Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
هه‌ڵه‌بجه‌

"چاک" دۆستی کوردی خه‌ڵات کرد

بڵاو کرایه‌وه‌ måndag 20 april 2009 kl 15.44

نێوه‌ندی چاک به‌ نیازی ڕێزگرتنی چه‌ند که‌سایه‌تییه‌کی سوێدییه‌وه‌ که‌ له‌ پێشوه‌بردنی پرسی کوردا هه‌وڵیان داوه‌ و کوردکوژییه‌که‌ی به‌ نێو ئه‌نفال و ژه‌هرڕێژییه‌که‌ی هه‌ڵه‌بجه‌یان له‌ قاو داوه‌، شه‌ممه‌ی ڕابردوو، کۆڕێکی له‌ ئا بێ ئێف هوسی ستۆکهۆڵمدا گێڕا که‌ خه‌ڵکێکی باش ئاماده‌ بوو.

قادر نادر که‌ به‌رپرسی کۆمیته‌ی سوێدییه‌تی هۆی ڕیزلێنانه‌نه‌که‌ ده‌ربڕی و ئاماژه‌ی‌ به‌ بانگه‌وازێک دا نێوه‌ندی چاک جاڕی داوه‌ و داوای کردووه‌ کوردکوژییه‌که‌ی سه‌رده‌می سه‌دام حوسێن به‌ فه‌رمی وه‌ک کرده‌وه‌ی جێنۆساید و قڕکردنی کورد ددانی پێدا بنرێت و  مه‌به‌ستی ڕێزلێنانه‌که‌یشی به‌لاوه‌ کارێکه‌ که‌ بۆ دۆستانی کوردی دیاربخات کورد کار و چالاکی ئه‌وانی له‌ پێناو کورد و مافه‌کانیدا فه‌رامۆش ناکه‌ن.

له‌ سه‌ره‌تای کۆڕه‌که‌دا هێلێنا سڤانتێنسۆن که‌ نێوه‌ندی هێلێنای منداڵی بێدایکوباوکی له‌ کوردستاندا به‌ نێوه‌وه‌یه‌ و حه‌مه‌ دۆستان که‌ تاکوو ئێستا کیمیابارانه‌که‌ی هه‌ڵه‌بجه‌ی به‌ بابه‌تی سه‌ره‌کیی چه‌ند ڕۆمانێکی خۆی گرتووه‌ و به‌ سوێدی بڵاوی کردوونه‌ته‌وه‌ و ستێففان یێرتێی ڕۆژنامه‌نووس، که‌ کاره‌ساته‌که‌ی هه‌ڵه‌بجه‌ی به‌ چاوی خۆی دیوه‌، باسیان له‌ ئه‌زموونی خۆیان کرد که‌ ستێففان یێرتێی خانه‌نشین چون خزمی کوردی هه‌ن و ئاشنای ئه‌م ده‌یانه‌ی دواییه‌ی پرسه‌کانی خۆرهه‌ڵاته‌ ده‌ڵیت پرسی کوردم به‌لاوه‌ گرینگه‌. یێرتێ گوتی دوای چه‌ند سه‌عاتێکی کیمیابرانه‌که‌ گه‌یشتمه‌ هه‌ڵه‌بجه‌. هێزه‌کانی عێراق ته‌قه‌یان ده‌کرد و فڕۆکه‌کانی به‌ ئاسمانه‌وه‌ بوون. ئێمه‌یش چه‌ند ڕۆژنامه‌گه‌رێک بووین که‌ دوای چه‌ند ڕۆژێک ڕێمان درا بچینه‌ شاره‌که‌ و چه‌ند سه‌عاتێکی لێ ماینه‌وه‌، به‌و نێوه‌دا گێڕامانیان و هه‌موو شتێکمان بینی. دوای که‌لێنێک که‌وته نێو فڕۆکه‌کانی عێراقه‌وه‌ و ئێمه‌یش به‌ کۆپته‌ر هه‌ڵفڕێنراینه‌ نێو لێڕه‌یه‌کی ئه‌و نزیکانه‌وه‌. ماوه‌یه‌کی کورت له‌وێ بووم، به‌ڵام وێنه‌یه‌کی زۆرم گرت و خه‌ڵکم دواند و هه‌موو ته‌رمه‌کانم دیت. ‌ئه‌مه‌یش به‌ کارێکی گه‌وره‌ی نێو ڕای گشتیی دنیا که‌وته‌وه‌، چون تا ئه‌و ده‌مه‌ ڕای گشتی نه‌یده‌ویست بۆی ڕون ببێته‌وه‌ که‌ سه‌دام گازی ژه‌هراوی له‌ شه‌ڕی دژ به‌ ئێراندا به‌ کار ده‌برد. به‌ڵام ئیدی دژ به‌ خه‌ڵکه‌که‌ی خۆیشی له‌ هه‌ڵه‌بجه‌ به‌ کاری هێنا. ئێران ئه‌مه‌ی قۆسته‌وه‌ و بۆ پڕوپاڵاوته‌ی خۆی که‌ڵکی لێ برد و، ئێمه‌یش ڕۆژنامه‌نووسی چاک بووین و له‌ نێوماندا کارگه‌ری بی بی سیش هه‌بوو. ستێففان یێرتێی ڕۆژنامه‌نووسی ئه‌وسا ده‌ڵێت وێنه‌ و ڕیپۆرتاژه‌کانمان ڕوویه‌کی تری شه‌ڕه‌که‌ی نیشان دا.

