Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

کۆمپانیای خانه‌نشینانه‌ و ئێلمێهاگێن له‌ شه‌ڕی خانه‌نشینانه‌دان

بڵاو کرایه‌وه‌ tisdag 31 mars 2009 kl 10.49
سه‌رۆکی پێشووی ئا ئێم ئێف ئێلمێهاگێن

کۆمپانیای خانه‌نشینانه ئه‌و ڕێککه‌وتنه‌ی له‌مه‌ڕ خانه‌نشینانه‌ی تایبه‌ت به‌ سه‌رۆکی گشتیی پێشووی کۆمپانیاکه‌ کریسته‌ر ئێمێهاگێن ناداته‌ ده‌ر که‌ ڕه‌خنه‌ی سه‌ختی لێ گیراوه‌. ئێستا لایه‌نه‌کان له‌وه‌ ده‌کۆڵنه‌وه‌ که‌ ڕێککه‌وتنه‌که‌ چی ده‌گرێته‌وه‌ و له‌م شه‌ڕه‌ی تایبه‌ت به‌ خانه‌نشینانه‌که‌ی ئێلێمهاگدا ماف به‌ کێیه‌.‌

به‌ڵام ئاشکراکردنی ڕێککه‌وتننامه‌که‌ زیان به‌ پرۆسه‌یه‌کی دادگه‌یی ده‌گه‌ینێت که دوور نییه‌ دژ به‌ ئێلمێهاگێن ساز بدرێت. سه‌رۆکی ده‌سته‌ی به‌ڕیوه‌به‌ری کۆمپانیای ئا ئێم ئێف یۆران تونهاممه‌ر ده‌ڵێت

‌تونهاممه‌ر ده‌ڵێت ئه‌م ڕێککه‌وتنه‌ بابه‌تی لێوه‌دوانی نیوان نوێنه‌ری یاسایی هه‌ردوو لایه‌نه‌، هه‌م هین کۆمپانیاکه‌ و هه‌م پارێزه‌ری ئێلمێهاگێن و، به‌و هیوایه‌وه‌یه‌ هه‌ردوولا ڕێک بکه‌ون ئه‌گینا پرۆسه‌یه‌کی دێژه‌داری دادگه‌یی لێ ده‌که‌وێته‌وه.

کۆمپانیای ئا ئێم ئێف ئاماده‌یه‌ پرسه‌که‌ به‌ دادگه‌ بگه‌یه‌نیت بۆ ئه‌وه‌ی ئه‌و پاره‌یه‌ بۆ بگه‌ڕێته‌وه‌ که‌ سه‌رۆکی گشتیی کۆمپانیاکه‌ کریسته‌ر ئێلمێهاگێن به‌ خانه‌نشینانه‌ ده‌ستی که‌وتوون. یۆران تونهاممه‌ر دڵنیایه‌ که له‌و ده‌مه‌دا شتێک له‌ جێ ترازاوه‌ و پاره‌یه‌کی زۆریشی پێ دراوه‌.

ڕێککه‌وتنه‌که‌ ئه‌و مافه‌ی به‌ ئێلمێهاگێن نه‌داوه‌ ئه‌و هه‌موو پاره‌ و خانه‌نشینییه‌ی پێ بدرێت که‌ به‌ ده‌ستی هێناوه‌ و 700 هه‌زار کرۆنی مانگانه‌ بووه‌. ئه‌مه‌یان به‌لای تونهاممه‌ره‌وه‌ شتێکی ڕوون و ئاشکرایه

به‌پێی قسه‌کانی تونهاممه‌ر له‌ ڕێککه‌وتنه‌که‌دا دیاری کراوه‌ که‌ چه‌ندی خانه‌نشینانه‌ بۆ ئێلمێهاگێن ببڕدرێته‌وه‌. ئه‌وه‌ی هه‌ڵه‌ی لێ که‌وتووه‌ته‌وه‌ ئه‌وه‌ بووه‌ که‌ ئێمه‌ وامان زانیوه‌ که‌ پاره‌ی تری به‌لامانه‌وه‌ ماوه‌ و ئه‌و بۆچوونه‌یشمان هه‌ڵه‌ بووه‌.

به‌ڵام ئێلمێهاگێن به‌ش به‌خۆی دوێنێ پێچه‌وانه‌ی ئه‌مه‌ ڕای ده‌ربڕی؛ که‌ ڕێککه‌وتنه‌که‌ ئاماژه‌ به‌و گوژمانه‌ ده‌دات که‌ وه‌ریگرتوون. به‌ڵام هه‌ق به‌ کێیه‌؟ ئه‌گه‌ر کۆمپانیای ئا ئێم ئێف ڕێککه‌وتنه‌که‌ بۆ ڕای گشتی بڵاو بکاته‌وه‌ دیاره‌ که‌ پرسه‌که‌ یه‌کلا ده‌بێته‌وه‌، ئه‌گه‌رچێ تونهاممه‌ر کۆمپانیاکه‌ به‌ ده‌ستگه‌ی ده‌وڵه‌ت نازانیت و نایه‌وێت ئه‌و به‌ڵگه‌یه‌ ئاشکرا ببێت.

به‌پێی تونهاممه‌ر ئه‌گه‌ر ڕێککه‌وتنه‌که‌ بڵاو بکرێته‌وه‌ زیان به‌ پرۆسه‌یه‌کی یاسایی ده‌گه‌نێت که‌ ڕه‌نگه‌ بۆ یه‌کلاکردنه‌وه‌ی پرسه‌که‌ دامه‌زرێنرێت و ده‌ڵێت شتی وا نایه‌ڵین ته‌نانه‌ت لای ئه‌ندامانی ده‌سته‌ی به‌ڕێوه‌به‌ریشدا بمێنێته‌وه‌. ئه‌گه‌ر نا به‌ کارێک ده‌که‌وته‌وه‌ دژ به‌ ئاکاری پارێزه‌رانه‌ ده‌وه‌ستا و بۆیه‌ نایشتوانین به‌ خه‌ڵکی ڕابگه‌یه‌نین. سه‌رۆکی کۆمپانیاکه‌ یۆران تونهاممه‌ر هه‌موو پرسه‌که‌ی به‌لاوه‌ مایه‌ی خه‌مه‌ و به‌ ڕووپه‌لێکی ناخۆشی له‌ مێژووی کۆمپانیاکه‌دا ده‌زانێت

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".