کاره‌کان دابین بکرێت، راینفێلد ئه‌م کاره‌ی په‌سه‌ند نییه‌.

به‌ڵام مۆنا سالینیش ئه‌م پێناسکردنه‌ی بۆ سیاسه‌تی حزبه‌که‌ی په‌سه‌ند نییه‌

سالین گوتی با وا نه‌که‌وێته‌ که‌ لایه‌کمان پاره‌یه‌کی زۆری هه‌یه‌ و لایه‌کی ترمان هه‌ر ئه‌وه‌ی ده‌وێت که‌ به‌ خه‌رجی بدات. به‌ڵکوو مه‌به‌ستی ئێمه‌ ئه‌وه‌یه‌ ـ سالین گوتی ـ که‌ چۆن ئه‌و پاره‌یه‌ به‌ کار ببه‌ین. بێکار و داشکاندنی باجیش به‌لایش سالینه‌وه‌ به‌ فیڕۆدانی پاره‌ی خه‌ڵکی باجده‌ری سوێده‌.

سه‌ره‌ڕای ئه‌م هه‌مووه‌ باوه‌ڕی خه‌ڵک به‌ فرێدریک راینفێلد له‌م دواساڵه‌دا زۆر زیادی کردووه‌، له‌ کاتێکدا مۆنا سالینی سۆسیالدیموکراته‌کان له‌ به‌رچاو که‌وتووه‌. ئه‌مه‌یش باسێکه‌ ڕۆژنامه‌ی داگێنس نیهێته‌ر که‌ ئه‌مڕۆ به‌پێی ڕاپێوانێک بڵاوی کردووه‌ته‌وه‌. له‌ سه‌ره‌تای ئه‌م مانگه‌وه‌ ڕێژه‌ی خه‌ڵکانی سوێد که‌ باوه‌ڕیان به‌ راینفێلد هه‌یه‌ له‌ 40 ـی له‌ سه‌دوه‌ بۆ 52 له‌ سه‌د زیادی کردووه‌، له‌ هه‌مان ماوه‌یشدا ڕێژه‌ی لایه‌نگرانی سالین له‌ 38 ـی له‌ سه‌ده‌وه‌ بۆ 30 له‌ سه‌د که‌می کردووه‌. باو وایه‌ که‌ لایه‌نی فه‌رمانڕان، به‌ تایبه‌ت به‌رپرسی هه‌ره‌باڵا له‌ بارودۆخی قه‌یراناویدا لایه‌نگری زۆر ده‌بێت، ئه‌ی بۆ مۆنا سالین به‌و ئه‌ندازه‌ زۆره‌ لاگیری که‌م بووه‌، سه‌رنووسه‌ری گۆڤاری دالا دیمۆکراتین ـ یۆران گرێیده‌ر ـ ڕوونی ده‌کاته‌وه‌.

ـ گرێیده‌ر ده‌ڵێت سالین له‌ ڕاست و چه‌پی پارتییه‌که‌ی خۆیه‌‌وه‌ ڕه‌خنه‌ی تێگیراوه‌، به‌ره‌ی ڕاستی نێو پارتییه‌که‌ی به‌و هۆیه‌وه‌ لێی ناڕازین چون هاوکاریی له‌گه‌ڵ پارتیی چه‌پ و پارتیی ژینگه‌دا ده‌ست پی کردووه‌، به‌ره‌ی چه‌پی پارتییه‌که‌یشیدا که‌ ڕه‌نگه‌ خۆیشی یه‌کێکیان بێت، لایان وایه‌ که‌ سیاسه‌تێک دابڕێژێت که‌ به‌پێی ئه‌و سیاسه‌ته‌ خه‌رجی ده‌وڵه‌ت دابین بکرێت و باسی ده‌وڵه‌تی گۆشگوزه‌رانی نه‌کردووه‌. گرێیده‌ر لای وایه‌ کێشه‌که‌ی سالین لێره‌دا ئارایه‌، که‌ کاری لێی کردوه‌ و وه‌ک که‌سێکی ڕاڕای نادڵنیا ده‌رخستووه‌

ڕاپێوانه‌که‌ دیاری خستووه‌ که‌ متمانه‌ی ئه‌ندامانی پارتییه‌که‌یش به‌ سه‌رۆکه‌که‌یان که‌می کردووه‌. به‌ڵام هایدی ئه‌ڤێللان که‌ سه‌روتارنووسی ڕۆژنامه‌ی سیودسڤێنسکه‌یه‌ لای وایه‌ ئه‌م بایه‌ی به‌ ئاره‌زووی راینفێلد هه‌ڵده‌کات، زۆر ناکێشێت و ده‌نیشێته‌وه‌.  

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".