Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

سه‌رۆکی سه‌ندیکای کرێکاران له‌ ته‌نگژه‌یه‌کی نوێدا

بڵاو کرایه‌وه‌ måndag 25 maj 2009 kl 12.07
scanpix

ڤانیا لوندبی ڤادین سه‌رۆکی سه‌ندیکای کرێکاران LO ڕێگه‌ی داوه‌ به‌هاسه‌ره‌که‌ی به‌ بێ به‌رامبه‌ر له‌ هۆتێلێکی گه‌شتو گوزاردا له‌ بنکه‌ی گه‌شتی Riva del Sole  له‌  ئیتالیا بمێنێته‌وه‌. گوایا سه‌رۆکی سه‌ندیکای کرێکاران خه‌رجی ئه‌و ماوه که‌ڵک وه‌رگرتنه‌ له‌و هۆتێله‌ ‌ به‌ ده‌ستگه‌ی باجی سویدی ڕانه‌گه‌یاندووه‌. ئه‌مه‌ کارێکه‌ به‌ ڕای لایه‌نانی به‌رپرس و ئه‌ندامانی سه‌ندیکاکه‌ش که‌ ئه‌و ده‌بوایه‌ بیزانێت و نه‌ ده‌بوا چاوپۆشی لێ بکات.

یه‌کێک له‌ ئه‌ندامانی پارتی سۆسیالدیمه‌کارته‌کان له‌ کیرۆنا وئه‌ندامی سه‌ندیکای کرێکاران  Lars Törnman ده‌ڵێت من پێم وانییه‌ ڤانیا لوندبی ڤێدین ئیتر متمانه‌ی سه‌رۆکایه‌تی سه‌ندیکای کرێکارانی مابێت، چونکه‌ ئیتر له‌مه‌و دوا و پاش ئه‌و هه‌ڵوێسته‌ نه‌خوازراوانه‌یه‌ی سه‌باره‌ت به‌ خراپ که‌ڵک وه‌رگرتن له‌ کورسی ده‌سته‌ڵاته‌که‌ی هه‌رچییه‌ک بڵێت و بکات ده‌بێته‌ جێێ پرسیار. 

جێێ باسه‌ تا ئێستا ڤانیا لوندبی ڤێدین هیچ وه‌ڵامێکی راسته‌وخۆی له‌ مێدیاکانه‌وه‌ پیشکه‌ش نه‌کردووه‌ به‌ڵام له‌ لاپه‌ڕه‌ی ئینه‌ته‌رنێتی سه‌ندیکاکه‌دا وه‌ڵام دراوه‌ته‌وه‌ گوایا مووچه‌ی سه‌رۆکی سه‌ندیکای کرێکاران له‌ ئیتالیا باج ده‌کرێ هه‌ر بۆیه‌ ئه‌و پێی وابووه‌ که‌ پیویست ناکات ده‌ستگه‌ی باجی سویدی له‌ خه‌رجی ئه‌و هۆتێله‌ و گه‌شتی هاوسه‌ره‌که‌ی ئاگادار بکاته‌وه‌. ئه‌مه‌ لاکه‌تێکدا که‌ به‌پێی یاسای ئیتالی گه‌ر که‌سێکی نزیکت له‌ خزم ئه‌و هۆتێلی گه‌شته‌ به‌کاربهێنێت ئه‌وا پێویست به‌ باج دان ناکات. 

شایه‌نی باسه‌ که بنکه‌ی گه‌شتی‌ Riva del Sole  تایبه‌ته‌ به‌ ئه‌ندامانی سه‌رۆکایه‌تی سه‌ندیکای کرێکاران که‌ ساڵانه‌ له‌گه‌ڵ پێداچوونه‌وه‌ی ڕه‌وت و به‌رنامه‌و پێشنیازی کۆمپانیاکه‌دا ئه‌ندامانی سه‌رۆکایه‌تی ئه‌و سه‌ندیکایه‌ ده‌توانن بۆ ماوه‌ی هه‌فته‌یه‌ک به‌بێ به‌رامبه‌ر له‌و هۆتێلی گه‌شته‌دا بمێننه‌وه‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".