هێلێنا سڤانتێنسۆن که‌ یه‌کێکی به‌شداران و خه‌ڵاتکراوه‌کان بوو، تاکوو ئێستا گه‌لێک پرۆژه‌ی له‌ بواری منداڵپارێزیدا بردووه‌ته‌ کوردستان و سه‌رپه‌رشتیانی کردووه‌. له‌م دواساڵانی ته‌مه‌نی سه‌رکردوویشدا هێشتا ڕانه‌وه‌ستاوه‌ و درێژه‌ به‌ کاره‌کانی ده‌دات. سڤانتێنسۆنی بزیشکی منداڵان ده‌ڵێت من به‌ڕه‌چه‌ڵک خه‌ڵکی پۆلۆنیام و شه‌ڕی دووه‌می جیهانم دیوه‌، هه‌موو ده‌زانن چێمان به‌سه‌ر هات. سڤانتێسۆن که‌ جووله‌که‌ی پۆلۆنیایه‌ و که‌سوکاری ئه‌و له‌و شه‌ڕه‌دا کۆژراون، ده‌ڵیت که‌ تاوانکارییه‌کانی سه‌دام ئاشکرا کران و کورد ڕاوه‌دوو نران، کاری ته‌واویان لێ کردم. بۆیه‌ ویستم یارمه‌تییه‌ک بگه‌یه‌نم، که‌ڵکێکم بۆ منداڵان هه‌بێت، چون ئه‌وسا سه‌رۆکی ڕێکخراوێکی مرۆڤدۆست بووم، که‌ ناوی ڕێدده‌ بارنێته‌، منداڵان پارێزان، له‌ لوند ده‌ژیام و هێشتا لێی نیشته‌جێم، به‌ڵام ئه‌وسا و به‌ ده‌ستپێشخه‌ری کورده‌کانی سکۆنێ که‌ پاره‌یان کۆ کرده‌وه‌، هاتن و داوایان لێمان کرد یاریده‌ی منداڵانی کوردستان بده‌ین و به‌و مه‌به‌سته‌وه‌ پاره‌یه‌کی زۆریان بۆ ته‌رخان کردین.

