Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

سۆسیالدیموکراته‌کان له‌ دواده‌نگپێواندا گه‌لێک دوا که‌وتووه‌ن

بڵاو کرایه‌وه‌ måndag 6 april 2009 kl 13.16
مۆنا سالینی سۆسیالدیموکراته‌کان

به‌پێی دوو ڕاپێوان که‌ له‌ کۆتایی هه‌فته‌ی ڕابردوودا بڵاو کرانه‌وه‌، سۆسیالدیموکراته‌کان کشه‌ ده‌که‌ن و پارتییه‌ فه‌رمانڕانه‌کان پێش ده‌که‌ون. به‌گوێره‌ی ئه‌نجامه‌کانی دێموسکۆپی ڕاپێوان مۆدێراته‌کان پێشی سۆسیالدیموکراته‌کان که‌وتوون و له‌ په‌رله‌مانی سوێددا ئێستا گه‌وره‌ترین پارتییه‌.

سه‌رۆکی سۆسیالدیموکراته‌کان مۆنا سالین ئه‌م داڕمانه‌ی لایه‌نگریکردنی پارتییه‌که‌ی بۆ کێشمه‌کێشی له‌مه‌ڕ سه‌رۆکی یه‌کێتیی سه‌ندیکاکانی سوێد ڤانیه‌ لوندبی ڤێدین و شێوه‌ی ڕه‌وتاری ئه‌و وه‌ک سه‌رۆکی ده‌سته‌ی کارگێڕی ده‌ستگه‌ی خانه‌نشینانه‌ی به‌ ناو ئا ئێم ئێف و پرسی سه‌رۆکی ده‌ستگه‌که‌ کاتێک به‌پێی ڕێککه‌وتنێکی تایبه‌ت خانه‌نشینانه‌یه‌کی زۆری بۆ بڕایه‌وه‌. له‌ ڕاپێوانه‌که‌ی دێموسکۆپدا دیار که‌وتووه‌ که‌ به‌ره‌ی هاوپه‌یمانی فه‌رمانڕان 50 له‌ سه‌دی ده‌نگه‌کانی به‌ ده‌ست هێناوه‌ و به‌ ڕێژه‌ی 5% پێشی به‌ره‌ی نه‌یاری خۆی که‌تووه‌. ئه‌مه‌ ئه‌گه‌رچی پارتیی نێوه‌ند ـ سێنته‌ر ـ و پارتیی مه‌سیحییه‌ دیموکراته‌کان له‌ 4% ـی ده‌نگه‌کان که‌متریان پێ دراوه‌، که‌ ڕێژه‌یه‌کهی ده‌نگه‌کانه‌ هه‌ر پارتییه‌کی سیاسی بۆ خۆی دابینی نه‌کات به‌ په‌رله‌مانی سوێد ناگات. له‌ ده‌نگپێوانه‌که‌ی دێموسکۆپدا سۆسیالدیموکراته‌کان 8،6% ده‌نگه‌کانی جارانی خۆیان له‌ ده‌ست داوه‌ و ئێستا 30،9% ده‌نگه‌کانیان له‌ پشت ماوه‌، که‌چی مۆدێراته‌کانی سوێد 9% ـی ده‌نگه‌کانیان هاتووه‌ته‌ پاڵ و ئێستا 35،5 ـی ده‌نگه‌کانی پێ بڕاوه‌.  

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".