Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

هه‌زار و پێنجسه‌د کارمه‌ندی ڤۆڵڤۆ ده‌رده‌کرێن

بڵاو کرایه‌وه‌ onsdag 22 april 2009 kl 16.15

کۆمپانیای ئوتومبیلسازیی ڤۆلڤۆ، وریایی دا که‌ ١٥۴۳ کارمه‌ندی خۆی له‌ شه‌ریکه‌ جۆربه‌جۆره‌کانی له‌و باژارانه‌ ده‌رده‌کات: یۆتێبۆری، ئومیۆ، ئیسکیلستوونا، بورۆس، هالسبه‌ری، شوێپینگ و ڤارا. ڕۆژی سێزده‌ی یه‌نیڤه‌ریش، ١٦٢٠ کارمه‌ندی دیکه‌ی ئه‌و کۆمپانیایه‌ ده‌رکرابوون.

مۆرتن ڤیکفۆش سه‌رۆکی چاپه‌مه‌نیی کۆمپانیای ڤۆلڤۆ ده‌ڵێ: ئێمه‌ زۆر به‌ داخه‌وه‌ین که‌ ئه‌م کاره‌ ده‌که‌ین به‌ڵام خه‌رجییه‌کی زۆرمان به‌ دانی مووچه‌ی کارمه‌ندانه‌وه‌ هه‌یه‌ و دانه‌زینێکی زۆری ڕاده‌ی فرۆش که‌ ده‌بێ به‌ شێوه‌یه‌ک له‌ شێوه‌کان، چاره‌ی بکه‌ین.

ڤیکفۆش ده‌ڵێ ئێمه‌ به‌ له‌ به‌ر چاوگرتنی تێبینییه‌کانی سه‌ندیکایی، گفتوگۆی به‌رده‌واممان له‌ سه‌ر که‌مکردنه‌وه‌ی سه‌عاته‌کانی کار هه‌یه‌ یا دانی مووچه‌ی که‌متر و ئاماده‌ین هه‌ندێک له‌ گرفته‌کانمان به‌م شێوه‌یه‌ چاره‌سه‌ر بکه‌ین. ئه‌م چاره‌سه‌رییانه‌ دواتر له‌ ئاستی لوکاڵدا ده‌کرێن و له‌ ته‌ک پیداویستییه‌کانی چالاکیی کۆمپانیاکه،‌ ڕێک ده‌خرێن.

له‌ شوێنێکی وه‌ک خوێڤدێ که‌ به‌م کارمه‌ند ده‌رکردنه،‌ زۆرتر زیانی وێده‌که‌وێ ناڕه‌زایه‌تی زێده‌تره‌. لارش ئاسک، سه‌رۆکی سه‌ندیکای ئی ئێف مێتال، له‌ شیرکه‌تی ڤۆلڤۆ پاور تره‌ین ده‌ڵێ ئێمه‌ پێشنیاری که‌مکردنه‌وه‌ی کاتی کار و مووجه‌ی که‌مترمان هێنایه‌ گۆڕێ به‌ڵام سه‌رۆکانی کۆمپانیاکه‌، گفتوگۆکاانیان به‌رده‌وام نه‌کرد و ئێستا پێشنیاری ده‌رکردنی ۳٥٠ که‌س له‌ کارمه‌ندان ده‌ده‌ن.

وریایی دان بۆ ده‌رکردن له‌ کار، یه‌کێ له‌ دواهاته‌کانی قه‌یرانی جیهانگیری داراییه‌ به‌ تایبه‌ت له‌ پیشه‌ی ئوتومبیلسازیدا. پێشتر ڤۆلڤۆ ڕایگه‌یاندبوو که‌ ژماره‌ی کارمه‌ندانی که‌ له‌ سه‌رووی سه‌د هه‌زار که‌سه‌وه‌ بوون، به‌ ڕێژه‌ی ١٦ هه‌زار که‌س به‌ گشتی و ٨٠٠٠ که‌س له‌ سوید، که‌م ده‌کاته‌وه‌. ڤۆلڤۆ، له‌وه‌ته‌ی پایزی ڕابردووه‌ نزیکه‌ی ٦٠٠٠ کارمه‌ندی له‌ سوید جواب کردوون.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".