Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

ڕێی داهاتووی تورکیا هێشتا دیار نییه‌

بڵاو کرایه‌وه‌ måndag 30 mars 2009 kl 11.09
هه‌ڵبژاردنه‌کانی تورکیا

دادگه‌ی ده‌ستووریی تورکیا بڕیاری دا‌ پارتیی ده‌سته‌ڵاتدار ئاکه‌پ قه‌ده‌خه‌ نه‌کات. ئه‌م بڕیاره‌ به‌لای گه‌لێک که‌سه‌وه‌ کارێکی چاوه‌ڕێنه‌کراو بووه‌ پرسیار ده‌ورووژێنێت: ئه‌گه‌ر شه‌ڕی نێوان ده‌سته‌ی کۆنی ده‌سته‌ڵاتدار و ڕێبه‌رانی نوێی تورکیا کۆتایی هاتووه‌، ده‌وڵه‌تی تورکیا کام ڕێی له‌مه‌ولا ده‌گرێته‌ به‌ر.

ئه‌م بابه‌ته‌ یه‌که‌م جار له‌ 31 ـی جوڵایی 2008 ـدا بڵاو کراوه‌ته‌وه‌

ئه‌م پرۆسه‌ دادگه‌رییه‌ گه‌لێک کێوه‌کۆڵ به‌ دوایین شه‌ڕی نێوان به‌ره‌ی کۆن و به‌ره‌ی نوێی ناویان نابوو؛ ئه‌و لێوه‌کۆڵانه‌ی که‌ له‌و باوه‌ڕه‌دابوون پارتیی ئاکه‌پ هه‌ر له‌ سه‌ره‌تاوه‌ شه‌ڕيی دۆڕاندووه‌. هه‌شت له‌ یانزه‌ دادوه‌رانی دادگه‌ی ده‌ستووریی تورکیا سه‌رۆکی پێشووی تورکیا که‌ سه‌ر به‌ پارتیی سێ هه‌ په‌ بوو، هه‌ڵیبژاردوون و بۆیه‌ دادگه‌که‌ هێشتا به‌ بنگه‌ی گرینگی ده‌سته‌ڵاتی سه‌هه‌په‌ ده‌ژمێردرێت. سه‌هه‌په‌ له‌ بارودۆخی ئێستای تورکیادا پارتیی پێشڕه‌وی به‌ره‌ی نه‌یاری حوکوومه‌ته‌ و تاکوو ئێستا کاریگه‌ریی به‌رچاوی له‌ داڕشتنی ئه‌م دوایین 80 ساڵه‌ی تورکیای مۆدێرندا هه‌بووه‌. هێشتا گه‌لێکی که‌مالیسته‌کان ـ واته‌ لایه‌نگرانی که‌مال ئه‌تاتورک ـ به‌رپرسیی گرینگیان بۆ نموونه‌ له‌ بواری دادگوزاری و سوپادا به‌ ده‌سته‌وه‌یه‌. بۆیه‌یشه‌ پرۆسه‌ دادگوزارییه‌که‌ی ئه‌م دواییه‌ی دژ به‌ ئاکه‌په‌ پرۆسه‌یه‌کی یاسایی نه‌بوو، به‌ڵکوو زێده‌تر به‌ پرۆسه‌یه‌کی سیاسی ده‌چوو که‌ به‌ یاریده‌ی دادگه‌ی ده‌ستوورییه‌وه‌ به‌ ڕێوه‌ برا و، به‌ ڕاشکاویش باس له‌ کۆده‌تا ده‌کرا. ئاکه‌په‌ ڕێبازێکی دۆستانه‌ی ڕوو له‌ یه‌کیه‌تیی ئه‌ورووپای گرتووه‌ته‌ به‌ر و ده‌یه‌وێت تورکیا به‌ره‌و ئه‌ندامێکی شیاوی یه‌كێتییه‌که‌ ببات، سه‌ره‌ڕای ئه‌و گومانه‌ی که‌ به‌لای که‌مه‌وه‌ فه‌رانسه‌ و ئه‌ڵمانیا له‌ ڕووی تورکیادا هه‌یانه‌. له‌مه‌یش به‌لاوه‌ گه‌لێک سه‌ر به‌ به‌ره‌ی ئۆپۆزسیۆن هه‌ن که‌ سڵی ئه‌وه‌یانه‌ تورکیا ڕووگه‌ی ئیسلامی بگرێته‌ به‌رچاو و، ئاکه‌په‌یش به‌رنامه‌ی شاراوه‌ی خۆی هه‌یه‌. ئه‌م ڕه‌خنه‌گرانه‌ ته‌نانه‌ت باس له‌ ده‌وڵه‌تی ئیسلامی ده‌که‌ن، که‌ ئێرانی لێ به‌ نموونه‌ گیراوه‌ و که‌ پارتیی ده‌سته‌ڵاتداری تورکیا گاڵته‌ی پێ دێته‌وه‌ و ڕایگه‌یاندووه‌ که‌ شتێکی وا ئاسته‌مه‌ له‌ تورکیا پێش بێت. یه‌کیه‌تیی ئه‌ورووپا دیاره‌ بڕیاری دادگه‌ی ده‌ستووریی تورکیا به‌لاوه‌ باشه‌ و ڕێبه‌ری ئێستای یه‌کیه‌تییه‌که‌ ـ فه‌رانسه‌ ـ ڕوونی کردووه‌ته‌وه‌ که‌ ئاماده‌یه‌ ڕاوێژ و گفتوگۆی له‌مه‌ڕ ئه‌ندامیه‌تیی تورکیا له‌ ماوه‌ی چه‌ند مانگێکی داهاتوودا دامه‌زرێنێت. له‌ هه‌مان کاتدا باری ئابووریی تورکیا هه‌موو ساڵێک په‌ره‌ ده‌ستێنێت و ئیستامبوول که‌ به‌ گرینگترین بۆسه‌ی ڕؤژهه‌ڵاتی ناوین داده‌نرێت، له‌ چوارشه‌ممه‌ی ڕابردووه‌وه‌ بره‌وی باشی بردووه‌ و چاوه‌ڕێ ده‌کرێت لایه‌نێکی زۆر سامانی خۆی لێ بخاته‌ کار چونکه‌ پێ ده‌چێت تورکیا ڕووی له‌ بارێکی هاوسه‌نگی سیاسی نابێت.  

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".