Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

گه‌ر هه‌ڵگری دووناسنامه‌ی ئه‌ورووپیت ده‌کرێت دووجار ده‌نگ بده‌یت

بڵاو کرایه‌وه‌ måndag 25 maj 2009 kl 16.56
دوو ناسنامه‌ و دووجار ده‌نگدان

زۆربه‌ی ئه‌و هاوڵاتیانه‌ی که‌ له‌ وڵاتێکی تری یه‌کیه‌تی ئه‌ورووپاوه‌ هاتوون و له‌ سوید ده‌ژین توانای دووجار ده‌نگدانیان بۆ ڕه‌خساوه‌، ئه‌مه‌ له‌ کاتێکدایه‌ که‌ ئه‌م کاره‌ به‌ پێی یاسای ده‌نگدان قه‌ده‌غه‌یه‌ به‌ڵام جڵه‌وکردنی پرۆسه‌ی ده‌نگدانی ئه‌و که‌سانه‌ی که‌ هه‌ڵگری ناسنامه‌ی دوو وڵاتی ئه‌و‌رووپین کارێکی هه‌روا ئاسان نییه‌.

- کارتی ده‌نگدانم له‌ فینلاندا و سویدیشه‌وه‌ بۆ نێردراوه‌، ئۆومۆ کورۆنه‌ن که‌ هاوڵاتی فینلاندییه‌ و له‌ سوید ده‌ژی ده‌ڵێت ئه‌م کاره‌ شادوومانی کردم بتوانم له‌ دوو ووالات ده‌نگ بده‌م.

شایه‌نی باسه‌ له‌ سه‌ر ئه‌و کارتی ده‌نگدانانه‌ی که‌ له‌ سوید بۆ هاووڵاتیان نێردراون زانیاری ئه‌وه‌ نه‌دراوه‌ که‌ ته‌نها یه‌ک جار بۆت هه‌یه‌ ده‌نگ بده‌یت هۆکاری ئه‌مه‌ش ئه‌وه‌یه‌ که‌ ده‌ستگا گشتییه‌کانی سوید نازانن چه‌ن له‌ هاوڵاتیان و کامیان هه‌ڵگری دووناسنامه‌ی جیاوازن، له‌ ده‌ستگه‌ی کاروباری هه‌ڵبژاردنه‌کانه‌وه‌ هێلێنا ئیرشتێد ده‌ڵێت بواری دووجار ده‌نگدان هه‌یه‌ ئه‌مه‌ له‌کاتێکدا که‌ وڵاتانی ئه‌ندامی یه‌کیه‌تیی ئه‌و‌رووپا سیستێمی دیاریکردن و ناسینه‌وه‌ی ژماره‌ی که‌سێتی پێرسون نومه‌ری هاوبه‌شیان نییه‌.

پرسیار ئه‌وه‌ی که‌ گه‌ر ده‌کرێت پاش ده‌نگدان ئه‌و که‌سانه‌ دیاریبکرێن که‌ دووجار ده‌نگیان داوه‌؟ 

 وه‌ڵامی هێلێنا ئیرشتێد نه‌خێره‌.

بنەمای ڕۆژنامەگەریی ئێمە لەسەر متمانە و بێلایەنییە. ڕادیۆی سوید لە ڕووی سیاسییەوە بێلایەنە. چ لە سیاسەت، ئایین، ئابووری، سوودی گشتی و چ بەرژەوەندیی تایبەتدا
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".