Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

به‌درخان له‌ سوید

بڵاو کرایه‌وه‌ tisdag 21 april 2009 kl 17.16

حه‌مید ئه‌بووبه‌کر ئه‌حمه‌د، ناسراو به‌ حه‌مید به‌درخان به‌ڕێوه‌به‌ری ناوه‌ندی کولتووریی به‌درخان دوێنێ میوانی زایه‌ڵه‌ بوو و له‌ به‌ سه‌رکردنه‌که‌ی خۆیدا چه‌ندین به‌رهه‌می به‌ نرخی پێشکه‌ش به‌ کتێبخانه‌ی ئێمه‌ کرد بۆ وێنه‌ سه‌رجه‌می به‌رهه‌مه‌ ڕۆژنامه‌وانییه‌کانی سه‌رده‌می کۆماری کوردستان، چه‌ندین بابه‌تی ڕۆژنامه‌وانی، کولتووری و مێژوویی که‌ جێی سوپاس و پێزانینه‌وه‌یه‌.

حه‌مید ئه‌بووبه‌کر له‌ سه‌ره‌تای ئه‌و مانگه‌دا له‌‌ته‌ک گروپێکی نۆ که‌سه‌ی شانۆگه‌ری گه‌نجدا هاته‌ سوید و به‌رهه‌مێکی شانۆییان به‌ ناوی دیوار بۆ کورده‌کانی نیشته‌جێی ئێره‌ پێشکه‌ش کرد که‌ پێشوازیی لێکرا. شانۆگه‌رییه‌که‌ چه‌ند بابه‌تێکی به‌رجه‌سته‌ کردبوو وه‌ک ململانێی په‌ڕینه‌وه‌، گه‌ڕان به‌ دوای ئه‌ویتر، ڕه‌تکردنه‌وه‌ی چه‌ک و خوێنڕشتن، ژن و چه‌ساندنه‌وه‌ی ژن و کوشتن به‌ پاساوی شه‌ڕه‌ف. ئه‌م گرووپه‌ له‌ گه‌ڕی هونه‌ریی خۆیاندا سه‌ری وڵاتانی ئه‌ڵمان و هۆڵندیشیان دا و شانۆگه‌رییه‌که‌یان له‌وێش پێشکه‌ش کرد.

حه‌مید ئه‌بووبه‌کر سه‌رۆکایه‌تیی ده‌زگایه‌کی کولتووری له‌ سه‌ر شانه‌ به‌ ناوی ده‌زگای چاپ و بڵاوکردنه‌وه‌ی به‌درخان که‌ گه‌لێ چالاکیی جۆراوجۆری خستۆته‌ سه‌ر شانی خۆی.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".