Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

ڕێژه‌ی به‌رزی خۆکوژیی گه‌نجانی سوید

بڵاو کرایه‌وه‌ onsdag 25 mars 2009 kl 15.30

هه‌وڵی خۆکوژی له‌ ناو گه‌نجانی سویدی و به‌ تایبه‌ت له‌ ناو کچاندا له‌ زیادبوون دایه‌.  باری ناهه‌مواری ده‌روونیی گه‌نجه‌یلی سویدی، به‌شێکی ئه‌و ڕاپۆرته‌یه‌ که‌ ئه‌نجومه‌نی کاروباری کۆمه‌ڵایه‌تی له‌ سه‌ر ڕه‌وشیی ته‌ندروستی له‌ ناو کۆمه‌ڵگای ئه‌مڕۆی سوید، ئاماده‌ی کردووه‌.

لارش ـ ئێریک هۆڵم به‌ڕێوه‌به‌ری ئه‌نجومه‌نی کاروباری کۆمه‌ڵایه‌تی ده‌ڵێ وه‌زعی ته‌ندروستیی لاوانی سوید هه‌ر دێ و خراپتر ده‌بێت و ئه‌مه‌ش چه‌ند هۆیه‌کی هه‌یه‌، بۆ نموونه‌ مه‌رجی زۆری کۆمه‌ڵگا و چاوه‌ڕوانیی زۆری بنه‌ماڵه‌که‌یان.

هاوکات له‌گه‌ڵ ئه‌وه‌ی مه‌ترسییه‌کانی کۆمه‌ڵگا، هه‌ر دێ و که‌م ده‌بنه‌وه‌ و باری ته‌ندروستیی گشتی، باشتر ده‌بێت به‌ڵام له‌ لایه‌کی دیکه‌وه‌، ئه‌و گرفته‌ سه‌ر هه‌ڵده‌دات که‌ وه‌ک هه‌ڵه‌یه‌کی کۆمه‌ڵگا‌ ده‌بێ چاره‌سه‌ر بکرێت. دیاره‌ ئه‌نجومه‌نی کاروباری کۆمه‌ڵایه‌تی (Socialstyrelsen) و ئه‌نستیتووتی له‌شساغیی گه‌ل (Folkhälsoinstitutet)، خه‌باتی خۆیان له‌م پێناوه‌دا ده‌که‌ن.

ئاننا لا‌رشۆن هه‌واڵنێری به‌شی ناوه‌ندیی ده‌نگوباسی ڕادیۆ سوید، ئێکۆت، له‌ سه‌ر ده‌رمان ده‌ڵێ: ڕاپۆرته‌که‌ نیشان ده‌دات که‌ بارودۆخی خراپی ته‌ندروستیی ژنان و کچان، له‌ پێشووش خراپتر بووه‌. هه‌ر ئه‌وه‌ش نیشان ده‌دا که‌ ڕێژه‌ی ئه‌و کچه‌ گه‌نجانه‌ی خۆ ده‌کوژن، به‌ ڕاده‌یه‌کی یه‌کجار زۆر، زیادی کردووه‌. گه‌‌لێ گه‌نجیش له‌ به‌ر خه‌مۆکی له‌ نه‌خۆشخانه‌‌کاندا که‌وتوون. ئه‌مه‌ش سیگناڵێکی وریاییدانه‌ به‌ گشت کۆمه‌ڵگا.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".