Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
سیاسی:

پارتییه‌کانی به‌ره‌ی هاوپه‌یمان به‌ به‌ره‌ی به‌ربه‌ره‌کان گه‌یشتوون

بڵاو کرایه‌وه‌ fredag 24 april 2009 kl 11.54
مۆنا سالینی سۆسیالدیموکراته‌کان

ده‌نگپێوانێک که‌ ده‌سگه‌ی ڕاپرسیی سینۆڤات ئه‌نجامی داوه‌ و ڕۆژنامه‌ی داگێنس نیهێته‌ر ئه‌مڕۆ لێی دواوه‌، دیار که‌وتووه‌ که‌ سۆسیالدیموکراته‌کان له‌ ماوه‌ی مانگێکدا نزیکه‌ی چاره‌که‌ میلیۆنێک ده‌نگی هاووڵاتییانی له‌ ده‌ست داوه‌.

به‌پێی دوا ده‌نگپێوانه‌که، که‌ دووهه‌زار و شه‌شسه‌د که‌سی لێ به‌شدار بوونه‌،‌ ڕێژه‌ی لایه‌نگرانی هه‌ردوو به‌ره‌که‌ یه‌کجار هاوسه‌نگه. 47،2% له‌ ده‌نگه‌کان به‌ری به‌ره‌ی هاوپه‌یمانی حوکمڕان که‌وتووه‌ و به‌ره‌ی به‌ربه‌ره‌کانیش 47،1% ـی ده‌نگه‌کانی به‌ ده‌ست هێناوه‌. به‌ڵام سۆسیالدیموکراته‌کان هێشتا گه‌ره‌ترین پارتیی سوێده‌ و 33،5% ـی ده‌نگی هاووڵاتییانی له‌ پشته‌، به‌ڵام پارتیی نه‌ریتخوازی مۆدێراته‌کان 32،1% ـی پێ دراوه‌ که‌ جیاوازییه‌کی زۆری له‌گه‌ڵ سۆسیالدیموکراته‌کاندا نییه‌.

سکرتێری پارتیی سۆسیالدیموکراته‌کان ئیبراهیم بایلان له‌ ڕووی ئه‌م داڕمانه‌ی ڕێژه‌ی لاگیرانی سۆسیالدیموکراته‌کاندا نیگه‌ران نییه‌ و، لای وایه‌ ئه‌م بارودۆخه‌ی نێوان هه‌ردوو به‌ره‌که‌ تاکوو به‌ره‌به‌ری هه‌ڵبژاردنه‌کانی 2010 درێژه‌ ده‌کێشێت، به‌ڵام ئاگاداری ئه‌وه‌یشه‌ که‌ ده‌بێت گورج ببنه‌وه‌ و باڵی لێ هه‌ڵمان:

به‌لای ئیبراهیم بایلانه‌وه‌ گرنگ ئه‌وه‌یه‌ کار بۆ خه‌ڵک دابین بکرێت و که‌لێنی نێو چینه‌ جیاوازه‌کانی کۆمه‌ڵ پڕ بکرێته‌وه‌.

به‌لای په‌یامنێری ڕادیۆی هه‌واڵه‌کانی سوێد، فرێدریک فورتێنباخه‌وه‌ وایه‌ که‌ ده‌بێت ئیبراهیم بایلان نیگه‌رانی ئه‌م بارودۆخه‌کی پارتییه‌که‌ی بێت، چونکه‌ ئه‌مه‌ هه‌واڵێکی خراپتر له‌ ڕاپێوانه‌کانی پێشووه‌ و هه‌ردوو ده‌سگه‌ گه‌وره‌که‌ی ڕاپێوان دیاریان خستووه‌ که‌ هه‌ردوو په‌ره‌ی سیاسیی سوێد هاوسانی یه‌کن و ئه‌مه‌یش بۆ سۆسیالدیموکراته‌کان هه‌واڵێکی باش نییه‌.

سا ئه‌م ده‌نگپێوانه‌ی دواییه‌ی سینۆڤه‌یت به‌ ڕاپیوانه‌که‌ی پێشووی هه‌مان ئینستیتوتی بگرین ڕوون ده‌بێته‌وه‌ که‌ سۆسیالدیموکراته‌کان 250 هه‌زار ده‌نگیان له‌ ماوه‌ی مانگێکدا له‌ ده‌ست داوه‌ و دیار که‌وتووه‌ که‌ زۆرینه‌ی زه‌ره‌ره‌که‌ی ئه‌م پارتییه‌ له‌ نێو که‌مخوێنده‌ و ژنانی سه‌روو 45 ساڵانه‌وه‌ ڕووی داوه‌. ئه‌م ده‌نگپێوانه‌ له‌ حه‌وتی مانگه‌وه‌ تاکوو 22 ـی ئه‌پریل ئه‌نجام دراوه‌، که‌ ماوه‌یه‌کی کورتی له‌وه‌و به‌ری ئه‌و ڕێکه‌وته‌ سه‌رۆکی یه‌کێتیی سه‌ندیکاکانی سوێد ڤانیه‌ لوندبی ڤێدین کێشه‌ی هاته‌ ڕێ و خانه‌نشێنانه‌که‌ی سه‌رۆکی ده‌ستگه‌ی ئا ئێم ئێف ئاشکرا بوو. هه‌ر ئه‌م هۆیانه‌یشه‌ که‌ په‌یامنێری ڕادیۆی هه‌واڵه‌کانی سوێد فرێدریک فورتێنباخ دووپاتی ده‌کاته‌وه‌:

