Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
ئابووری

بودجه‌ی به‌هاری حوکوومه‌ت به‌ خاس و خراپ هه‌ڵسه‌نگێنراوه‌‌

بڵاو کرایه‌وه‌ torsdag 16 april 2009 kl 11.35
1600 هه‌زار که‌سێک کاری تازه‌ده‌ستپێکراویان گیر هاتووه‌

حوکوومه‌ت وای له‌ به‌رچاوه‌ که‌ دوو ساڵی تر چاره‌که‌ میلیۆنێک سوێدی به‌شداری له‌و چالاکییانه‌ بکه‌ن به‌پێی سیاسه‌تی بازاری کار دابین ده‌کرێن.

5% ـی وزه‌ی کار چاه‌ڕی ده‌کرێت له‌و چالاکییانه‌دا به‌شدا ببن. به‌ڵام ئه‌و کار و چالاکییانه‌ی حوکوومه‌ت به‌و مه‌به‌سته‌وه‌ دایهێنابوون ئه‌و که‌سانه‌ بۆ کاریان گیر بکه‌وێته‌وه‌ که‌ ماوه‌یه‌کی درێژ نه‌خۆش که‌وتوون تاکوو ئێستا کاریگه‌رییه‌کی ئه‌وتۆی نه‌بووه‌. بودجه‌ تازه‌که‌ی حوکوومه‌ت کاری که‌م له‌ باری ئابووری مالان ده‌کات. هیچ نوێکارییه‌ک یان گۆڕانێکی یاسای تایبه‌ت به‌م بواره‌ پێشنیاز نه‌کراوه‌، نه‌ داشکناندی باج نه‌ زیادکردنی ئاماژه‌ دراوه‌ تا ئاستی به‌کاربردن یان داهاتی ده‌وڵه‌ت ببووژێنته‌وه‌. ئه‌م باسه‌ له‌ درێژه‌ی ڕۆژدا ورد ده‌که‌ینه‌وه‌

دوێنێ حوکوومه‌ت و وه‌زیری دارایی ئاندێرش بۆری بودجه‌ی به‌هاریان خسته‌ ڕوو که‌ دوو کارڕایی به‌رچاوی ڕوو له‌ ته‌نژه‌ ئابوورییه‌که‌ گرته‌وه. ساڵی داهاتوو حه‌وت میلیارد کرۆن بۆ شاره‌وانییه‌کان دابین ده‌کرێت و بێکارییه‌ بره‌وسه‌ندووه‌که‌یش ده‌ میلیاری بۆ ته‌رخان ده‌کرێت. سۆسیالدیموکراته‌کان ده‌یانه‌وێت له‌م هێنده‌یه‌ زیاتر بکرێت و ڕه‌خنه‌یان له‌ حوکووته‌ که‌ ئاستی قه‌ره‌بووی بێکاری گۆڕیوه‌ و گوته‌بێژی ئابووریی سوسیالدیموکراته‌کان توماس ئیۆستروس پێشنیازه‌کانی حوکوومه‌تی به‌لاوه‌ بێناوه‌ڕۆکه‌

به‌ڵام وه‌زیری دارایی به‌ر له‌ ڕه‌خنه‌که‌ی سۆسیالدیموکراته‌کان ده‌گرێت و ده‌ڵێت زۆری ئه‌و ده‌ میلیارد کرۆنه‌ی دابینی ده‌که‌ین خه‌رجه‌کانی بێکار و چالاکییه‌کانی پێ تێده‌هێنینه‌وه‌.

حوکوومه‌ت وای له‌ به‌رچاوه‌ که‌ دوو ساڵی تر چاره‌که‌ میلیۆنێک سوێدی به‌شداری له‌و چالاکییانه‌ بکه‌ن به‌پێی سیاسه‌تی بازاری کار دابین ده‌کرێن.

5% ـی وزه‌ی کار چاوه‌ڕێ ده‌کرێت له‌و چالاکییانه‌دا به‌شدا ببن. به‌ڵام ئه‌و کار و چالاکییانه‌ی حوکوومه‌ت به‌و مه‌به‌سته‌وه‌ دایهێنابوون ئه‌و که‌سانه‌ کاریان گیر بکه‌وێته‌وه‌ که‌ ماوه‌یه‌کی درێژ نه‌خۆش که‌وتوون تاکوو ئێستا کاریگه‌رییه‌کی ئه‌وتۆی ناناوه‌ته‌وه‌. سه‌رۆکی کاردۆزگه‌ی شاری ئێسکیلستونه‌ بودیل ئێکستریۆم Bodil Ekström ده‌ڵێت دوو که‌سی وامان لێره‌ هه‌یه‌ که‌ پێوه‌ندییان به‌و جۆره‌ کاره‌وه‌ هه‌یه‌

بودجه‌ تازه‌که‌ی حوکوومه‌ت کاری که‌م له‌ باری ئابووری ماڵان ده‌کات. هیچ نوێکارییه‌ک یان گۆڕینێکی یاسای تایبه‌ت به‌م بواره‌ پێشنیاز نه‌کراوه‌، نه‌ داشکاندی باج نه‌ زیادکردنی ئاماژه‌یان پێ دراوه‌ تا ئاستی به‌کاربردن یان داهاتی ده‌وڵه‌ت ببووژێنته‌وه‌.

