Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

مۆنا سالین و ڤانیا لوندبی ڤێدین ئاشت بوونه‌وه‌

بڵاو کرایه‌وه‌ onsdag 8 april 2009 kl 16.39
ڤانیا لوندبی و مۆنا سالین

سه‌رۆکی پارتی سۆسیالدیمو‌کراته‌کان مۆنا سالین له‌ گفتوگۆیه‌کیدا له‌ که‌ناڵی یه‌کی ته‌له‌فزیۆنی سویده‌وه‌ پشتگیری خۆی بۆ سه‌رۆکی ڕێکخراوی سه‌رانسه‌ری سه‌ندیکاکانی کرێکاران ڤانیا لوندبی وادین دووپات کرده‌وه.

‌سالین ووتی ڕێچکه‌ی کاره‌کانی لوندبی له‌ سه‌رۆکایه‌تی کۆمپانیای پشکی خانه‌نشێنی AMF  و دیاری کردنی مووچه‌ی سه‌رۆکی ئه‌و کۆمپانیایه‌ به‌ پێێ پێویست ڕوون نه‌کرابۆوه‌.

ئه‌م گفتوگۆیه‌ی لوندبی و سالین له‌ دوای کۆبونه‌وه‌کانی دووشه‌مه‌ی ڕابوردوو دێت که‌ تێێدا سه‌رۆکایه‌تی ڕێکخراوی سه‌رانسه‌ری سه‌ندیکاکانی کرێکاران بڕیاری مانه‌وه‌ی لودبیان وه‌ک سه‌رۆکی ئه و ڕێکخراوه‌دا. لوندبیش له‌ گفتوگۆ ته‌له‌فزیۆنیه‌که‌ی ئه‌م به‌یانیه‌دا له‌گه‌ڵ سالین دووپاتی کرده‌وه‌ که‌ له‌ په‌یمانی دیاریکردنی مووچه‌ی خانه‌نشێنی و مووچه‌ی سه‌رۆک و به‌ڕێوه‌به‌رانی کۆمپانیاکاندا به‌شدار نه‌بووه‌ و جه‌ختی له‌وه‌ش‌ کرده‌وه‌ که‌ هه‌رچی زیاده‌یه‌کی مووچه‌ بڕیای له‌سه‌ر درا بێت به‌رامبه‌ر به‌ کارو چالاکی به‌رچاوی سه‌رۆک و به‌ڕێوه‌به‌ره‌کان بووه‌.

جێێ باسه‌ که‌ مۆنا سالین له‌ گفتوگۆکانی ئه‌مڕۆیدا دووپاتی کرده‌وه‌ که‌  دابه‌زینی به‌رچاوی ئاستی ده‌نگده‌رانی سۆسیالدیموکراته‌کان که‌ ئاماره‌کانی ئه‌م دواییه‌ نیشانیان دا، په‌یوه‌ندی به‌ کێشه‌کانی ئه‌م دواییه‌ی سه‌رۆکی ڕێکخراوی سه‌رانسه‌ری سه‌ندیکاکانی کرێکارانه‌وه‌ هه‌بوو که‌ ببوه‌ سه‌ردێڕی سه‌ره‌کی له‌مێدیاکاندا.

جێێ وه‌بیر هێنانه‌وه‌یه‌ که‌ لودنبی له‌م دواییه‌دا به‌ هۆی گومانی‌ به‌شداری له‌ دیاریکردن و بڕیاری مووچه‌ی بێ ئه‌ندازه‌ به‌رزی سه‌رۆکی کۆمپانیای پشکی خانه‌نشێنی AMF، که‌وته‌ ته‌نگژه‌ی باوه‌ڕ له‌ده‌ستان له‌ لایه‌ن ئه‌ندامانی سه‌ندیکاکان و لایه‌نه‌ گشتییه‌کان  هه‌روه‌ها خه‌ڵکی.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".