ژماره‌ی لایه‌نگرانی سۆسیالدیموکراته‌کان که‌می کردبوو کاتێک پرسی خانه‌نشینییه‌که‌ی سه‌رۆکی ئا ئێم ئێف له‌ قاو درا، که‌ خانه‌نشینانه‌یه‌کی زۆری بۆ خۆی بڕیه‌وه‌ و پاره‌کانی خۆی سامانگه‌یه‌کی تردا پاشه‌که‌وتی کرد و له‌گه‌ڵ کێشه‌که‌ی سه‌رۆکی یه‌کێتیی سه‌ندیکاکانی سوێد ڤانیه‌ لوندبی ڤێدینیش ژماره‌ی هه‌وادارانی ئه‌م پارتییه‌ که‌متر بووه‌وه‌.

ئه‌م ته‌نگژه‌ ئابوورییه‌ی که‌ سوێدیش گیرۆده‌ی بووه‌ فورتێنباخ ده‌ڵێت له‌ به‌رژه‌وه‌ندیی به‌ره‌ی هاوپه‌یماندا ته‌واو بووه‌. حوکوومه‌ت له‌ باری سیستی ئابووریدا چونکه‌ زێده‌تر به‌رچاو ده‌که‌وێت و چونکیشه‌ ته‌نژه‌ داراییه‌که‌ وه‌کوو هه‌ڵمه‌تێکی ده‌ره‌کی دژ به‌ سوێد ده‌بینرێت بۆیه که‌ڵکی حوکوومه‌تی لێ ده‌که‌وێته‌وه‌. هۆی سێیه‌میش به‌لای فوێرباخه‌وه‌ ئه‌وه‌یه‌ که‌ ئێستا ده‌نگده‌ران هه‌ست ده‌که‌ن که‌ به‌ره‌ی حوکمڕان له‌ بواری په‌یداکردنی کاردا گورجتر و له‌ بواری ئابووریدا باشتره‌، ئه‌مه‌یش ئه‌گه‌ر ڕاست بێت به‌ لای فوێرباخه‌وه‌ کێشه‌ی ناهه‌موار بۆ به‌ره‌ی سه‌وزوسوور ده‌نێته‌وه‌.     

لێکۆڵینه‌وه‌که‌ی مانگی ئه‌پریلی سینۆڤه‌یت سه‌لماندوویه‌ که‌ مۆدێراته‌کانی به‌ره‌ی حوکمڕانه‌ ده‌نگی زیاتری پێ بڕاوه‌، پارتیی نێوه‌ند سێنته‌رپارتییه‌ت، هێشتا له‌ ڕێژه‌ی جارانی خۆی 5،7% ـی ده‌نگه‌کاندا ماوه‌. پارتیی گه‌ل و مه‌سیحییه‌ دیموکراته‌کان که‌متریان ده‌نگ هێناوه‌ و بۆ نموونه‌ ئه‌گه‌ر ئه‌مڕۆ هه‌ڵبژاردن ئه‌نجام بدرێت‌ مه‌سیحییه‌ دیموکراته‌کان ئه‌و هێنده‌یه‌ی ده‌نگ ناهێنێت که‌ به‌ په‌رله‌مانی بگه‌یه‌نێت و 3،8%ـی ده‌نگده‌رانی له‌ پشت ڕاوه‌ستاوه‌.

نوێنه‌ری سوێد له‌ په‌رله‌مانی ئه‌رووپادا، مارگۆت ڤالستریۆم له‌ سیاسه‌تی ناوخۆی سوێددا به‌شداری ناکاته‌وه‌، کاتێک ئه‌رکه‌ پێسپێردراوه‌که‌ی له‌ یه‌کێتیی ئه‌ورووپادا به‌سه‌ر ده‌چێت. ڤالستریۆم به‌ ڕۆژنامه‌ی سڤێنسکا داگبلادێتی ڕاگه‌یاندووه‌ هێشتا پله‌ یان ئه‌رکێکی نێوه‌ندیی له‌ پارتییه‌که‌یدا پێ نه‌سپێردراوه‌، به‌ڵام مۆنا سالینی سه‌رۆکی سۆسیالدیموکراته‌کان لای وایه‌ که‌ مارگۆت ڤالستریۆم سه‌ره‌ڕای ئه‌مه‌یش نۆره‌یه‌کی به‌رچاو له‌ سۆسیالدیموکراتدا ده‌گێڕێت.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".