2009 بۆ گه‌لێک خێزان ساڵێکی باشی ئابووری ده‌بێت به‌و مه‌رجه‌وه‌ که‌س کار له‌ ده‌ست نه‌دات و نه‌خۆش نه‌که‌وێت. سێیه‌م داشکاندنی باجی کار که‌ چه‌ند سه‌د کرۆن که‌متری هه‌موو مانگێک بوو له‌ مانگی جانیوه‌رییه‌وه‌ ده‌ست پێ کرا و له‌م پاژی به‌هاره‌یشدا مووچه‌ سێ تا چوار له‌ سه‌ددا بۆ زۆر مووچه‌خۆر زیاد ده‌کات. به‌مه‌وه‌ دیاره‌ که‌ جیاوازیی نێوان کارگه‌ر و بێکار به‌رپانتر ده‌بێت و بودجه‌ی به‌هار پێشنیازی وای لێ نییه‌ توخنی ئابووریی ماڵان بکه‌وێت. ئابوورینانسی بانکی نوردێیه‌ ئینگێله‌ گابریێلسۆن ده‌ڵێت

له‌مه‌ بترازێت به‌ره‌ی به‌ربه‌ره‌کانی حوکوومه‌ت ده‌یه‌وێت خه‌رجیی خوێندن بۆ بێکاران دابین بکرێت نه‌ک هه‌ر قره‌بووی بێکارییه‌که‌یان بڕه‌خسێنرێت و به‌ پێویستی ده‌گرێت کارێک بۆ سندووقی قه‌ره‌بووی بێکاری بکرێت. به‌م مه‌به‌سته‌وه‌ بوو که‌ گوته‌بێژی ئابووری سۆسیالدیموکراته‌کان توماس ئیۆستروس Östros دوێنێ له‌ په‌رله‌مان ڕووی ڕه‌خنه‌ی له‌ ئاندێرش بۆری کرد و به‌ مه‌به‌ستی بیرهێنانه‌وه‌ زیداکردنی مزی ئه‌ندامییه‌تی سندووقی بێکاران گوتی تۆی وه‌زیری دارایی کورتێکی به‌ر له‌وه‌ی بێکارییه‌ کۆمه‌ڵگیره‌که‌ بکه‌وێته‌وه، خه‌ڵکت له‌ سندووقی بێکاران تار کرد.

به‌ڵام وه‌زیری دارایی له‌ وه‌ڵامدا گوتی ئه‌گه‌ر باجی سه‌ر که‌م و ناونجی داهات به‌رز بکه‌ینه‌وه‌ و ده‌رماله‌که‌یان به‌ هێز بکه‌ین، خه‌ڵکێکی که‌متر کار ده‌که‌ن و به‌و جۆره‌ ماوه‌ی بێکارییان درێژه‌تر ده‌کێشن.

بودجه‌ی به‌هاری حوکوومه‌ت که‌ دوێنێ خرایه‌ ڕوو هه‌م په‌سن دراوه‌ هه‌م ڕه‌خنه‌ی لێ گیراوه‌، به‌ڵام به‌ره‌ی ڕه‌خنه‌گر زۆرترن و گه‌وره‌ی ئابووریناسان ستێفان فیۆلسته‌ر سه‌ر به‌ ده‌ستگه‌ی ژیانی ئابووری و بازرگانی ده‌ڵێت بودجه‌ی به‌هار زۆری کۆمه‌که‌ و که‌می مایه‌گوزارییه‌

به‌لای ستێفان فیۆلسته‌ره‌وه‌‌ ئاندێرش بۆری وه‌ک باشترین‌ وه‌زیرێکی دارایی ده‌چێت که‌ سۆسیالدیموکراته‌کان له‌ هه‌رهه‌وه‌ هه‌یانبووبێت، ئه‌وه‌ی بۆری کردوویه‌تی کۆمه‌کی دارییه‌ که‌ به‌ شاره‌وانییه‌کان ده‌رێت و بۆ بێکاران دابین ده‌کرێت.

فیۆلسته‌ر به‌ باشی ده‌زانێت پاره‌ قه‌ره‌بووی بێکاری بۆ ئه‌وانه‌ دابین بکرێت که‌ بێکار ده‌که‌ون. به‌ڵام لای وایه‌ که‌سانی گه‌لێک که‌متر بێکار ده‌بوون ئه‌گه‌ر حوکوومه‌ت پێش له‌کار که‌وتنیان پاره‌ی بۆیان بخستایه‌ته‌ گه‌ڕ.

به‌ره‌ی سه‌ندیکایش ڕه‌خنه‌ی له‌ حوکوومه‌ت و بودجه‌که‌ی هه‌یه‌ و سه‌رۆکی یه‌کیه‌تیی سه‌ندیکاکانی سوێد ڤانیه‌ لوندبی ڤێدین لای وایه‌ حه‌وت میلیارد کرۆنی ته‌رخانکراو بۆ کاروباری شاره‌وانییه‌کان، به‌شی ئه‌وه‌ ناکات کارمه‌ندی خۆیان له‌ کار ده‌ر نه‌که‌ن و لای وایه‌ وه‌زیری دارایی به‌ هه‌ڵه‌دا چووه‌ که‌ ده‌ڵیت ناتوانم کاری نوێ دابهێنم

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".