Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

خه‌ڵاتی ئاسترید به‌ هانده‌ری خوێندنه‌وه‌ درا

بڵاو کرایه‌وه‌ onsdag 25 mars 2009 kl 16.58
منداڵانی ئینستیتوتی تامر

بڕیار درا خه‌ڵاتی ئه‌ده‌بی ئه‌مساڵ که‌ 5 میلیۆن کرۆنی سوێدییه‌ و به‌ یادی ئاسترید لیندگرێنه‌وه‌ پێشکه‌ش ده‌کرێت به‌ ڕێکخراوی تایبه‌ت به‌ دنه‌دانی خوێندنه‌وه‌ ئینستیتوتی تامری فه‌له‌ستینی. ئه‌مه‌یان دوێنی له‌ ڤیممێربی ئاشکرا کرا که‌ ئاسترید لینگرێنی لێ له‌ دایک بووه‌. ئینستیتوتی تامر بۆ نموونه‌ هانی منداڵان و لاوانی فه‌له‌ستێن ده‌دات بایه‌خ به‌ خوێندنه‌وه‌ بده‌ن.

ئاشکراکردنی ناوی ئه‌و ئینستوته‌ فه‌له‌ستینه‌ی خه‌ڵاته‌که‌ی پێ ده‌بخشرێت به‌ چه‌پڵه‌ پێشووازی کرا، ئه‌گه‌رچی به‌لای گه‌لێکی ئه‌وانه‌وه‌ی دوێنی کاتی نیوه‌ڕۆژه‌ ئاماده‌بوون داوه‌رانی خه‌ڵاتی ئاسترید ناوی لایه‌نه‌که‌ ئاشکرا بکه‌ن، هه‌ڵبژاردنێکی چاوه‌ڕێنه‌کراو بوو، که‌ له‌ بریتی نووسه‌ر، ڕێکخراوێک بۆ ئه‌م خه‌ڵاته‌ گه‌وره‌یه‌ی دنیا هه‌ڵبژێردرا که‌ که‌مۆکه‌یه‌کی له‌ خه‌ڵاتی نوبێل که‌متره‌. ئینستیتوتی تامر له‌ هه‌شتاکانی سه‌ده‌ی ڕابردووه‌وه‌ له‌پێناو بره‌ودان به‌ خوێنده‌وه‌ و بایه‌خدانی منداڵ و لاوانی ناوچه‌ فه‌له‌ستینییه‌کان به‌ خوێندنه‌وه‌ کار ده‌کات. سه‌رۆکی ده‌سته‌ی داوه‌ری خه‌ڵاته‌ لارری لێمپێرت ده‌ڵێت ئه‌م ئینستوته‌ پشتی نووسه‌ریش ده‌گرێت کتێبی خۆیان چاپ بکه‌ن و ئینستیتوته‌که‌ خۆیشێ تاکوو ئێشتا 130 کتێبی بڵاو کردووه‌ته‌وه‌. هه‌روه‌ها هه‌وڵ ده‌دات منداڵ و لاو پێش بخات و به‌ره‌و به‌ ئاستی تێگه‌یشتنی دیموکراسییان بدات. لێمپێرت ده‌یشڵێت که‌ ئینستیتوتی تامر له‌ درێژه‌ی 20 ساڵی ته‌واودا کتێبی بۆ منداڵ دابین کردووه‌ و کاری هاوبه‌شی له‌گه‌ڵ دایک و باوکان و کتێبخانه‌کاران و فێرکاراندا کردووه‌ و له‌ بارودۆخی یه‌کجار ناهه‌مواردا به‌ ئه‌مجامی بێمانه‌ند گه‌ییوه‌.  که‌واته‌ خه‌ڵاته‌که‌ به‌ ناوچه‌یه‌کی هه‌ره‌ شلۆقی دنیا ده‌درێت که‌ چه‌ند مانگێکی که‌مه‌ له‌ شه‌ڕه‌ خۆوێناوییه‌که‌ی غه‌ززه‌ ده‌ربازی بووه‌، پرسیار لێره‌دایه‌، ئاخۆ ئه‌م بارودۆخه‌ی ئه‌و ناوچه‌یه‌ چه‌ند کاری له‌ هه‌ڵبژاردنه‌که‌ی  ده‌سته‌ی داوه‌ر کردووه‌. لێمپیرت ده‌ڵێت ئه‌مه‌ خه‌ڵاته‌، ئه‌ده‌بییه‌ که‌ بارودۆخی سیاسی کاری لێ ناکات. به‌ڵام بارودۆخه‌ سیاسییه‌که‌ کاریگه‌ریی خۆی به‌سه‌ر کاری ئینستیتوکه‌و جێ ده‌هێڵیت. کاری ئێمه‌ ئه‌وه‌ بوو که‌ خه‌ڵاتگرێکی شیاو بدۆزینه‌وه‌، که‌ له‌سه‌ر ڕه‌وتی مرۆڤدۆستانه‌ی ئاسترید لیندگرێن کار له‌ پێناوی مافی منداڵ بۆ ده‌ستکه‌وتنی کتێبدا ده‌کات و ڕیز له‌ منداڵ ده‌گرێت. خه‌ڵاتی ئاسترید لیندگرێن له‌ ساڵی 2003 ـوه‌ ده‌به‌شرێته‌وه‌، که‌ بڕێ 5 میلیۆن کرۆنی سوێدییه‌، که‌ ئه‌مساڵ 153 که‌س و لایه‌نی 60 وڵات و شه‌ش کیشوه‌ری دنیای بۆ ناوزه‌د کرابوون. خه‌ڵاته‌که‌ شازاده‌ ڤیکتوریا له‌ به‌زم و ئاهه‌نگێکدا ده‌یبه‌خشێت له‌ دووی یونی و کۆنسێرت هوسی ستۆکهۆڵمدا ساز ده‌کرێت.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".