Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
مووزیک

مامه‌ قاله‌ی هونه‌رمه‌ند، کۆچی دوایی کرد

بڵاو کرایه‌وه‌ fredag 22 maj 2009 kl 16.03
قاله‌ مه‌ڕه‌

قادری عه‌بدوڵلازاده‌ ناسراو به‌ قاله‌ مه‌ڕه‌، شمشالژه‌نی ئه‌فسانه‌یی کوردستان له‌ ته‌مه‌نی سه‌رووی نه‌وه‌ددا له‌ بۆکان کۆچی دوایی کرد.

قاله‌ مه‌ڕه‌ که‌ ئه‌م نازناوه‌ی له‌ شێخ محه‌مه‌دی بورهان وه‌رگرتبوو، نزیکه‌ی نه‌وه‌د و پینچ ساڵ له‌وه‌ پێش، له‌ گوندی کولیجه‌ی سه‌ر به‌ بۆکان له‌ ڕۆژهه‌ڵاتی کوردستان له‌ دایک بووبوو. له‌ ته‌مه‌نی یازده‌ ساڵییه‌وه‌ تا دواهه‌ناسه‌ی ژیانی، شمشاڵی ژه‌نی و هه‌رگیز ئه‌م شمشاڵه‌ ئاسنییه‌ زه‌رده‌ی له‌ خۆی دوور نه‌کرده‌وه‌، ته‌نانه‌ت له‌ نه‌خۆشخانه‌شدا له‌ ژێر سه‌ریدا بوو.

ده‌نگی پڕشۆری شمشاڵی قاله‌مه‌ڕه‌ و که‌سایه‌تیی له‌سه‌ره‌خۆی، ئه‌م هونه‌رمه‌نده‌ مه‌زنه‌ی کردۆته‌ سیمایه‌کی له‌بیرنه‌کراوه‌ی مێژووی مووزیک و فۆلکلۆری کوردستان. قاله‌مه‌ڕه‌ شمشاڵه‌ به‌ناوبانگه‌که‌ی خۆی، پاش هه‌وڵێکی بێ نێوبڕی چه‌ندین ساڵه‌ له‌ سه‌یدێکی موکریان کڕییه‌وه‌، ئه‌ویش نه‌ک له‌ خۆی، به‌ڵکوو پاش مردنی و له‌ کوڕه‌کانی و به‌ نرخی مه‌ڕێک که‌ ئه‌و کات پێنج قران، قیمه‌تی بوو. شمشاڵی ١٤٠ ساڵه‌ی قاله‌مه‌ڕه، له‌ سه‌ر وه‌سیه‌تی خۆی، پێشکه‌ش به‌ مۆزه‌خانه‌ی هه‌ولێر ده‌کرێت.

قاله‌ مه‌ڕه‌ له‌ لایه‌ن موزیکوانانی به‌ ده‌نگوناوی مووزیکی ئێرانه‌وه‌، نازناوی مامۆستای تاقانه‌ی مووزیکی فۆلکلۆری کوردستانی دراوه‌تێ و چه‌ندین جار‌، له‌ ناوخۆ و ته‌نانه‌ت ده‌ره‌وه‌ی وڵاتیش خه‌ڵات کراوه‌. یادی ئه‌و هونه‌رمه‌نده‌ نه‌مره‌، بۆ هه‌میشه‌ به‌رز و به‌ڕێز بێت!

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".