Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

له‌ فێڕگه‌کاندا هێشتا کچ سه‌رده‌ستن

بڵاو کرایه‌وه‌ tisdag 28 april 2009 kl 15.01

ئامارێکی نوێی گرۆیه‌کی تایبه‌ت به‌ هاوسانی له‌ فێرگه‌کاندا دیاری خستووه‌ که‌ جیاوازیی نێوان نمره‌نامه‌ی کچان و کوڕانی فێڕگه‌کان له‌ شه‌سته‌کانی سه‌ده‌ی ڕابردووه‌وه‌ نه‌گۆڕاوه‌. به‌ گشتی ئه‌و نمرانه‌ی کچان له‌ فێرگه‌ به‌ ده‌ستی ده‌هێنن به‌راورد به‌ نمره‌ی کوڕان ده‌ له‌ سه‌د زیاتره‌، ئه‌گه‌ر وانه‌ی وه‌رزش و له‌شساغی لێ ده‌ربکێشین. سه‌رۆکی ده‌سته‌که‌ ئاننه‌ ئێکسترۆم ده‌ڵێت کوڕانی فێرگه‌کان هه‌وڵی که‌متر ده‌ده‌ن و ئه‌مه‌یش به‌ شکستی فێڕگه‌ سوێدییه‌کان ده‌زانم چون چل ساڵه‌ ئه‌مه‌ جیاوازییه‌مان هه‌بووه‌ بێ ئه‌وه‌ی بتوانین چاره‌ی بکه‌ین.

چه‌ند ساڵێکی دوای قۆناخی دواناوه‌ندی ژنێکی زۆرتر له‌ پیاوان ده‌ستیان به‌ خوێندن له‌ زانستگه‌دا کردووه‌، به‌ره‌ی ژنان له‌ بواری یاساناسی و ساختمانسازی و به‌یتاڵکاریدا له‌ ڕێژه‌ی پیاوان زیاترن. بۆیه‌‌ گرۆی لێوه‌کۆڵ ڕاسپێردراوه‌ له‌ ماوه‌ی ساڵێکی له‌مه‌ولادا بیرۆکه‌ی له‌مه‌ڕ که‌مکردنه‌وه‌ی جیاوازیی نمره‌کانی کچ و کوڕانی فێرگه‌کاندا بدۆزنه‌وه‌. بۆیه‌ سه‌رۆکی ده‌سته‌که‌ ئاننه‌ ئێکسترۆم‌ به‌ دووری نازانێت ئه‌و کارانه‌ی فێرگه‌کان به‌ مه‌به‌ستی یه‌کسانیی نێوان کچان و کوڕان ئه‌نجامیان داوه‌، ڕووگه‌ی هه‌ڵه‌یان گرتبێته‌ به‌ر. ئاننه‌ ئێکسترۆم‌ ده‌ڵێت کێشه‌که‌ کچان نین، کچان له‌م ماوه‌یه‌دا زۆر زیره‌ک بوونه‌ و دیاره‌ هه‌ر وایش به‌رده‌وام ده‌بن. کێشه‌که‌ له‌ کوڕاندایه‌ که‌ ئه‌نجام و نمره‌ی خراپ به‌ ده‌ست ده‌هێنن.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".