Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

هه‌ڵامه‌تی به‌راز ووڵاتانی جیهانی نیگه‌ران کردووه‌

بڵاو کرایه‌وه‌ måndag 27 april 2009 kl 12.14
scanpix

هه‌ڵمه‌تێکی  چڕوپڕ له‌ سه‌راسه‌ری جیهاندا له‌لایه‌ن ده‌ستگا فه‌رمییه‌کان و ڕێکخراوه ته‌ندروستییه‌ ‌گشتییه‌کان بۆ به‌رگرتن له‌ په‌تای هه‌ڵامه‌تی به‌راز به‌ڕێوه‌ ده‌چێت. ڕێکخراوی ته‌ندروستی جیهانی  WHO بنکه‌یه‌کی تایبه‌تی بۆ ئه‌و کاره‌ له‌ جنێف کردۆته‌وه. ‌ ئه‌مڕۆش کۆمیسیۆنی یه‌کێتی ئه‌رووپا بانگهێشتی وه‌زیرانی ته‌ندروستی  ووڵاتانی ئه‌ندامی کرد بۆ کۆبونه‌وه‌یه‌کی تایبه‌ت و به‌ په‌له‌ سه‌باره‌ت به‌ په‌تای هه‌ڵامه‌تی به‌راز، ئه‌مه‌ له‌ کاتێكدا که‌ هێشتا هیچ نیشانه‌یه‌کی ئه‌و په‌تایه‌ له‌ ووڵاتانی ئه‌ورووپادا به ‌دی نه‌کراوه‌.

‌سه‌باره‌ت‌ به‌ ئاماده‌ییه‌کانی سوید دژ به‌م په‌تایه له‌ ئینستیتیوتی نه‌خۆشیه‌ درمه‌کانه‌وه‌ سه‌ر پزیشک Jan Albert ده‌ڵێت کارڕاییه‌کان ده‌ستپێکراون و زانیاری سه‌باره‌ت به‌م په‌تا نوێیه‌ ده‌درێنه‌ بنکه‌ ته‌ندروستییه‌کان، هه‌روه‌ها ئه‌و بنکانه‌ بۆ پێشوازی و ئه‌نجامدانی پشکنینه‌ پزیشکیه‌کان ئاماده‌ده‌کرێن به‌تایبه‌ت گه‌ر که‌سانێک له‌و ووڵاتانه‌وه‌ بێن که‌ ئه‌و په‌تایه‌ تێیاندا بڵاو بۆته‌وه‌. Jan Albert

ڕێنمایی بۆ هاووڵاتیانی سوید سه‌باره‌ت به‌ هه‌ڵامه‌تی به‌راز ئه‌وه‌یه‌ پێش هه‌رشتێک ئه‌و که‌سانه‌ی که‌ له‌و شوێنانه‌ بوون که‌ ئه‌ په‌تایه‌ تێیاندا بڵاوبۆته‌وه‌ و نیشانه‌کانی هه‌ڵامه‌تیان تیا ده‌رکه‌وتووه‌ باشتر وایه‌ سه‌ردانی بنکه‌ ته‌ندروستییه‌کان بکه‌ن.

جێی باسه‌ له‌ کۆتایی هه‌فته‌ی ڕابوردووه‌وه‌ که‌ سه‌ره‌تای سه‌رهه‌ڵدانی ئه‌م په‌تایه‌یه‌‌ له‌ ووڵاتی مه‌کسیک 103 که‌س تائێستا گیانیان له ‌ده‌ست داوه‌ نزیکه‌ی هه‌زار توشبوو هه‌ن و بۆ به‌رگرتن له‌ بڵاوبوونه‌وه‌ی ئه‌م په‌تایه‌ شوێنه‌ گشتییه‌کانی وه‌ک کتێبخانه‌ و مۆزه‌خانه‌ هه‌روه‌ها شانۆکان داخراون. ژماره‌ی 8 توشبوو له‌ ته‌کساس و کالیفۆرنیای ئه‌مه‌ریکا ڕاگه‌یه‌نراوه‌.

شایه‌نی باسه‌ ئه‌وه‌ی که‌ جێی نیگه‌رانییه‌ سه‌باره‌ت به‌م جۆره‌ هه‌ڵامه‌ته‌ ئه‌وه‌یه‌ که‌ ڤیرۆسی ئه‌و نه‌خۆشییه‌ تائێتسا نه‌ناسراوه‌ و له‌حاڵه‌تی ئاساییدا هه‌ڵامه‌تی به‌راز له‌ به‌رازه‌وه‌ بۆ مرۆڤ  ده‌گوازرێته‌وه‌ به‌ڵام ئه‌وه‌ی ئێستا به‌دی ده‌کرێت جگه‌ له‌وه‌ی که‌ تێکه‌ڵێکه‌ له‌ ڤیروسی تایبه‌ت به‌ مرۆڤ و باڵنده‌ له‌گه‌ڵ به‌راز، ڤیرۆسه‌ک له‌ مرۆڤه‌وه‌ بۆ مرۆڤ ده‌گوازرێته‌وه‌.  

جێێ سه‌رنجه‌ که‌ ئه‌م هه‌ڵامه‌ته‌ له‌ به‌رازی توشبوو به‌م هه‌ڵامه‌ته‌ ده‌گوازرێته‌وه‌ بۆ مرۆڤ و پاشان له‌ مرۆڤه‌وه‌ بۆ مرۆڤ له‌ڕێی کۆکه‌و لیک و هه‌ندێک جار له‌ ڕێی به‌رکه‌وتن بڵاوده‌بێته‌وه‌. نیشانه‌کانی توشبوون به‌ هه‌ڵامه‌تی به‌راز وه‌ک هه‌ڵامه‌تی ئاساییی وایه‌ ووشک بوونی گه‌روو، تای به‌رز، ئاو له‌ لووتهاتن و دڵتێکهه‌ڵهاتن. ڕێژه‌ی مردن به‌م ڤایرۆسه‌ له‌ سه‌دا یه‌ک تا چواره‌.

هه‌روه‌ها کووتانی دژ به هه‌ڵامه‌تی ‌ئاسایی به‌م ڤایرۆسه‌ ناوێرێت، بۆ ئه‌م کاره‌ ده‌رمانی تایبه‌ت له‌ بنکه‌ ته‌ندروستیه‌کان ئاماده‌یه. ئه‌بێت ئه‌وه‌ش بوترێت که‌ ڤایارۆسی هه‌ڵامه‌تی به‌راز له‌ 70 پله‌ی سه‌دی گه‌رمی ده‌مرێت واتا گه‌ر گۆشتی به‌راز‌ به‌ شێوه‌یه‌کی به‌جێ کوڵابێت خواردنی ئاساییه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".