Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

کۆڕی شیعرخوێندنه‌وه‌ پێنجشه‌ممه‌ی ڕابردوو به‌ ڕێوه‌ چوو

بڵاو کرایه‌وه‌ torsdag 9 april 2009 kl 15.02
کۆڕه‌کانی مه‌م و زین

خاتوو شۆڕش ئیبراهیم که‌ به‌رپرسی پرۆژه‌ی شاهره‌زاده ده‌ڵێت شاره‌زاد پرۆژه‌یه‌کی هاوبه‌شی نێوان شه‌ش وڵاتی ئه‌ورووپایه‌، پرۆژه‌یه‌کی ئه‌ده‌بی‌ له‌پێناو به‌رزڕاگرتنی وشه‌ی ئازادایه‌. ئه‌و شه‌ش وڵاته‌یش به‌رشه‌لۆنه‌ و برۆکسل و سته‌ڤانگه‌ر و فرانکفۆرت و ستۆکهۆلم و نۆرویچ نوێنه‌رایه‌تییان ده‌کات و چالاکی جیاواز به‌و مه‌به‌سته‌وه‌ ده‌گێڕن ده‌نگه‌ نوێکانی ئه‌ورووپا و ئه‌و نووسه‌رانه‌ بخه‌ینه‌ ڕوو که‌ له‌ ئاواره‌ییدا ده‌ژین.

مه‌موزین یه‌کێکی پرۆژه‌کانی که‌ ده‌سته‌ی شه‌هره‌زاده‌ به‌ ڕێوه‌ی ده‌بات و ئیستا سه‌رنجی وردی خستووه‌ته‌ سه‌ر زمان و ئه‌ده‌بی کوردی و کارێکی هاوبه‌شی نێوان ده‌سته‌ی شه‌هره‌زای ستۆکهۆڵم و سته‌ڤانگه‌ری نه‌روێژ و یانه‌ی قه‌ڵه‌می ده‌نیمارکه‌، که‌ پێکه‌وه‌ 15 کۆڕ له‌ حه‌وت شاری باکووری ئه‌ورووپادا ده‌گێڕن، که‌ تاکوو ئێستا کۆڕی شێعرخوێندنه‌وه‌یان له‌ ئوپسالا و ستۆکهۆلم و یۆتۆبۆریدا ساز دراون

ئێواره‌ کۆڕه‌که‌ی ستۆکهۆڵمیش عه‌بدڵڵا په‌شێو، سارا گۆردن، یه‌ننی تونێدال، فاتمه‌ ساڤجی و لییلیی چێنینه‌ژاد و خه‌بات عارفی لێ به‌شدار بوون، که‌ سارا گۆردنی شاعیر ده‌ستی پێ کرد که‌ساڵی 1972 له‌ دایک بووه‌ و له‌ ستۆکهۆلم گه‌وره‌ بووه‌ و شاعیر و ڕه‌خنه‌گر و وه‌رگێر و فێرکارێکی ئه‌ده‌بناسه‌.

فه‌ریبورز فه‌خاریی ساکسفۆنژه‌نیش به‌ کۆنه‌هه‌واران به‌شداری کۆڕه‌که‌ بوو که‌ ده‌ڵیت موزیک په‌کی له‌سه‌ر په‌یڤ نه‌که‌وتووه‌ و زمانی خۆی هه‌یه‌.  

شۆرش ئیبراهیم لای وایه‌ ئێواره‌ی شیعرخوێندنه‌وه‌که‌ی شاری ستۆکهۆلم باش به‌ ڕێوه‌ چوو، که‌ 150 که‌سێکی لێ ئاماده‌ بوو، ئه‌و هیواداریشه‌ کوڕی په‌خشان چیرۆکخوێندنه‌وه‌ی کوردیش سه‌ر بگرێت، که‌ هه‌فته‌ی داهاتوو ـ چوارده‌ی ئه‌پریل ـ له‌ ئوپسال‌ ده‌ست پێ ده‌کات و ـ شانزه‌ی مانگ ـ له‌ ستۆگهۆلم به‌رده‌وام ده‌بێت و ـ بیستی دوای ویش ـ له‌ یۆتۆبۆری ته‌واو ده‌بێت.  

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".