کاره‌کانی هێلێنا سڤانتێنسۆن له‌وێوه‌ ده‌ستی پی کردووه‌ و تاکوو ئێستا درێژه‌ی هه‌یه‌. له‌ کۆڕه‌که‌ی شه‌ممه‌ی نێوه‌ندی چاکدا بڕیار بوو ده‌ که‌سایه‌تی به‌ناووده‌نگی سوێدی ئاماده‌ بووایه‌ن و به‌ مه‌به‌ستی ڕیزلێنانه‌وه‌ خه‌ڵاتێکی ڕه‌مزی بکرایه‌ن. به‌ گه‌لێلک هۆوه‌ که‌ ڕوون کرانه‌وه‌، هه‌ر چواری خه‌ڵاتکراوه‌کان ئاماده‌ بوون، که‌ هێلێنا سڤانتێنسۆن و بودێل سێباللۆسی پارتی ژینگه‌ و یاکۆب یونسۆنی پارتیی چه‌پ ئاماده‌ و ئه‌3ندامی په‌رله‌مان و نیشته‌نیی ئوپسالا بوو، که‌ ده‌ڵێت له‌ هه‌شتاکانی سه‌ده‌ی ڕابردووه‌وه‌ بایه‌خی به‌ پرسی کورد داوه‌. له‌ دوایی حه‌فتاکاندا که‌ له‌ ئوپسالا ده‌ژیام و هاتمه‌ ڕیزی پارتی چه‌په‌وه‌، کوردێکی زۆر له‌ ئوپسالا ده‌ژیان که‌ ده‌مبینن و هاوڕێی زۆری کوردم له‌ ڕیزی پارتییه‌که‌دا هه‌بوون، که‌ هه‌ڵه‌بجه‌یش ڕووی دا، چالاکێکی سیاسیی بواری شاره‌وانی بووم، ئه‌وسا ده‌ستپێشخه‌ریم بۆ دامه‌زراندنی لکی کۆمیته‌ی سویدی له‌پێناوی مافه‌کانی مرۆڤی کورد کرد. که‌ ده‌توانم بڵێم له‌ کۆکۆژییه‌که‌ی هه‌ڵبه‌جه‌ له‌ دایک بوو. من له‌وساوه‌ به‌ شێوه‌ی جیا چالاکیم له‌ بواری هاوگه‌ریی هه‌ردوولادا به‌ هۆی هه‌ڵه‌نجه‌ و ئه‌نفاه‌وه‌ نواندووه‌.

بودیل سیباللیۆسی ئه‌ندامی پارتی ژینگه‌ و نوێنه‌ری په‌رله‌مان و ناوزه‌دی په‌رله‌مانی ئه‌ورووپا هه‌روه‌کوو ئه‌مانی که‌سایه‌تییه‌ سوێدییه‌کان لای وایه‌ کورد ده‌بێت بۆ خۆی ساخی بکاته‌وه‌ که‌ چی ده‌وێت تاکوو که‌سانی پشتگری پرسی کورد بزانین چییان پێ ده‌کرێت. سیباللیۆس ده‌ڵێت من نێوانم له‌گه‌ڵ ڕێکخراوی جۆراوجۆری کوردی هه‌یه‌که‌ بۆچونی جیایا بۆ چاره‌ی پرسی کورد هه‌یه‌. من بۆم ده‌رکه‌وتووه‌ که‌ هه‌موویان هه‌مان ئامانجیان نییه‌. بۆیه‌م من ناتوانم بڵێم ئێوه‌ ده‌بێت به‌م جۆره‌ بکه‌ن، به‌ڵام ده‌ڵێم ده‌بێت ئێوه‌ له‌ نیو خۆتاندا ڕێک بکه‌ون، بۆ کوردستانێکی یه‌کگرتوو پێکه‌وه‌ تێبکۆشین، هوڵ بۆ پێشخستنی هه‌لومه‌رجه‌کانی هه‌ر پارچه‌یه‌کی به‌ جیا بده‌ین و هه‌ر پارچه‌یه‌ و سه‌ربه‌خۆ جیا ببێته‌وه‌. ئێوه‌ ده‌بێت له‌ جێیه‌کدا ده‌نگ ئه‌و شته‌ ده‌ربخه‌ن که‌ ده‌تانه‌وێت

فه‌رهاد جیهانمیهه‌ن که‌ کۆڕه‌که‌ی به‌ ڕێوه‌ ده‌برد له‌و باوه‌ڕه‌دایه‌ که‌ پرسی کورد ده‌بێت له‌ شیپانه‌ کوردییه‌که‌ی ده‌ربکێشرێت و به‌ری به‌رین بکرێت و به‌و مه‌به‌سته‌وه‌ به‌ دنیای ده‌ره‌وه‌ی ئاشنا بکرێت که‌ ژماره‌ی پشگرانی به‌ره‌و بستێنیت.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".