Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

دابه‌زاندنی په‌ڕگه‌ له‌ سوید، قه‌ده‌غه‌یه‌

بڵاو کرایه‌وه‌ torsdag 2 april 2009 kl 16.41

دوو ڕۆژه‌ یاسای ناودێر به‌ ئیپرێد، که‌ ده‌توانین به‌ یاسای پشتگیری له‌ مافی به‌رهه‌مهێنه‌ران له‌ سه‌ر ئینترنێتیش، ناودێری بکه‌ین له‌ سوید جێبه‌جێ کراوه‌. به‌ پێی ئه‌م یاسایه‌، بارکردن و دابه‌زاندنی نایاسایی هه‌رچه‌شنه‌ په‌ڕگه‌، واتا فایلێکی ئینترنێتی، وه‌ک فیلم، وێنه‌، موزیک و به‌رنامه‌ی کۆمپیوتێری، ده‌توانێ سزا و وه‌دواکه‌وتنی یاسایی به‌دواوه‌ بێت و به‌م پێیه‌ش، بۆ به‌کارهێنی ئینترنێتی، خه‌رجێکی زۆر هه‌ڵگرێ.

هه‌رچه‌ند یاسای ناوبراو، له‌ لایه‌ن به‌رهه‌مهێنه‌رانی کاری‌ هونه‌ریی وه‌ک فیلم و موزیک، به‌ گه‌رمییه‌وه‌ پێشوازیی لێکراوه‌ به‌ڵام خه‌ڵک، پشتیگیرییه‌کی وه‌های لێنه‌کردووه‌. به‌ پێی ئامارێک که دامه‌زراوه‌ی بیروڕاپرسیی سیفوو بڵاوی کردۆته‌وه‌، نزیکه‌ی نیوه‌ی خه‌ڵکی سوید، دژی به‌ڕیوه‌چوونی ئه‌م یاسایه‌ن و ته‌نیا ۳٢ له‌ سه‌دی خه‌ڵک، پشتیگیریی ده‌که‌ن.‌ نه‌یارانیش، زۆرتر، پیاوانی گه‌نجی ١٥ تا ٢٩ساڵه‌ن.

به‌ پێی یاسایه‌، ئه‌و شیرکه‌تانه‌ی خزمه‌ته‌‌کانی ئینترنێتی پێشکه‌ش ده‌که‌ن له‌ سه‌ریانه‌ که‌ له‌ کاتی پێویستدا و له‌ سه‌ر داوای مه‌حکه‌مه‌، ناونیشانی په‌یوه‌ندیی ئینترنێتیی به‌کاربه‌ران، که‌ به‌ ناونیشانی ئای پی، ناسراوه،‌ بده‌نه‌ وان. هه‌ر ئه‌مه‌ش وای کردووه که‌ هه‌ر له‌و ماوه‌ی یه‌ک دوو ڕۆژه‌دا ڕێژه‌ی دابه‌زاندنی په‌ڕگه‌ ئینترنێتییه‌کان، به‌ شێوه‌یه‌کی به‌رچاو که‌م بێته‌وه‌.‌ له‌ وتووێژێکدا له‌گه‌ڵ ئاسۆ نادری، پسپۆڕی ته‌کنیکی زانیاری و یه‌کێ له‌ به‌رپرسانی ماڵپه‌ڕی زانستپه‌روه‌رانی کورد له‌ سوید، سه‌ره‌تا هۆی ئه‌م که‌مبوونه‌وه‌یه‌م لێ پرسی.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".